大家可否學會尊重他人、建立自己的理想？

陳巧文我就無咩想講，我只係想講，我係舊年（2007年，唔係「某年」）中大畢業生，
本來我們坐在整群人中間，對台上嘉賓致詞，一如以往的沒有興趣，
董建華成個演講都係對稿讀，我們都在竊笑，直至我們在數十米外都聽到示威者的口號，
董建華的發言被打斷，我和同學都開始戥董生唔抵，佢而家又唔係特首，係人大政協，
在香港無權的，你同佢講生果金有乜用？

董生初時都係斷完又繼續，但到一刻真係講唔落去，
董生的一句（苦口婆心地）「你畀我講埋先，好冇？」即時獲得全場掌聲。
對我來說，掌聲是給予董生終於識得執生，跳出既定程序，將個波踢返畀人。
如果23條時佢識得咁做，就唔使搞到腳痛啦。

示威者啊，你可以在典禮前或典禮後示威，你示威唔好「搞串我個party」至得架～
畢業典禮的學生及工作人員沒有強制停止示威者，已經係對佢地的尊重，
但佢地越嗌越大聲，就唔尊重畢業典禮的參加者喇。

我而家在實驗室，超過一半人來自大陸，大部分都嚮往香港生活，
有人係共產黨員，而對一些敏感話題，如台灣、西藏、法輪功，
我們的立場都無大分別，甚至用來講笑。
他們有自己的一套看法，有人同我講過非常痛心文革摧毀中華文化，
羨慕香港仍然保存傳統習俗，亦對國內的一些現象看不過眼；
有人就話來到香港，完全不食用內地牌子（即使係香港版）的奶製品。
有些時候，他們對內地政府的不滿或不信任比我還多。

有啲事，佢地唔係唔知，或盟塞，而係視乎場合，同朋友普通交談佢地可以暢所欲言，
但一個會留有紀錄的訪問，佢地就真係要提高警覺，樓主要體諒下。

一樣米養百樣人，有北方人努力學廣州話的同時，亦有人話繁體字好煩，
中國有十三億人，咩人都會遇到，有溫和開放派亦有激進保守派，不宜一竹篙打一船人。

尊重他人同建立自己的理想又係兩回事喎，我重未有自己的理想......
人地問我畢業做乜，我都答唔出......
如果我個「理想」係去日本駕JR但係我日文都唔識多隻，咁又算唔算有理想呢？

原帖由 DIH 於 2008-11-15 00:41 發表
陳巧文我就無咩想講，我只係想講，我係舊年（2007年，唔係「某年」）中大畢業生，
本來我們坐在整群人中間，對台上嘉賓致詞，一如以往的沒有興趣，
董建華成個演講都係對稿讀，我們都在竊笑，直至我們在數十米外都聽到示威者的口號，
董 ...

原來只是舊年, 我印象係好耐tim hahah

無錯, 香港人係包容不同意見/接受不同人士, 係尊重的平衡, 亦要好好學習...

表達本身也有好多方式...點樣可以令人留意到, 又不影響他人, 係一種"藝術"..

係現在的香港, 當人人都想拎多d 權力/影響力*時....更加需要留意...

*呢方面好多人唔覺唔覺地做緊, 唔係只是政治問題, 簡單如現在香港消費者對服務業的態度,
學生對教師的投訴, 返工同事與老闆之間....好多時都睇到香港人越來越重視個人的"power"..
如果這方面過份左, 係不利整體社會風氣, 同時係危險的....

原帖由 DIH 於 2008-11-15 00:41 發表
尊重他人同建立自己的理想又係兩回事喎，我重未有自己的理想......
人地問我畢業做乜，我都答唔出......
如果我個「理想」係去日本駕JR但係我日文都唔識多隻，咁又算唔算有理想呢？

我開文除了想討論「尊重」外，也想討論一下「理想」，不料大家把焦點只集中在前者。

想討論「理想」的原因，就是發現似乎大家都沒有認真想過這個問題，不知道自己到底將
來想怎樣，於是才會有這麼多人只會迷巴士、打機，或者只會想著如何賺大錢（我相信這
裏可能有不少隱蔽青年）。大家又可否有一些遠大一點的目標（不是叫大家做特首做官、
這個我覺得很低俗），把眼光放遠一點，想想大家可否為社會做點事，實現不可能？

