大家可否學會尊重他人、建立自己的理想？

原帖由 3ASV196 於 2008-11-4 08:47 發表
就聖火而言, 好多支持者即使未必反對陳小姐的政治立場,
但亦唔希望奧運政治化, 唔希望聖火傳送受到不尊重的對待.....
而係陳小姐表達佢意見同時, 其他普通人(不是主辦單位)
亦有權去表達對陳小姐行為不滿的反對聲音......究竟呢d
反對, 係"打壓", 定只是"另一方向的言論自由"?

這正正是出現的矛盾....其實很難去處理及客觀去睇吧.....
但想帶出一點, 要尊重的, 不只是不同"聲音", 亦包括別人
所需要的"寧靜"...及所在的"場合"

值得一提，我們所做的問卷調查中，大部分人不支時陳巧文的行動。

不過最令我佩服的是，Christina對這些反對聲音，甚至其後網上出現的威脅、性暴力言論，
儘管心裏或許有不舒服（這點純粹是個人猜測），但卻表現從容自若，甚至覺得別人的看法
「很interesting」；並且僅把別人的反對歸結為媒體塑造喜氣洋洋的氣氛，一般巿民不會主動
切身處地思考西藏的境況，以及一般人向來對女性參與社會、政治有偏見。我自問氣量也沒有如此大。
（當然，這些也是很複雜的問題。）

至於當日的示威情況，可以參考以下《鏗鏘集》節目：
http://www.rthk.org.hk/rthk/tv/hkcc/20080504.html

當日Christina和同行友人不過是拿出雪山獅子旗（恰當與否當然亦可商榷），而許多人的反應，
卻是指著她破口大罵，說她是漢奸、壞人，要趕她走。那麼，到底是誰在不尊重？莫非香港真的
沒有容得下異見的capacity？

原帖由 S3BL100 於 2008-11-4 20:16 發表

「井底之蛙」乃我個人觀感，不代表我不尊重他們，我更不會以實質行動表示對他們的不尊重。

講真, 我唔知你做d咩project...不過訪問完人地, 轉頭係討論區話人地"井底之蛙",
我就唔sure 咁做是否合適, 亦唔知你學校對interview 同project 資料的限制...

不過如果我係受訪者, 直言, 如果我知道訪問我的人之後咁講, 我就覺得不被尊重喇...

當然, 希望你心裡真係尊重其他意見...係我誤會la....

講返, 我其實從來反對過激行為表達意見....但往往社會每人的要求/標準唔同,
如掟蔗,  我反對, 但亦有人接受......支持者, 反對者係點做, 是否合理, 真係很難
量化, 尤其在大家既定立場下.....我只可以講, 回想返...我覺得陳小姐的行為, 可以接受...

但"言論自由"下, 我見唔到任何人可以避免受"過份的批評", 其實嘗試直接d, 以分化
的政見睇, 2邊都係一樣, 不少民主派人士, 俾人叫"漢奸", 但同樣, 唔少親中人士/派別,
亦俾人鬧"無恥"......甚至唔係講政治, d娛樂討論區, 都好多無理批評的人身攻擊,
這可能是言論自由的"副作用", 亦可以睇成過度去成熟期的中期表現...

香港始終經歷緊前所未有的政治環境, 人權自由的著重.....香港人正正需要本文宗旨
的"尊重", 才可以有進步的社會討論...相信香港人仲要一段時間去學習.....先能走出
2極化, 達到較好平衡......

[ 本帖最後由 3ASV196 於 2008-11-4 20:58 編輯 ]

其實井底之蛙的批評，嚴格黎講唔可以話係針對內地的同學，因為可以解讀成「資訊自由被剝削」
而好坦白講，除非你認為資訊應該被封閉……

原帖由 Pendolino 於 5/11/2008 01:43 發表
其實井底之蛙的批評，嚴格黎講唔可以話係針對內地的同學，因為可以解讀成「資訊自由被剝削」
而好坦白講，除非你認為資訊應該被封閉……

根據樓主的上文下理，好難解讀成「資訊自由被剝削」，
反而好似係佢地已經循某種途徑獲取相關資訊，但不願接受。

原帖由 238X 於 2008-11-5 10:22 發表
根據樓主的上文下理，好難解讀成「資訊自由被剝削」，
反而好似係佢地已經循某種途徑獲取相關資訊，但不願接受。

