點解巴士乘客唔喜歡靠後企位?

係入面企都係一樣阻住入面d人落車
人高企後面多數會頂頭, 包括我在內
同埋企入去同坐位d人真係太近la, 人地咳或者打乞chi,定會中招

其實我都係鍾意坐後面/企後面.
d 人都唔知貪乜鬼, 企晒響前面.
你唔好話, 同樣係下層, 後面(無論企或坐) 落車都唔算太難,
一來好多時冇乜人企, 好快攝到出去, 二來個個係大站, 跟住d 人行就可以了.

最難落車反而係導航位, 如果頂閘你唔早一個位出定去呢, 呵呵.
試過頂到下層車頭企成兩行半既人 (本身兩行, 但司機又開門上客, 迫迫下有d 位置變左三行人 )
個次落車就真係陰公lor........d 人根本"無位" 讓你.
(無位並非真係無位. 只要有一個唔肯行入後面, 其他人就無乜位企, 仲要讓你落車??)

原帖由 cmkmichael 於 2008-5-15 14:46 發表
提得出呢個問題,不防想多一想以下呢兩個問題:
1. 乘客企在巴士站而不揚手截車,巴士埋到站開埋門又唔係搭車,影響行車時間,
2. 落車唔按鐘,乘客老奉以為架巴士實停俾佢落咁
3. "鶴立雞群"--零零舍舍企在上層,明知上層 ...

我又離題回應一下, 乘客揮手係應該既, 但係司機都有少少責任要付.
有次我在樂富等75x 去土瓜灣, 站頭企左兩三個人,
有架75x 黎, 司機打左燈, 在路中心慢一慢, 跟住就打住左燈飛站, 冇入過巴士彎.
相比, 平時司機想飛站, 或唔打燈慢車望一望, 或打高燈問下, 或一早靠晒右線完全冇意慾埋站 (如頂閘).
打左燈既就多數會靠一靠埋黎 (有冇人上落另一件事啦), 所以我先至冇截車.
小事一樁, 不過令我諗下, 如果我係司機, 咁打燈係咪會誤導左乘客........(到此為止, 離題了.)

[ 本帖最後由 av220 於 2008-5-16 06:19 編輯 ]

因為下車時驚行唔到出來

有時搭一至兩個站

原帖由 da370 於 2008-5-15 21:49 發表
大部分九巴下層車尾都係2+2座位而唔係打側位
條走廊窄到淨係行到一個人
如果係流水線多人上落就更加麻煩
呢個都係其中一個令人唔鍾意企入去的原因。 ...

雖然新巴城巴既豪/龍/躉下層車尾比較闊, 但係我見好少人會行入去而要迫死前面

無他的, 只是自私行為而已

企得入 =  車越多位比人上 = 部車多左人上 = 等人地上車時間多左/  等人地落車時間多左 = 自己落車時間耐左+ 自己唔方便左

呢D雙失行為, 邊個想做?

[ 本帖最後由 1320 於 2008-5-16 19:37 編輯 ]

一定唔係,你試下搭273a就知咩事,後面大把位都唔坐,大人又係咁,細路又係咁,學生又係咁
班人根本就無家教,讀死書,好聲好氣講"唔該謝謝"都唔行入去,要大聲夾惡鬧"行入去啦,小姐！"先肯入去。"仲擺副好委屈既樣，又話我大聲夾惡鬧人，明明我已經叫左你行入去，你自己唔行，我先鬧人，自己錯仲話人!"鬧完俾多句"收X啦！撞聾就睇醫生，唔好賴人，彈開啦，正Pork chop!"
企係車頭又唔肯入去，明明我望到入面大把企位／坐位，整係為自己利益著想，完全唔為人著想！ :@
純粹發洩對港女既仇恨，要扣分隨便

[ 本帖最後由 EU5472 於 2008-5-17 11:36 編輯 ]

原帖由 volvo2000 於 2008-5-15 00:07 發表
繁忙時間搭車滿座時都會
聽到司機大聲呼籲
企位乘客盡量行入車箱
但多數的乘客都唔多合作

如果呢種情況發生
係AS/AMN都唔覺得出奇
因為呢兩款車的地台前低後高,
唔同叫人地係後地台烏低身/打座咩,

有時繁時見到有 ...

簡單一句，就是"自私"

原帖由 獅子山下 於 2008-5-17 11:47 發表


273A呢D短線,好多人搭一陣就落車,又另一回事
我講近既都係一般路線既情況,都係前面企滿晒人,後面坐滿晒人兼無乜人企

一條唔短但做多批短途客既線就真係惡搞, 個個都覺得自己搭得唔多站,
車尾有位都未必坐, 樓上就更加唔願上, 於是乎就搞到部車好似「頂閘」咁。
到時上落客時間因為咁搞到耐晒。呢個情況搭 K51 間唔中都遇到, 就好似
往富泰方向, 去到三聖去市中心既人唔會上樓上, 有堆人就企O左O係度,
跟住去到置樂去市中心班人又唔肯上樓上, 搞到車頭擠滿人, 樓上空空
如也, 之後一過市中心或且屯門站就空晒。