大家可能覺得我自命不凡扮清高，然而，當整個社會都沒有一些有理想的人的時候，香港
會變成怎樣？（這也是其中一個我希望離開香港的原因，不過暫且不在此討論。）大家都
是二十來歲，為甚麼別人可以，自己卻不可以？

原帖由 S3BL100 於 2008-11-15 14:41 發表


我開文除了想討論「尊重」外，也想討論一下「理想」，不料大家把焦點只集中在前者。

想討論「理想」的原因，就是發現似乎大家都沒有認真想過這個問題，不知道自己到底將
來想怎樣，於是才會有這麼多人只會迷巴士、打機，或者 ...

我讀生物系，呢個科目在香港無咩前景，當年選科為了興趣，
叫我去做藥廠、儀器廠，等於叫我揞住良心做事，我做唔到，好多人都做唔到，
所以有人去教書（有理想喇卦），有人做空姐空少（寓工作於娛樂又係咪理想？），
有人為了盡快賺最多的錢養家而狂讀金融去做經紀，又係咪有理想？

香港呢個地方太細，塘水滾塘魚好難話有咩理想，李嘉誠可以穿膠花，曾蔭權可以做推銷員，
他們那一輩的人爬到上社會頂層，但最少有十幾廿年繼續在位，跟住繼承的會係現年三四十歲的一班，
即係話，假如我個理想係要學李嘉誠，我要等四十年。

我個理想就係賺錢回饋父母，畀佢地好食好住身體健康，要達成呢個理想已經唔易，我自己的理想？
在香港，除非你個理想係同錢有關，否則理想都幾難達成。
又或者，假如全部人都有理想，結果唔符合「理想」的工作或階層沒有人做，這個社會如何運作？
有無人個理想係洗廁所？掃街？執垃圾？
在大機構從事體面的工作，實際係呃人？

我理想係咩？
兩岸和平統一，西藏高度自治，中文字廢簡復繁，全世界人人守望相助，夠唔夠理想？

有些時候，唔係話無理想，而係身上的包袱太多，或以前無做到對現在有利的事，唔到自己話放唔放低，
我可唔可以拋低家人走去歐洲流浪？我可唔可以乜都唔識就話去非洲做義工？都係自己同自己講好喇。

原帖由 S3BL100 於 2008-11-15 14:41 發表


我開文除了想討論「尊重」外，也想討論一下「理想」，不料大家把焦點只集中在前者。

想討論「理想」的原因，就是發現似乎大家都沒有認真想過這個問題，不知道自己到底將
來想怎樣，於是才會有這麼多人只會迷巴士、打機，或者 ...

有時要講理想, 都要講下現實環境是否容許。
我唔知閣下家境如何, 但感覺點都唔係等錢開飯一類,
你當然可以好容易咁講「不低俗的理想」。

我本身屋企經濟環境唔太好, 屋企人身體又唔好,
大學有好多「實現理想」救世界的programe我係想參加,
但現實係唔容許我咁做喎...
我都想搵個summer去山區幫下人, 但出左香港屋企人無人睇住,
係咪我無理想, 甘願被目前綁死呢？

我而家讀緊double-degree, 有排都未畢到業,
唯有搏命讀書, 第日有個good honor搵好工, 等屋企人過好生活。
另一方面就搏命part-time, 畢業前就算養唔起家,
最起碼唔駛人地養, 有緊急事都有筆錢支援下。
但我一日係得24個鐘, 根本無時間去顧咁多宏大理想,
用閣下的角度看, 呢d咁既人又係咪spiritually cheap呢？

我而家份part-time係去教night course,
幫一班近乎hopeless既初中生俾心機讀書,
人工唔算低, 但有人工更高的補習社接觸過我,
留低純粹係想社會十年後少幾個雙失。
事實上我從來唔諗住投身教育事業, 咁又係咪迷失緊？
一年先幫到十幾廿個人, 絕對做唔到"raise整個社會對許
多問題的awareness", 咁我究竟有無理想？

