ASU 因壞冷氣擺街 巴士迷因而與乘客爭吵

早前再有一批九巴 ASU 退役，令巴士迷更加珍惜乘搭的機會。不過前日傍晚 ASU11/PC3851 行走 41M 時，巴士因為冷氣不足，開出後只行走了兩個站便須在青衣邨停止服務。

不過有現場巴士迷對巴士因此停止服務表示不滿，並與在場乘客爭吵。目擊者指，有關巴士迷指車廂溫度只是稍高，但如果多等20分鐘便會浪費很多時間，認為大家應該忍受一下。

大家又是否遇過類似情況？遇上巴士壞冷氣，你會選擇忍受繼續行程還是想換車？

資料及相片由FBI2提供

巴士迷吵交幾時變左日常?
我都係巴士迷，但勁唔鍾意搭巴士期間有爭吵，萬一我遇到呢種場面一定會即時落車走人
搭唔到咪等下次，如果無下次就影低留念，或者進取少少禮貌地問司機可唔可以入去影幾
郁D就吵交係會影響到其他人心情，而且丟晒巴士迷架

目擊者指，有關巴士迷指車廂溫度只是稍高

有無想過﹐係司機頂唔順高溫﹐所以擺街過客。


真高溫 : 真係有機會熱到wing吓wing卟﹐甚至暈低﹐成車人的安全...

假高溫 : 唔駛你班友仔攪攪陣﹐一路駕駛﹐一路周身唔自在。

架車擺街就喺處嘈...

可憐車長又要考慮過架車仲行唔行到, 決定擺邊個安全位置兼唔阻人,
要聯絡工程部, 聯絡站長同響台, 又要指示乘客, 又要安撫乘客, 已經夠哂忙,
有啲巴士迷就強人所難

同啲師姐傾過下偈, 佢話有一次揸部鐵甲咁唔好彩擺街,
某名巴士迷喺師姐佢一宣佈架車行唔到, 又影人地駕駛室出乜alert, 又影人地車牌,
明明條街勁多替代品, 條友又手持月票, 偏偏要等到30分鐘下一班車到先上,
其實一般乘客冇咁麻煩囉

kei_hk 發表於 2025-9-29 14:21
有無想過﹐係司機頂唔順高溫﹐所以擺街過客。

其實辛苦多少少 , 去到長安都起碼有多 6 條線揀呀
而家呢個位焗等 20 分鐘 41M 又真係差 D
不過班巴士迷都唔係嘈呢樣野架啦 ...

樂仔〞 發表於 2025-9-29 21:27
其實辛苦多少少 , 去到長安都起碼有多 6 條線揀呀
而家呢個位焗等 20 分鐘 41M 又真係差 D
不過班巴士 ...

駛乜去到長安

涯多1個站已經有其他路線選擇啦。

巴膠又丟架

巴膠 A 嫌架巴士唔夠凍就嘈巴士公司度縮
巴膠 B 話冇冷氣要大家忍受下

呢排多咗人無啦啦工作期間猝死
佢覺得真係可以承擔因有人誤聽佢意見而出事、所帶來的刑責？

kei_hk 發表於 2025-9-29 22:26
駛乜去到長安

涯多1個站已經有其他路線選擇啦。

擺楓樹窩個站有 D 阻街 , 去埋長安啦