八達通國慶黃金周「隨意乘」超級通行證

VOLVO‧MV6593 發表於 2025-9-30 19:45
想問下
佢買左張八達通之後,係咪要即刻用?
如果佢今日買,聽日先用

#1 附帶的官網link﹐入面已經講得好清楚，即買即開始計2日。
不過，現實係無可能用足2日(48小時)的。

仲有一些注意事項，例如九巴只係得10程車。

真係有興趣買，自己詳細睇官網內容。

kei_hk 發表於 2025-9-30 20:17
#1 附帶的官網link﹐入面已經講得好清楚，即買即開始計2日。
不過，現實係無可能用足2日(48小時)的。

其實呢張水魚同急就章個程度完全同上年復活節既第一次出八逹通交通聯合一樣
趕係假期出搵錢

當然今次對象係遊客
就睇下幾多唔睇T&C 既人走去買左(上次八逹通交通聯合又係魔鬼在細節T&C...3%)
然後收錢/上唔到車上小紅書

反而九巴十次中伏機會微少少,佢都係同月票一樣咁一日計

兩間巴士公司A車同城巴E 車車長要幫手解釋

P.S 雖然唔知實際上而家幾多人拎對家日票去搭車以為用得,特別聯營線

之前啲日票post都有唔少版友提出過, 結果真係整到 至於抵唔抵買就...見仁見智啦

  其實我喺隔籬post講過啦！本身「隨意乘」超級通行證係抗擊Alipay+嘅88蚊「香港超級全日通」嘅，「香港超級全日通」人哋適用嘅地方多，只要AilpayHK乘車碼做到嘅，佢都得「港鐵重鐵除機場快綫外全綫加巴士（可支援61元以內嘅東鐵綫頭等車資，若車資超咗61蚊，則全部自己畀）、港島電車、嶼巴、九巴、龍巴、城巴、新渡輪、天星小輪、港九小輪、富裕小輪、愉景灣航運、綠色專綫小巴、部分裝咗Alipay Easy GO設備嘅指定街渡」




      八達通先支援幾間公司啊？！夠鬼人哋打啊！！！怪唔得五一、十一中秋黃金周咁鬼多內地客用QR code，原來係用咗Alipay+嘅「香港超級全日通」，噉抵嘅飛，使鬼買實體咭啊！！！！！

kay 發表於 2025-9-30 18:45
對象係遊客除非咁岩過關

       反正呢次推只咭係必須要迎戰旅客市場喇，，上次五一黃金週羅湖、落馬洲單嘢，都證明上面啲旅客用腳投票，寧願用Ailpay個88超級全日通QR code，都唔去買旅遊八達通、旅客全日通，最後搞到一鑊泡，甚至宜家廣州正佳廣場已經有參與活動免費派單標旅遊八達通「內含港幣20蚊車資」，講明銷路都唔好。



       但如果八達通公司再唔迎接旅客需求，呢個啤「pe5」下，嗰個啤「pe5」下，啤啤俘噉，唔使1年，就各方面上PK唔過Alipay喇，畢竟從Alipay HK 支持「公共交通費用補貼計劃」開始，已有本港市民轉用Ailpay HK 易乘碼 QR code畀車資。

Danny.lin 發表於 2025-10-1 10:30
其實我喺隔籬post講過啦！本身「隨意乘」超級通行證係抗擊Alipay+嘅88蚊「香港超級全日通」嘅，「 ...

嘩 $88 比單一巴士公司的日票還要便宜。
不限交通工具，是開頂、A 線、東鐵頭等 etc. 都能坐嗎？

ccicoltd 發表於 2025-10-1 11:27
嘩 $88 比單一巴士公司的日票還要便宜。
不限交通工具，是開頂、A 線、東鐵頭等 etc. 都能坐嗎？
...

