泰林被清盤

原帖由 ccicoltd 於 2008-10-18 18:35 發表
香港最好電器只得數間分店，規模比泰林小得多

連中原、CMK 店數都比香港最好多……

係
不過香港最好電器所有分店都係好大的,
定位比 中原、CMK 較為鮮明吧 ~

何況通常最香港最好電器位於大商場 ~

旺角店其實在清盤前一段時間，已貼出了搬遷清貨的宣傳，可是價錢卻沒有平得好多 =.=

其實我個人比較喜歡泰林，因為那邊的sales好像壓力較少，比較用心sell客之餘又不會催客買
不過價錢有時平不了幾多。

[ 本帖最後由 superay 於 2008-10-19 01:09 編輯 ]

今日睇到報紙, 旺角泰林原址會開多一間鐳射.

仲有人分析, 指西洋菜街的電器店中, 泰林個位最隱敝又在地庫, 這成了致命傷, 加上泰林主力不是換款快的數碼產品或者手提電話, 而是雪櫃, 洗衣機這一類的耐用品, 變成去貨慢.

小時候要買電器, 泰林是首選, 當年百老匯主力係沖晒及賣傻瓜機, 豐澤未成氣候, 張毛記分店少, 鐳射當年仍是旺角相機中心, 以售賣攝影器材為主, 時移世易, 依家買電器及數碼產品, 豐澤, 百老匯, 國美, 中原, 鐳射, 衛訊, 甚至張毛記, 香港最好電器, 任君選擇, 很多時都想不起有泰林(除非當時在沙田, 或者時代廣場).

小弟買數碼產品, 相機會張毛記買的, 手提電話係衛訊買, 而電器比較喜歡到Megabox的香港最好電器, 起碼有十五年沒有在泰林買過一件貨品.

講到泰林, 有樣有趣的實驗, 我在自己架Nokia 6220c的短訊功能內, 打出以下字, 可以找出字詞庫內的電器/手機店舖名稱:
豐(澤)(當然都有豐明), 百(老匯)(當然都有百佳), 衛(訊), 領(域)(當然都有領匯), 中(原)(當然都有中銀, 中電)
但係打個泰字, 卻找不出泰林, 但係在Windows Vista內的新倉頡, 打個「泰」字, 再打兩個木碼, 首個字卻是「林」字.
究竟間野係咪唔夠出名呢?

[ 本帖最後由 gordon 於 2008-10-19 03:16 編輯 ]

我估下間中招既似 中X

原帖由 cruisesnet 於 2008-10-19 08:04 發表
我估下間中招既似 中X

切忌作無根据既謠言.
報章指泰林既電器大部份都只係供應商寄賣既,即係所有權仍在供應商.
當臨時清盤人點算存貨后,會發出通告要供應商取回存貨
(消費者如果係全數付款而等候送貨者,應亦可以視為'供應商')
[另]當年八佰伴結業至最好開業前,有無做電器夜冷?

原帖由 superay 於 2008-10-19 01:07 發表
其實我個人比較喜歡泰林，因為那邊的sales好像壓力較少，比較用心sell客之餘又不會催客買
不過價錢有時平不了幾多。 ...

泰林小弟去過睇
成班sales好似唔憂做咁
完全唔理d客
(當時,舖頭係近乎冇客)

我自己就未幫襯過泰林，主要係參考完價錢後而卻步。
泰林主力賣大型電器，正如之前有人講到呢類貨product cycle長，一架雪櫃、洗衣機動輒
可用上7-8年，加上部份更要上門安裝，雖然香港人較其他國家喜歡追求款式，但只限於
小型貨品，迫不得意才換大型電器。其實，做大型白色家電唔一定冇出路，好似好多屋村
小電業店都有得做，價錢比大型店平，例如早前本人購買的洗衣機，在小電器店買$1880
連安裝，到百老匯問過要$2100另要加收安裝費，總額差$300 (>15%)。所以，買小電子
產品冇人去泰林，大型家電的價位又貴，做不住不出奇。

原帖由 hkicq 於 2008-10-23 16:44 發表

切忌作無根据既謠言.
報章指泰林既電器大部份都只係供應商寄賣既,即係所有權仍在供應商.
當臨時清盤人點算存貨后,會發出通告要供應商取回存貨
(消費者如果係全數付款而等候送貨者,應亦可以視為'供應商')
[另]當年八 ...

當年八佰伴清盤開倉, 好似係沒有電器的, 因為在八佰伴清盤前, 電器部已經獨立成了最好電器.

記得當年屯門八佰伴執左之後, 信和聯同各前八佰伴專櫃重開, 當年八佰伴的電器部就係現在最好電器的位置.

[ 本帖最後由 gordon 於 2008-10-24 11:00 編輯 ]

原帖由 gordon 於 2008-10-24 10:55 發表

當年八佰伴清盤開倉, 好似係沒有電器的, 因為在八佰伴清盤前, 電器部已經獨立成了最好電器.

記得當年屯門八佰伴執左之後, 信和聯同各前八佰伴專櫃重開, 當年八佰伴的電器部就係現在最好電器的位置. ...

其實八佰伴的電器部一直也是與最好電器 (Best) 合營的。