「傳聞」香隧$8；中九幹$10；城隧：未有定案
[複製鏈接]
|
咁將軍澳角度，去新界西經中九幹收 $10 都算係值得，至少唔駛行觀塘道食燈。不過唔會分流到去西區的車流，東隧加中灣繞平 $10。
不過從新界西角度出發，去將軍澳的車流應該好少，大部分去九龍東的車都係以觀塘道/九龍灣為目的地，咁樣龍呈雖然上上落落，但其實唔撞車都係冇燈位，結果就冇誘因去行中九幹。
另外，九龍東去九龍西，加士居道死亡交叉免費，距離又短啲，中九幹要入返尖沙咀/佐敦/旺角，其實冇著數，結果又係冇理由比 $10。
結果起左條繞道，基本上剩係新西去將軍澳，以及九龍東+將軍澳去九龍西填海區會用，可以預期分流效果同大欖隧道減價一樣，舊路繼續塞。
|
|
|
抗議962B重組
還我962全日服務
|
|
|
|
|
|
其實你睇中九龍繞道油麻地出口道路設計
好明顯唔係俾你由九龍東去油尖旺(高鐵站除外)
係預你去葵涌荃灣屯門東涌果邊
當屯門/元朗出發以觀塘為目的地
，行中九龍繞道俾10元都著數
因為可以汀九橋>南灣隧道>昂船洲大橋>......
絕對好行過屯公>荃灣路>葵涌道>呈祥道>.....
|
|
|
|
|
|
|
|
|
其實就算過港島都好，大西北都係行長青隧道多過昂橋，昂橋單線匯入西九龍公路果個成日慢車唔好行。本身去觀塘都極少揀荃灣路，多數都係跟 258D 259D 行長青隧道然後落呈祥道。
中九幹又全程隧道，車手要怕影快相，比前車唔生性頂住要捱到去九龍灣。龍呈雖然要上落山，但自由切線又少快相機，實際行車時間，中九幹唔會有明顯優勢。
|
|
|
抗議962B重組
還我962全日服務
|
|
|
|
|
|
本帖最後由 s3n370 於 2025-6-13 16:53 編輯
2076 發表於 2025-6-13 16:32
其實就算過港島都好，大西北都係行長青隧道多過昂橋，昂橋單線匯入西九龍公路果個成日慢車唔好行。本身去 ...
中九龍幹線隧道段全長4公里，行限速80只需3分鐘。
就算前車行60頂住，4分鐘後都到另一邊出口囉。
無得切線嘅心理真係差，但係實際影響係咪真係咁大？
有少少似大把車明明荃葵青屯元天過海，未三隧分流前死都要揀紅隧。
明明直行荃灣路、葵涌道、西九龍走廊一路無燈順住去，偏偏大把車鐘意行三仔，塞住入果欄仲要停盞燈上加橋。
個人估計三仔順D快D，心理上好大分別。 |
|
|
|
|
|
|
|
|
一時醒唔起長青可以入呈祥道
剛剛都有人回覆咗，心理問題屯公去呈祥道，行長青隧道仲多300米
點解大部份人都唔行荃灣路？
|
|
|
|
|
|
|
|
|
荃灣路快線成日有車頂住，反而汀九橋同出左長青隧道之後冇快相機，好多車手飛 100+，而且葵涌道上呈祥道果一段路成日擺隱藏雷射槍測速捉人，免得過都唔想行下面。
以前入紅隧同理，三幹話就話 100 限速，實際上行 130+ 都唔少見，變左就算食果欄燈都快過行荔橋，又唔駛怕荔橋橋面同瑪嘉烈下面有雷射槍測速。
所以駕駛習慣都唔係話班高官同顧問坐 office 會諗到的野，而中九繞的收費情境 estimation 都可能忽略左免費 vs 收費的心理作用因素。始終龍呈唔係真係兜遠左，亦都唔係好似大埔道寶林路咁多燈。中九繞在距離上冇優勢時，收費有機會會嚴重影響分流效果。
|
|
|
抗議962B重組
還我962全日服務
|
|
|
|
|
|
kay 發表於 2025-6-13 13:02
加士居道天橋收幾多錢個比率都係預計>1
或者大家要降低紓緩POLY交通擠塞效果預期
自設計撥款階段，條車流數無乜大變。
就算唔計近年嘅變化，三隧分流點都應該執一執？
不過講開三隧分流，西隧因此塞佐好多，連累埋西九龍公路。
可能當局嘅“唔收錢會塞車”，重點唔係中九龍幹線，
而係佢唔收錢，個個經三仔再屈去東九龍搞到三仔雪上加霜咋？
到時如果中九龍幹線唔收錢，睇怕要開堆130, 134, 135, 148, 152, 160...特車囉 |
|
|
|
|
|
|
|
|
本帖最後由 s3n370 於 2025-6-13 18:26 編輯
2076 發表於 2025-6-13 17:27
荃灣路快線成日有車頂住，反而汀九橋同出左長青隧道之後冇快相機，好多車手飛 100+，而且葵涌道上呈祥道 ...
龍呈落斜獅隧明愛畢架山幾部梗相機又唔見你提
高官點諗我唔知，但係顧問報告擺出嚟收唔同價錢就有唔同結果，
係咪100%準都好，至少反映佐唔同人對價格同觀感嘅差異，
並唔係all or nothing囉
同埋又係心理問題，俾你三仔跑到130+，頂盡咪快三幾分鐘，
好容易就俾油麻地出口+果欄排隊蝕哂。
成日見有車地板油/電上三仔，我就6/70慢行荃灣路西九龍走廊，
好彩去到駿發見番同一架車，唔好彩就見佢死攝爛攝去到女童軍會先至爬番我頭
|
|
|
|
|
|
|
|
|
行紅隧其實係荃灣路有優勢，果欄轉右真係要排隊蝕時間，我自己都係行荃灣路，只係有啲車鐘意飛三幹的感覺。
如果中九繞真係免費，朝早又真係可能塞死三幹，不過收費又變左朝早基本上唔會諗塞完三幹先入到隧道仲要比錢，的確係有爭議。
三幹果邊係要睇下港島西隧出口加多條慢線之後會唔會好啲，不過似乎都難搞，朝早過海都係坐鐵穩陣好多。
|
|
|
抗議962B重組
還我962全日服務
|
|
|
|
|
|
本帖最後由 s3n370 於 2025-6-13 19:58 編輯
2076 發表於 2025-6-13 18:37
行紅隧其實係荃灣路有優勢，果欄轉右真係要排隊蝕時間，我自己都係行荃灣路，只係有啲車鐘意飛三幹的感覺 ...
揸車嘅點諗好難講啦...你見西隧大欖收得貴有人鬧，
共同富裕齊齊塞一樣有人唔滿意。
返去中九龍幹線，從肯俾錢買個爽字嘅司機同巴士搭客嘅角度，
只要捱到油麻地交匯處，
之後就幾乎可以肯定會順住去，唔駛搏老龍買大開細。
同收舊價嘅西隧大欖異曲同工，反正唔收嘅一蚊都無。
而中九龍幹線條數，直到開工之前都係假定西隧貴紅隧東隧一大截，
幾乎唔預有車會經中九龍幹線入西隧。不過即使係咁，都夠打爆條西九龍公路。
今日搞到要收錢，好大機會係三隧分流嘅副作用。個人甚至懷疑就算政府繼續年年大額盈餘，都一樣會收費去保住呢個平衡。
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