①係RMB ￥ 88，按今日工亞牌價，￥1：$1.10133，相當於HKD $ 96.91704，而八達通「隨意乘」係 $ 198 兩日，計埋計埋，一日要$ 99

② 的確如此，鐵路方面，東鐵火車頭等需要睇住價格再搭，因為超咗61蚊（注意：係HKD $ 61），阿里巴巴就要你畀嗮頭等全程車資。

③巴士方面，部分開頂、全部A 綫，Alipay係支持嘅，只要裝咗Easy Go嘅機就可碌，但不可以乘搭非專利路綫同冇Easy Go機嘅開蓬巴

④九巴龍巴可搭HK1嘅尊尚版日票先 $ 55。就城巴強買強賣，「城巴全港遊」要搭配個開蓬巴先畀個日票飛，咁先$ 98

⑤所有公司出嘅日票飛均有限制，就範圍多多小小嘅區別

⑥反正八達通要加吓油喇，起碼要支援多旅客嘅離島渡輪航綫

Danny.lin 發表於 2025-10-1 10:40
反正呢次推只咭係必須要迎戰旅客市場喇，，上次五一黃金週羅湖、落馬洲單嘢，都證明上面啲旅客 ...

Alipay國企最識玩內卷
八達通捱打好正常
香港生意人既死穴

kay 發表於 2025-9-30 18:45
對象係遊客除非咁岩過關

係, 要特登去柯士甸有啲難搞, 同埋得果兩日...

ahken 發表於 2025-10-2 17:28
係, 要特登去柯士甸有啲難搞, 同埋得果兩日...

      不過亦有特登去羅湖、落馬洲管制站撞吓運嘅本地集咭迷，佢哋係番大陸，住青旅十一即刻返來搶飛或者探親、玩完再返本港，第一批係十一當日睇住時間踩點過關，話多人排。然後係十二、十三返本港撞吓運嘅嗰批人話：「好似平日噉行過去入境大堂就有，基本上唔使點排隊」，睇來邊境嗰兩個點呢三日都可能係兩地車迷去買得多，冇乜旅客關注。另外售賣點嘅缺點係僅支持WeChat Pay同Alipay Pay，有時用慣Payme同八達通電子掃碼支付嘅可能就唔方便喇。

我分別於十．一及十．三各買一張卡，但十．一嗰張因某些原因，十．二先開始用，以下係呢3日用卡情況：

10月2日：
1. 九巴215X（九龍灣>紅磡）
2. 九巴116（紅磡>天樂里）
3. 城巴952（灣仔>屯門置樂）
4. 港鐵巴士K51（屯門置樂>屯門）
5. 港鐵巴士K52A（屯門>蝴蝶）
6. 輕鐵610（蝴蝶>兆康）
7. 港鐵屯馬綫（兆康>尖東）
8. 城巴973（尖東>赤柱）
9. 城巴14（赤柱>柴灣道）
10. 城巴118（柴灣道>紅磡）
11. 城巴796P（尖東>將軍澳隧道）
12. 城巴798（將軍澳隧道>沙田）
13. 城巴170（沙田>景隆街）
14. 九巴103（灣仔消防局>興發街）
15. 港鐵港島綫（天后>炮台山）

10月3日：
1. 城巴971（西隧口>田灣）
2. 城巴38（田灣>維園）
3. 九巴307（維園>大埔）
4. 港鐵東鐵綫（大埔>大學）
5. 城巴582（大學>馬牯纜）
6. 九巴299X（馬牯纜>西貢）
7. 城巴792M（西貢>調景嶺）
8. 城巴796P（調景嶺>尖東）
9. 港鐵屯馬綫（尖東>紅磡）
10. 九巴116（紅磡>銅鑼灣）
11. 城巴930X（銅鑼灣>荃灣）
12. 九巴49X（荃灣>沙田）
13. 港鐵東鐵綫、港島綫（沙田>炮台山）

10月4日：
1. 港鐵港島綫、東鐵綫（炮台山>羅湖）
2. 港鐵東鐵綫、南港島綫（落馬洲>海怡半島）
3. 城巴99（海怡半島>炮台山）

總車資$458.7