非也，本人主觀認為，他們獲得訊息的渠道，主要是他們慣常獲得訊息的渠道；正如不少香港人都不會主
動上某些網站，獲取更多關於西藏（或至其他有關中國大陸）的資訊一樣。

原帖由 CPY 於 2008-11-5 11:45 發表
（略）

該題並非我所擬，然而最終大家都決定很想問這道問題，原問題如下：

「您覺得中國大陸和香港在接收媒體資訊時有何本質上的差異？例如在內地瀏覽部份網站時被中國的「防火長城」
遮蔽，以及中國政府對報章的管制。您認為這樣是否有助中國內地的國民培養「愛國」的價值觀？您認為這還有其他
的好處嗎？又有甚麼不好的地方呢？」

當然，我和組員的background都和social science無關，這個project對我們來說未嘗不是一種挑戰；而我亦十分體諒內
地同學的處境。然而，就正正因為如此，更需要給他們一個更開闊的視野，了解這個世界更多，了解周圍許多人不同的
想法。

p.s. project的題目字眼仍在修訂，但大概是：
從陳巧文事件說起，看大學生愛國的感性與理性

[ 本帖最後由 S3BL100 於 2008-11-5 22:46 編輯 ]

原帖由 S3BL100 於 2008-11-4 20:30 發表
當日Christina和同行友人不過是拿出雪山獅子旗（恰當與否當然亦可商榷），而許多人的反應，
卻是指著她破口大罵，說她是漢奸、壞人，要趕她走。那麼，到底是誰在不尊重？莫非香港真的
沒有容得下異見的capacity？

我相信無論去到乜野國家，
你係一d國家慶典場合做呢d野，
都一定會比人喝倒彩

你到紐約911紀念儀式上大叫拉登是英雄、美國是屬於拉登的，
我估你未被警察捉走之前已經比群眾活生生打死

我就試過係某西方國家的火車上同朋友討論該國零售業服務態度的不是，
講左一句X國係咁差架喇，四周乘客即時怒啤

我都識得有名意大利裔澳洲人因為入澳洲境時，
對關員說揸住澳洲passport簡直係恥辱，
又話佢雙腳一踏入澳洲境就feel like scum，
之後以侮辱國家罪名而被沒收passport

其實香港人仲未識得分尊重地表達意見同侮辱性表達意見嘅分別，
好似第2個例子，將對服務態度的不滿引伸至對整個國家的負面形容，
這就是侮辱性表達意見

而第1個例子就係要尊重場合，
當陳小姐話聖火群眾唔尊重佢表達意見嘅時候，
陳小姐又有冇尊重群眾參與慶典嘅權利呢

原帖由 S3BL100 於 2008-11-5 22:43 發表

「您覺得中國大陸和香港在接收媒體資訊時有何本質上的差異？例如在內地瀏覽部份網站時被中國的「防火長城」
遮蔽，以及中國政府對報章的管制。您認為這樣是否有助中國內地的國民培養「愛國」的價值觀？您認為這還有其他
的好處嗎？又有甚麼不好的地方呢？」

其實你呢條問題都真係幾有問題...好明顯, 係有預定情況下提問...
一開始就假設左中國大陸和香港在接收媒體資訊時有本質上的差異, 同時
亦用左"遮蔽"等負面詞句去形容中國情況...又主動link 去"愛國"問題...

人地話你引導性, 都好正常...唔係井底之蛙, 而是大家既定立場問題...
單是如果人地認為中國所做唔係"遮蔽", 唔係"管制", 而是"國家安全"
同"保護", 你條問題都唔駛答....

不論你問的內容是否事實, 如果作為客觀提問/訪問 應該避免將條問題
帶咁多不必要的內容/意見性形容....

[ 本帖最後由 3ASV196 於 2008-11-6 13:50 編輯 ]

原帖由 Kaix 於 2008-11-6 12:44 發表



我相信無論去到乜野國家，
你係一d國家慶典場合做呢d野，
都一定會比人喝倒彩

你到紐約911紀念儀式上大叫拉登是英雄、美國是屬於拉登的，
我估你未被警察捉走之前已經比群眾活生生打死

我就試過係某西方國家的火車上 ...

Slippery slope好滑喎，老友，
你點樣將侮辱咁表達意見同埋出雪山獅子連埋一線先？

你話彈出黎，阻住個procession就話係騷擾性者(ok, invoke Godwin's law, 我地係咪唔駛阻住Nuremberg Rally?)
單係路邊彈張雪山旗係咪屬於騷擾一種？唔好講侮辱啦，唔阻人的侮辱視為違法，係thoughtcrime黎架咋喎。