運輸署助理署長電台訪問談巴士乘客強制戴安全帶新例

Man@MFHK 發表於 2025-11-22 06:35
多意外就會多傷者唔係常識嚟？宏觀數據嚟㗎喎，一年意外多自然就有返一定數量傷者，你要講每單計都講得通 ...

不過又提提你，你既然識講紅小，咁唔會忘記有綠小呢樣嘢？我喺警方數字度又唔見有分紅綠小嘅，唔知4350做分母又可唔可以達到你所講嘅效果呢？

點知你會唔會又夾硬話綠小少咗車但結果會載多咗人
既然你講得紅小會咁，我咪攞去用

如果不論載多載少人都可以發生
即係傷亡數字點變都有可能啦
唔存在你講嘅關係，不論以傷亡率計定係傷亡數字計

請搞清楚各個邏輯再繼續討論
我只係路過恥笑嘅
邏輯上唔完整嘅討論真係無咩意義

提埋你呀
紅轉綠就唔係大家認知嘅「車少咗」
因為最初無明確指過係講緊紅定綠
唔好炒埋一碟當自己話車少合理
呢啲只係運營路線模式改變

ahken 發表於 2025-11-22 09:37
明明條法例本身都係bug，仲咁多“版友”盲撐，真係該煨

我都係果句，條例唔撤回嘅話，我唯有改變自己， ...

有帶就要戴本身有咩問題

與其話呢樣個樣
最核心問題係唔想唔戴要罰錢囉

KE7066 發表於 2025-11-22 14:23
點知你會唔會又夾硬話綠小少咗車但結果會載多咗人
既然你講得紅小會咁，我咪攞去用

事實就係根本連政府手上都無穩妥數據去論證強制戴安全帶係有效降低乘客受傷，呢度嘅支持派就學政府一齊斷章取義拎啲似是而非嘅數據出嚟扮有道理。
所以唔使再追擊我，你越追擊我只會反向證明呢單嘢本身就係有幾唔合理。

castanopsis 發表於 2025-11-22 10:16
我想問，你憑乜嘢質疑我無實戰經驗？

A406塞車好嚴重係事實

咩料？劈頭第一句咪講咗其他路段唔清楚所以只講我比較熟嘅路段囉
你答咁長做乜鬼？

Man@MFHK 發表於 2025-11-22 04:35
1. 唔合理嘅嘢你講多100版都唔會同你哋啲歪理一齊變成道理。講風險就識計埋企位客，講企位無保障又將班企 ...

1. 你自己唔係開頭講，戴唔戴自已衡量，點解講到企係被迫呢？
支回力鏢咁大又咁早都繼續中，厲害。

2. 香港嘅專營巴士自負盈虧，尚且需要運輸署批准用車同規格。
英國巴士有唔同程度嘅官方補貼，連班次都可以話事（或至少政府批），
你話會唔會連用乜車都無say啦。係要批甚至可以主導埋架。
而以希斯路機場呢個case，其實似香港機管局咁，會資助部分機場交通架。
（唔知呢條線係咪，亦唔知有幾大影響力）

3. 自相矛盾就肯定唔合理，而自相矛盾唔止我一個講，連你自己都認過（雖然有兜），又一支回力鏢。

4. 你好念念不忘，話錯將德國巴士認為英國嘅指控呀。

castanopsis 發表於 2025-11-22 02:27
關於速度，上面講咗唔重覆

我始終質疑，巴士喺公路度，係咪真係風險高咗

速度快 > +反應時間令煞車距離長 > 碰撞時嘅速度偏高 > 傷害較大
呢個本來就係生物反應+物理定律。
甚至學揸車幾乎係第一時間聽。

KE7066都幫你搵埋sources。

早前亦講過快速公路無人單車馬呢D vulnerable users，而家加多個，路口少conflict少（所以容許揸咁快）

同埋香港巴士客多道路重型車多同樣係risk factor。

你自己剩係講速度唔講其他，又黎cherry pick？
你話你成日對住risk matrix，快速公路正正係典型low likelihood high severity嘅risk。
安全帶正正幫助降低severity。
你嘅說法等同遮佐severity部分去話“帽事嘅”

你試下搵一個low likelihood high severity嘅risk，走去同老闆咁講？
幾肯定剷到上天花板。

castanopsis 發表於 2025-11-22 02:16
我想問，你憑乜嘢質疑我無實戰經驗？

A406塞車好嚴重係事實

晨早講佐係英國係有抽行快路嘅巴士，但係行慢路嘅比例更高囉。
同埋倫敦嘅快路係有巴士，快路本身唔多亦都無乜客，
所以大多數巴士都係捐窿捐罅。（其實大小城鎮都係）

又係揸住幾條superloop咁亂吹同一戲碼。
就拎你條真motorway M4講，
行嘅咪得A10 102 724同啱啱新拉去嘅725，
仲要得一細截。
香港角度睇，就係72 72A 73A 74A行馬場段大埔公路咁上下。

四線加埋嘅班次，啱啱先夠贏一條唔會行快路嘅Superloop SL9。最密兩條A10 102班次加埋都唔係穩贏另一條SL7，計客量運力係點都輸。
其他快路情況類似。

Cherry picking嘅完美典範

s3n370 發表於 2025-11-22 16:46
1. 你自己唔係開頭講，戴唔戴自已衡量，點解講到企係被迫呢？
支回力鏢咁大又咁早都繼續中，厲害。

1. 依家無法例強制當然係自由選擇，到時有法例強制仲唔係被迫唔通係被自願？下下都回力鏢死貓塞俾我，你自己慢慢食啦！

2. 話條線係local bus嗰個係你，依家又吹條線被人哋政府夾佢用安全帶車，唔好一時講法律規定一時又話政府主導龍門搬完又搬，一係你搵條法律出嚟證明你所講嘅英國巴士線有特殊限制要有安全帶。


3. 盲撐又唔認又兜去遊花園，雖然你唔係揸緊的士啫兜路都係唔啱㗎！

4. 公你贏字我輸？

仲有唔好學埋某版友咁講粗口ok？站規34A要唔要睇睇先？

s3n370 發表於 2025-11-22 17:20
晨早講佐係英國係有抽行快路嘅巴士，但係行慢路嘅比例更高囉。
同埋倫敦嘅快路係有巴士，快路本身唔多亦都 ...

搬龍門搬到你咁堂而皇之都真係成就嚟。

ccchhhuuunnn 發表於 2025-11-22 16:04
咩料？劈頭第一句咪講咗其他路段唔清楚所以只講我比較熟嘅路段囉
你答咁長做乜鬼？ ...

你長篇大論就得人哋就唔得？