香港巴士前景暗淡?

原帖由 fcfhkmelb 於 2008-1-24 15:54 發表
講真好野d居民實會知會搭，
你睇277X/278X/681幾旺

d居民唔搭巴士唔係佢地唔知，
而係根本巴士好多時又貴又慢

你要叫人搭巴士，
最起碼要快過鐵路 ...

89 系係個好例子
港鐵賣廣告果條路線有幾多人真係會咁搭,西行我都考慮下,東行就免

不過一dd,今日我收工要入沙田,我都無坐車落紅隧轉火車
坐左619去牛頭角轉89, 一個鐘頭搞惦+全程有位+隔離無人
之後都坐番89轉14B返屋企,

原帖由 12A 於 2008-1-24 18:43 發表


當年我有親友住麗港
621開,九巴寄傳單寄上門

五,六年九巴係宣傳方面做得好過而家的,
好似[269D樹業banner],
再之前既九巴仔路線,
過海穿梭100等等.

原帖由 ksmbh 於 2008-1-24 19:11 發表


五,六年九巴係宣傳方面做得好過而家的,
好似[269D樹業banner],
再之前既九巴仔路線,
過海穿梭100等等.

不過當年100號點行 我無咩印象

100停辦前路線如下：

尖沙咀 — 銅鑼灣 (循環線)
途經　彌敦道，梳士巴利道，康莊道，康達徑，尖沙咀東巴士
總站，科學館道，康莊道，紅磡交匯處，康莊道，紅磡海底隧
道，堅拿道天橋，堅拿道東，摩理臣山道，天樂里，軒尼詩道
，百德新街，告士打道，堅拿道天橋，堅拿道東，支路，堅拿
道西，堅拿道天橋，紅磡海底隧道，康莊道，紅磡交匯處，漆
咸道南，加士居道，佐敦道，彌敦道

原帖由 dcyw 於 2008-1-24 20:16 發表
100停辦前路線如下：

尖沙咀 — 銅鑼灣 (循環線)
途經　彌敦道，梳士巴利道，康莊道，康達徑，尖沙咀東巴士
總站，科學館道，康莊道，紅磡交匯處，康莊道，紅磡海底隧
道，堅拿道天橋，堅拿道東，摩理臣山道，天樂里，軒尼詩道
，百德新街，告士打道，堅 ...

後來因咩事停辦 開辦前後都有地鐵服務..諗唔明
定係開辦時客量過低

原帖由 北角---九龍城 於 2008-1-23 00:05 發表
後生一代都唔識搭一程過的巴士架啦...寧願左轉右轉轉到暈咁搭港鐵

巴士一定一程過？係就唔使咁多轉乘優惠

當然，當巴士都唔可以一程過，甚至連轉乘優惠都冇既時候，某D人就會另一副咀臉：「行兩步/轉下車都懶，區區要直車，有冇咁多路、有冇咁多客源支持、巴士公司有冇咁多車、有冇咁多總站位擺......」

再講，「一程過」係咪無敵？我就試過三次咁既經驗

1.灣仔去深水埔。有港鐵唔搭，搭905，因為我出發地點在碼頭一帶，距港鐵較遠，又討厭灣仔港鐵站上環方向月台如此的深，又一程過唔使轉車(雖然港鐵都只係對面月台轉一次)，又唸著非繁時兼行西隧，以為一定好正。
結果？係正呀，臨入西隧前到大角咀呢段囉，之前同之後？幾乎兩步一紅燈，一步一分站，簡直係恐怖，結果用左超過一粒鐘，都只係到左接近太子港鐵站，由於趕著交收，結果要.o係太子落車轉港鐵。我唸如果港鐵的話，我已經到左深水埔攪掂晒，返緊屋企有凸。

2.柴灣去馬鞍山。又係討厭地鐵九鐵的轉來轉去(當時未合併)，又要經觀塘線此一過海重災區，所以去搭682。
結果？用左大半小時至入到東隧，雖然之後好快，係到左一城至比較多燈位。但我唸架682去到東隧港島入口既同時，地鐵怕且起碼到左九龍塘。

(新加)
3.中文大學本部去佐敦。又係嫌港鐵要轉兩次，兼極討厭該死的下行中大校巴，去左去大埔道，唸著有70上70，有紅小上紅小，夠一程過下話？點知去到先一架佐敦紅小，「當然」上唔到，跟著72,72A,73A,74A、綠小28K、觀塘紅小、旺角紅小、嘉頓紅小....全部黎齊晒，有D仲已經黎左兩次，都仲未係有70或第二架佐敦紅小，超過半粒鐘後，終於有第二架佐敦紅小，但飛站，五分鐘後，有70，上左。由去到等車到去到佐敦，用左超過一粒鐘，程70仲要已經算係順燈。

[ 本帖最後由 mckhgc 於 2008-1-24 22:49 編輯 ]

原帖由 mckhgc 於 2008-1-24 20:53 發表


巴士一定一程過？係就唔使咁多轉乘優惠

當然，當巴士都唔可以一程過，甚至連轉乘優惠都冇既時候，某D人就會另一副咀臉：「行兩步/轉下車都懶，區區要直車，有冇咁多路、有冇咁多客源支持、巴士公司有冇咁多車、有冇咁多總站位擺 ...

905未坐過 見到條線咁行唔敢坐..
904係唔係應該同905重組路線

原帖由 mckhgc 於 2008-1-24 20:53 發表


巴士一定一程過？係就唔使咁多轉乘優惠

當然，當巴士都唔可以一程過，甚至連轉乘優惠都冇既時候，某D人就會另一副咀臉：「行兩步/轉下車都懶，區區要直車，有冇咁多路、有冇咁多客源支持、巴士公司有冇咁多車、有冇咁多總站位擺 ...

你係灣仔去深水埗坐117咪快囉...
117一個站過了隧道啦, 唔快????

冇人叫你坐905架.....
905左兜右兜梗係慢啦.....

682經咁多地方,
半個鐘頭多D合理吧.....
咁既鐘數地鐵通常已經去得到尖沙咀,
其實七除八扣之下巴士會慢少少....

[ 本帖最後由 張偉沖 於 2008-1-24 21:14 編輯 ]

原帖由 Wright---AVW16 於 2008-1-23 10:56 發表
咁沙田去觀塘及荃灣搭港鐵又代表D乜野？我好多同學都係咁搭

只係代表佢地唔識搭囉，但唔代表所有人都係只識搭鐵路

我都見過咁既人：

1.o係車公廟路東北行，大圍港鐵站旁(五育中學對面)，上$5.9/$6既E42/170/182(博康/沙鐵/愉翠方向)，唔搭$3/$4.3既港鐵

2.o係觀塘/牛頭角/九龍灣上$5.5/$6.1既80/89/89B，鑽石山/黃大仙落，唔搭$3.6/$4.4/$5.6既港鐵，有D仲要係港鐵半價巴士全費既中學生

3.尖沙咀去元朗，搭TOTAL $20.5既268B+紅小，唔搭TOTAL$12.9既K巴+港鐵+K巴。我仲唔知花左幾多口水叫佢搭後者，佢都仲係堅持己見，話轉車麻煩(其實只係轉多一次)。

咁又可以代表D乜？

原帖由 tonytsang_hk 於 2008-1-24 20:17 發表

後來因咩事停辦 開辦前後都有地鐵服務..諗唔明
定係開辦時客量過低

Rt.100 停辦同當年西隧通車有關.