我好慶幸自己a-level後好清楚自己要行條咩路,
但有時半夜返屋企, 累到上車都差d無力時,
依然會咁諗︰平淡既生活都有平淡既好...
閣下成日講尊重, 你又何嘗尊重過其他人既價值觀、理想呢？
鹹魚青菜各有所愛, 有人會覺得有個warm family已經好辛福,
有人會想做更多, 係咪人地要follow你個套先叫好？

原帖由 kwyeung 於 2008-11-16 12:38 發表


有時要講理想, 都要講下現實環境是否容許。
我唔知閣下家境如何, 但感覺點都唔係等錢開飯一類,
你當然可以好容易咁講「不低俗的理想」。

我本身屋企經濟環境唔太好, 屋企人身體又唔好,
大學有好多「實現理想」救 ...

咁其實呢方面, 我又覺得S3BL100只是提出人需要
理想, 唔一定係要跟佢所講的意思 gei...

我自己就覺得, 多元社會, 正正需要不同種類, 性格,
需求的人......才能平衡, 包括左不同理想, 甚至無乜
理想的人

唔係話有理想係錯/無理想係o岩, 而是想講, 如果人人都
似孫中山咁, 咁有理想, 到時也一定天下大亂....  

而理想也無分是否高尚/低俗...
(要搵$$$, 做特首, 一樣可以係一個好理想, 最少
有清楚目標, 可以努力去做)

個人覺覺, 只要清楚自己做緊乜, 已經好足夠...

不過都想回應返樓主, 請不要進行"標籤", 黎呢度d人, 好多也
不會是隱蔽青年, 而迷巴士, 打機的人本身也不等於無思想...
人人平等, 都請繼續留意"尊重"

[ 本帖最後由 3ASV196 於 2008-11-16 15:23 編輯 ]

原帖由 kwyeung 於 2008-11-16 12:38 發表
有時要講理想, 都要講下現實環境是否容許。
我唔知閣下家境如何, 但感覺點都唔係等錢開飯一類,
你當然可以好容易咁講「不低俗的理想」。

我本身屋企經濟環境唔太好, 屋企人身體又唔好,
大學有好多「實現理想」救世界的programe我係想參加,
但現實係唔容許我咁做喎...
我都想搵個summer去山區幫下人, 但出左香港屋企人無人睇住,
係咪我無理想, 甘願被目前綁死呢？

我而家讀緊double-degree, 有排都未畢到業,
唯有搏命讀書, 第日有個good honor搵好工, 等屋企人過好生活。
另一方面就搏命part-time, 畢業前就算養唔起家,
最起碼唔駛人地養, 有緊急事都有筆錢支援下。
但我一日係得24個鐘, 根本無時間去顧咁多宏大理想,
用閣下的角度看, 呢d咁既人又係咪spiritually cheap呢？

的確，生活上的困難很容易令人迷失方向，被迫暫時放下自己的
理想，不過我覺得這不是令人放棄理想的理由。相反，在困難下
更應該勇往直前，珍惜每一個機會，加倍努力。

我很理解閣下的情況，其實我的家庭環境也是相當普通，也面對
著不少的壓力，身邊許多水平相若的人，都到了UPenn、Stanford、
Brown、Chicago，只有我被迫暫時留在香港；兩次到美國的學校
做visitor/exchange，條數都要計過度過。不過我慶幸從小學到現
在，碰到了不少好老師，和不少發展的機會，奠定了我人生的方
向。生活困難不是一個可以完全撇下不理的問題，但是是否可以
在能力範圍以內，在生活與理想間盡量找到一個平衡？例如，可
否是合理改善生活後，重新思考理想的問題，而不是從此把「理
想」丟到垃圾桶？一位本學期有教我的professor，就是大學畢業
後工作了十年，然後才返回學術界，37歲才在Stanford取PhD，
然而憑著毅力，最終在他自己的field裏面取得許多出色成就。這
個例子，是否值得借鏡呢？

