嚟緊北部都會區發展後，巴士路線編號何去何從

港島另計。
可能因為歷史原因，新界東塊餅分得特別細。
1-49系去晒九龍同荃葵青。
50-69系屯元天共用，而屯門同元朗鄉郊分得特別大：
50/52/55-63/66/67系俾屯門，即屯門比例多過一半。
51/53/54/64系去咗錦田同廈村一帶
天水圍得65/69系，元朗新市鎮更得68系。
70-79系大埔北區共用（+307/900系大埔區專用）。
80-89系同90-99系分別主要沙田區同西貢區共用。

如果洪水橋用返元朗鄉郊嗰四個數字或63應問題唔大。
反而最大鑊係係北區同新田（即古洞北、粉嶺北、新田科技城），因為當區本身用大埔北區嗰10個號碼。
仲未計唔知幾時拍板嘅坪輋同牛潭尾。
而粉嶺北仲有排起，依家先係起緊近聯和墟嗰邊。
文錦渡路兩邊早排行過已經收緊地，本身嘅居民今年要搬走。

其實北部都會區大規模興建可唔可以順便一個執路線編號嘅契機？
當然唔係1973年大執嗰種。
例如8xx沙田馬場散場線可以改為SR字頭。
因為比較少巴士線用，加上服務範圍同性質都比較非常規。
咁改就可以騰空晒8xx嘅線，或5xx、7xx九巴未插旗堆線俾北部都會區用（4xx驚唔好聽）。

用英文開頭嘅線多數係非常規服務範圍或時間，主要係同出入境、旅遊區或通宵相關。
A、B、E、N、R、S、SP、W正是此類。
趁此機會可以順便改埋一啲用英文行頭嘅常規特別線。
例如X42C、X42P同T277可以分別42CX、42P、277T。

唔知各位點睇？

比對家用 57_ 咪得

70、71、77都用得啦...

九巴中咪古洞 77 , 上水北 70/71, 粉嶺北 278乜, 坪輋 79乜, 新田牛潭尾 76乜, 錦田 51/54/64, 洪水橋 63/65, 屯門北/廈村繼續 67/267
城巴加 500 任揀

其實分區路線號碼係咪仲有需要堅持？跨區線其實都係揀其中一邊總站，例如城隧線，有啲4字頭，有啲歸7字頭意義不大。


其實更加應該重組港島、九龍有重覆嘅號碼。坐完天星小輪上岸，一架6號去美孚，一架去赤柱

仲有大把可以用，睇住古洞北派咩彩應該都知會開咩號碼

其實政府應該只俾城巴用5字頭和7字頭三位號去開九龍新界線，避免同九巴混淆，影響乘客

最簡單咪用沙田模式，76（北部都會區），加上ABCDEKPX。

4xx唔用得？

FBI2 發表於 2025-10-6 10:49
其實政府應該只俾城巴用5字頭和7字頭三位號去開九龍新界線，避免同九巴混淆，影響乘客 ...

城巴20/22？