數據話超市生意跌，係咪大家都轉晒場返大陸入貨？

尋日睇新聞見到政府公佈 10 月份零售數據，整體零售額按年升咗 6.9%，睇落好似市道好返啲咁。不過魔鬼在細節，珠寶鐘錶果啲就升得勁，但唯獨「超級市場貨品」個類別竟然逆市跌咗 1.8%。其實呢個數都幾 match 我近期嘅個人觀察，唔知大家有無同感？

呢半年真係變咗，身邊愈黎愈多朋友都習慣咗週末北上深圳玩，順手去埋 Sam's Club 或者 Costco 入貨。以前淨係買下酸奶、零食，而家連洗衫珠、紙巾、公仔麵呢啲重野，大家都唔介意山長水遠托落黎，甚至直頭 Call 車送返口岸。對面個價錢同份量，對比香港超市真係有好大距離。

再講返本地超市本身，近排行入去真係覺得啲「優惠」好雞肋。以前逢星期五六日都有啲幾震撼嘅 promotion 或者「死貨價」，而家好多時所謂特價，感覺係將個原價標高咗再減，或者焗你要買 $100/4件 先有折，單買一件就貴到離譜。加上嗰啲儲分 App (Yuu / 易賞錢) 玩咗咁耐，新鮮感都無晒，儲埋啲分換嘅野又未必啱用。

就連 759 或者價真棧，近排入去行都覺得少咗人。究竟係大家真係轉晒場返大陸買日用品，定係本地超市啲優惠力度真係弱咗，吸引唔到大家大手入貨？大家而家除咗買急用嘅鮮奶麵包之外，仲會唔會喺香港超市爆買？歡迎分享下。

印象中超市同一件商品
有時會突然減價一兩天

例如雀巢即溶咖啡
平日買三十幾蚊
間不中又會幾咗二十
或者四十蚊兩盒

鴻福堂涼茶都係
一個星期竟然都會轉一兩次唔同組合
來來回回都差幾蚊

消委會網頁可以查到
通常我都係等呢啲日子先去買

如果你話北上(山娒之類)自己抬貨過關﹐影響好細。
最多只係影響大西北/北區﹐近關口的地區。

仲有九龍港島新界南的地方﹐唔易受這個因素影響。


而超市的定價﹐會係其中一個因素。
只要同類產品﹐在一些街坊小店係有賣﹐你都會識得去格價﹐之後就唔會去超市。


最後一點﹐應該才是最大關係﹐就係網購。
這個網購﹐唔係本地電商的網購﹐而係跨境網購。
當早排有人連生果都跨境網購﹐仲有什麼野唔網購

好多日常用品﹐其實都唔會急於使用﹐點都會有足夠時間你去慢慢買。
於是﹐集中一次上網買﹐計埋運費都平過本地商戶的時候﹐仲點會在本地購買。

超市好多嘢都貴過出面，日用品貴過藥房唔駛講，今日行丹尼發現連聚大金鳳都平過兩間超市
以前啲優質貴價嘢少人買，而家超市都入多咗大陸貨，連飲品都有唔少，但買大陸嘢點解唔去上面買

買枝津路優品都平過超市

不過市民消費力都係睇市道
疫情個陣都叫差
2024-2025年好多鋪頭執笠
推高左失業率

同埋通脹低只係樓價條數影響到
民生消費都係比疫情前貴左唔少
但人工又無咩多好多

D野貴有時係通脹問題
所以先衍生咩都係拼多多買
過條深圳河人地玩內卷

主力係PDD送貨上門，非食品類例如廁紙同Walch真係影響好大

魔鬼在細節

1）HKTVmall計超市貨品定係網上購物？
我住喺啲偏遠新樓區
基本上HKTVmall一日走幾轉
大堂長期有新貨暫存（拍得住淘寶拼多多）

2）Aeon計超市貨品定係百貨？
個個星期三上演世界末日盲搶x

starsessions 發表於 2025-12-8 07:30
魔鬼在細節

1）HKTVmall計超市貨品定係網上購物？

2 AEON而家都唔只星期三，成日都搞吉日啦，連DAISO Living Plaza都有