原帖由 kwyeung 於 2008-11-16 12:38 發表
我而家份part-time係去教night course,
幫一班近乎hopeless既初中生俾心機讀書,
人工唔算低, 但有人工更高的補習社接觸過我,
留低純粹係想社會十年後少幾個雙失。
事實上我從來唔諗住投身教育事業, 咁又係咪迷失緊？
一年先幫到十幾廿個人, 絕對做唔到"raise整個社會對許
多問題的awareness", 咁我究竟有無理想？

「raise整個社會對許多問題的awareness」，是最高境界，我自
問達不到，亦沒有這種想法（雖然本人樓頂提及的project，選題
目時就有這種考慮在內）。然而，最重要的，是自己能否
contribute to the well-being of the society，那怕影響何其渺小。
因此，我亦覺得教書是一份相當有意義的工作，以生命影響生命，
中學時亦曾有衝動將來通過教育contribute（雖然後來因為個人的
與趣，以及家人的勸阻而放棄，不過我依然希望通過另外的途徑
為教育contribute）。

原帖由 DIH 於 2008-11-15 16:44 發表
我讀生物系，呢個科目在香港無咩前景，當年選科為了興趣，
叫我去做藥廠、儀器廠，等於叫我揞住良心做事，我做唔到，好多人都做唔到，
所以有人去教書（有理想喇卦），有人做空姐空少（寓工作於娛樂又係咪理想？）［/quote]

我的處境和你差不多，選科時大把科可以揀唔揀偏要揀pure science，
周圍許多「長輩」我說我傻仔之類。但是我有目標，要讀PhD，要做
top-tier research（不過香港的環境對research不conducive，這也是
我想離開香港的原因之一，而我和你都是這行（雖然是不同discipline），
大家都相當清楚這個field現時的境況，不足為外人道）。當然，在種
種困難下，我的策略是：盡量為自己爭取更多機會、更多credential，
而選research field時亦要特別小心，盡量在興趣、個人能力和research
field的前景找到不衡。（所以身邊有人數學底子一般卻堅持要做general
relativity / cosmology，我對此有保留。）

而當釐清個人目標後，就勇往直前；雖然不一定能達到，但至少曾經
嘗試過，曾經contribute，最重要的是無論結果如何，自己也feel comfortable。

[quote]原帖由 DIH 於 2008-11-15 16:44 發表
有人為了盡快賺最多的錢養家而狂讀金融去做經紀，又係咪有理想？

如果外面有人問這問題，而我答不是，那麼我肯定會被人狂插。

不過中學認識一位年長四年的學長，一直對音樂很有興趣和passion，然而家境
亦是一般，最終在美國讀undegrad時，選擇double major finance and music，
出來做了ibank兩年，業餘時又指揮合唱團，現在於princeton讀master，目標是
搵夠銀後專心搞音樂。我想這個例子亦值得參考。

原帖由 DIH 於 2008-11-15 16:44 發表
香港呢個地方太細，塘水滾塘魚好難話有咩理想，李嘉誠可以穿膠花，曾蔭權可以做推銷員，
他們那一輩的人爬到上社會頂層，但最少有十幾廿年繼續在位，跟住繼承的會係現年三四十歲的一班，
即係話，假如我個理想係要學李嘉誠，我要等四十年。

這點實在不能不認同。

原帖由 DIH 於 2008-11-15 16:44 發表
我個理想就係賺錢回饋父母，畀佢地好食好住身體健康，要達成呢個理想已經唔易，我自己的理想？
在香港，除非你個理想係同錢有關，否則理想都幾難達成。
又或者，假如全部人都有理想，結果唔符合「理想」的工作或階層沒有人做，這個社會如何運作？
有無人個理想係洗廁所？掃街？執垃圾？
在大機構從事體面的工作，實際係呃人？

我理想係咩？
兩岸和平統一，西藏高度自治，中文字廢簡復繁，全世界人人守望相助，夠唔夠理想？

有些時候，唔係話無理想，而係身上的包袱太多，或以前無做到對現在有利的事，唔到自己話放唔放低，
我可唔可以拋低家人走去歐洲流浪？我可唔可以乜都唔識就話去非洲做義工？都係自己同自己講好喇。

我倒會覺得，有否理想之餘，有否曾經盡力實現（不論是延遲實現，或是任何方法，見#27）。

共勉之。