點解巴士乘客唔喜歡靠後企位?

1. 車尾有鬼
2. 心理上不好受，個個客都係企前面，成個車尾得你一個企，會有
一種怪怪的感覺。
3. 怕踩親人，要長途跋涉行入車尾都需要很大勇氣，好多人怕事心態，
害怕踩親人唔好意思。

我永遠不怕第三種情況，踩親人都係自作孽，有後面唔企係要比人踩仲
唔係攞嚟。最怕上車見到司機位側邊企滿人而車尾一個人都冇，通常我
都會好唔客氣直行入車尾，真係理得理死。

對我來說，非低地台巴士的樓底高度矮是主要原因，站在前
半部份時，頭頂已在「清潔」天花板了，站在後半部份時便
要低下頭來，辛苦不在話下，遇上座位上是女乘客便更覺不
好意思了。

另一原因便是走廊闊度不足 (不論高、低地台巴士) ，不大覺
得是適合用作企位的位置。

我自己就在可能情況下都會盡量向後行, 不過有時d人在近中閘塞到實晒就冇辦法。
我唔知點解d人唔企入去, 純粹估就係因為d人驚落車難, 正如電梯d人都企晒近門口阻人出入一樣。

提得出呢個問題,不防想多一想以下呢兩個問題:
1. 乘客企在巴士站而不揚手截車,巴士埋到站開埋門又唔係搭車,影響行車時間,
2. 落車唔按鐘,乘客老奉以為架巴士實停俾佢落咁
3. "鶴立雞群"--零零舍舍企在上層,明知上層唔企得都要企...

就以上頭2個問題,就足以令行車時間加長好多,原因是乘客自己做成,
其實揚手截車,落車前按鐘我認為是搭巴士的基本動作,
而不是要司機開埋門,差在未開聲問埋"你上唔上車呀?",

就呢d搭車品德而言,我覺得巴士公司要加強一些宣傳工作
例如: 在巴士站排隊欄上"請排隊上車"字句再加上:"請揚手截車"

講番題目,搭巴士時行入車廂中間,我相信很多乘客除了水塘位以外,
都不太肯去企走廊位,因為實在大窄了...

唔係,係D人唔想落車嘅時候晒時間姐...

其實企車尾有個好麻煩既情況,就係有人落車你又唔落既時候,讓唔到位俾人行

原帖由 dcyw 於 2008-5-15 09:15 發表
對我來說，非低地台巴士的樓底高度矮是主要原因，站在前
半部份時，頭頂已在「清潔」天花板了，站在後半部份時便
要低下頭來，辛苦不在話下，遇上座位上是女乘客便更覺不
好意思了。

另一原因便是走廊闊度不足 (不論高、低地台 ...

尤其是龍車,
好在冷氣龍車因結構問題唔整得水塘,
以前企過水塘龍,企響度跟本不能水平望出車外

大部分九巴下層車尾都係2+2座位而唔係打側位
條走廊窄到淨係行到一個人
如果係流水線多人上落就更加麻煩
呢個都係其中一個令人唔鍾意企入去的原因。