[個人建議] 重組 13 13D 及 2A 24

1181174166 發表於 2025-9-14 23:21
蘇屋有793，樂華有13
兩者車程都快咗

係你口味先咁特別，覺得幾條疏線一齊重疊攬炒好似唔係問題，唔需要各條線分工清晰明確，明明有機會畀人改快條線改善服務避免陰乾都好似唔需要做，好似維持現狀陰乾都無所謂

但 2A 13 齊齊唔改都幾肯定係最差結果，係你先覺得無所謂。兩飛疏車並唔能夠帶來任何最長等車時間保證，根本無意思

我底線就好簡單，一係改 2A 一係改 13，13D 就點都要改，根本無理由幾條線咁樣攬炒。而 13 係招標線，核心服務範圍無得大改，過多無耐都幾肯定改 2A 易過改 13，問題只係點樣做到最終效果。今次基本上乜都補齊晒，我唔認為應該仲有其他爭議

S3BL100 發表於 2025-9-14 23:45
係你口味先咁特別，覺得幾條疏線一齊重疊攬炒好似唔係問題，唔需要各條線分工清晰明確，明明有機會畀人改 ...

稻草人RIP

2A唔改快咁使乜24替代

1181174166 發表於 2025-9-14 23:49
稻草人RIP

2A唔改快咁使乜24替代

咪就係今次 2A+24 乜都補晒

或者咁講，就算係做 5A+24，做完之後都更加無理由唔改 2A

S3BL100 發表於 2025-9-14 23:52
咪就係今次 2A+24 乜都補晒

或者咁講，就算係做 5A+24，做完之後都更加無理由唔改 2A

16#嗰意思係
陰咗四架車先過改快，地區肯唔肯做2A特快就後話，但5A一定止咗血先

1、2A 改特快，加上班次密，就算兜蘇屋都應該會搶到唔少 2X 淘大嘅客，
單靠三彩似乎唔足以撐住 2X，樓主之後會唔會重組埋 2X？

2、13E 東行柏景灣總站調頭返帝柏海灣再去連翔道尚可接受，
但係西行落佐敦道再上返海泓道就有啲唔開胃了，兼同 W2 輕微重疊，
如果將來加士居道唔塞，行返機隧、東九廊同西九廊落海泓道似乎會順路啲？

S3BL100 發表於 2025-9-14 22:16
但始終係唔理想，24 個圈唔夠大唔係事必要做循環。當然可以話 6F 24 都係疏車，麗閣勉強可以一齊擺

條橋 ...

話說諗返轉頭，九巴積極考慮上安達臣的係 11C 而唔係 13D，或者背後有其他盤算。

13 13D 重組，真空位有以下幾個
1. 牛頭角道 - 亞皆老街 & 旺角
2. 牛上牛下 - 秀明道 & 寶達
3. 協和街 - 亞皆老街 & 大角咀
4. 曉光街 - 深水埗

如果邏輯上係 1 & 2 可以推出觀塘道，3 係轉乘，4 用秀明道 13E，咁實際上係開左 13 之後根本可以成條 13D 摺埋。

假設 13D 摺線，在有 13 全日的情況下，真空位係
1. 牛頭角道 - 亞皆老街 & 旺角
2. 牛頭角道 - 秀明道 & 寶達
3. 協和街 - 亞皆老街 & 大角咀
4. 秀明道 - 大角咀

1 & 2 同樣係推出觀塘道，3 轉乘，4 用曉光街 13。

結論來睇，實際上係 13D 摺線再開一條新特快線，咁走線上其實可以好自由唔駛困在 13D 的框架入面。

所以我傾向相信九巴盤算係 13D 摺線所以連上安達臣山頂都唔搵佢。至於補償，實際上微調 93K 95M 方案就搞掂，補到的空位仲多過 13E，而且慳車幅度超高。

例如 93K 來回行 秀明道 - 協和街 - 牛頭角道，泊維港灣。甚至來回觀塘道，但剩係落山方向去到雅麗道出返觀塘道都仲得，去旺角方向的話，雅麗道總站對觀塘官立小學呢個站計，係一個較定富街合理好多的替代。

記得樓主之前係打算用 2X 入亞皆老街換 2A 改特快，有啲咩原因最後揀咗 24 入而非 2X？

SE7378 發表於 2025-9-15 01:51
1、2A 改特快，加上班次密，就算兜蘇屋都應該會搶到唔少 2X 淘大嘅客，
單靠三彩似乎唔足以撐住 2X，樓主之 ...

1. 今次唔打算改埋 2X，長遠都唔打算再改。反而而家 2X 太疏，多條特快 2A 有可能可以做大個餅

2. 有新路就當然唔行舊路，調返轉東行如果想避連翔道入西隧塞車（雖然只係係得一段仔）改直行海泓道落佐敦，再經海寶路入中九幹都仲合理過西行改經機隧同加士居道。不過東行因為我想入柏景灣總站食 16 客所以咁行

2076 發表於 2025-9-15 14:39
話說諗返轉頭，九巴積極考慮上安達臣的係 11C 而唔係 13D，或者背後有其他盤算。

13 13D 重組，真空位有 ...

都有可能，但係首先拉 11C 好明顯絕對唔係理想方案

另外直接殺 13D 而 13 唔改、繼續去欽州街，個人認為麻煩位會有呢兩個：

1. 維港灣總站同中匯街
2. 寶達、秀明道往來喜鵲樓、觀塘官小

維港灣麻煩在於點都要留返條線做總站，無論係流水定特快都好；但今次揀左 13 入維港灣做流水而 13E 代 13 做深水埗呢個效益比較高既方案。而中匯街果邊不嬲睇巴士睇得幾緊，得返 13 意味佢地要行去奧運站先有車出觀塘，根據往績推斷應該幾難過到關，維持 13+13E 呢個 combo 佢地反而會受落

而喜鵲樓、觀塘官小問題在於賽馬會診所，呢個位真係有輪椅客，問題會比起牛頭角上下邨叫人行出去坐車大好多
另外仲有協和街往來大角咀，雖然殺 13D vs 變 13E 同樣要亞皆老街客轉乘，但後者至少協和街往來大角咀呢個組合唔使轉車

如果真係要殺線，雖然兩條都係廢，但拎條 93K 殺雞取卵效益都會大過直接殺左條 13D，至低限度兩條線都有潛質變其他更有用既野，而唔係左攝右攝補位

10598C 發表於 2025-9-15 17:30
記得樓主之前係打算用 2X 入亞皆老街換 2A 改特快，有啲咩原因最後揀咗 24 入而非 2X？ ...

我唔記得先提出改 2X 係我定上面版友 2076 了。但改 2X 因為本身係特快線而且拖慢左彩福車程至少十分鐘，所以西行有必要飛晒亞皆老街兩條橋兼且加到廿分班滿足彩福要求，同改 24 一樣都要撥至少兩部車過去。但當日有人拎住飛橋飛起左九龍醫院一個站而嘈左好多版

我個人覺得要九龍醫院行前或者後一個站上落車本身並唔係唔合理，問題係有人死攬

於是今次為左避免爭議咪改 24 囉。但 24 本身仲有剩餘運力而且無 2X 因為拖慢車程而要加班交換情況，況且拉線本身就要加車，所以今次咪廿分一班 2X 變 20-30 分一班 24 囉

反正晴朗區都值得擺條線去深水埗