有冇人係客家人? 識講客家話?

早幾日去吉慶圍參觀, d 七八十歲阿婆之間都講白話, 到底香港本地圍村人仲有冇人識講客家話?
又, 各板友有冇人係客家人? 識講客家話?
答: 我係, 我識

原帖由 leochill 於 2009-1-26 20:29 發表
早幾日去吉慶圍參觀, d 七八十歲阿婆之間都講白話, 到底香港本地圍村人仲有冇人識講客家話?
又, 各板友有冇人係客家人? 識講客家話?
答: 我係, 我識

很多新界原居民都是客家人，客家人居住範圍很大的，廣東的梅州、河源、韶關及惠州、江西、福建、台灣都是客家人的聚居地。
由於香港絕大部份都說粵語，所以新界的客家人都漸漸棄用客家話，改說粵語。

我係, 都識講.
不過唔係圍村人

但係我覺得新一代係未必會識講, 因為如果全屋人都以廣州話為主, 家庭方言慢慢就失傳.

我媽媽係，我自己識聽，都識講幾句。

至於我媽媽，如果同我公公婆婆對話，就多數會講客家話。
同我舅父阿姨，就多數會用粵語。

而我阿公阿婆同自己村 / 同輩的人，都係多數用客家話
溝通。

其實而家大部份客家人都識講粵語，而且要係呢個社會生活，
根本就唔可以單靠客家話。另一方面，有唔少上左年紀的
客家人，都唔太識講粵語。我的曾祖母 (已過身) 就係其中一個
例子。

[ 本帖最後由 chan6723 於 2009-1-26 21:51 編輯 ]

原帖由 chan6723 於 2009-1-26 21:50 發表
我媽媽係，我自己識聽，都識講幾句。

至於我媽媽，如果同我公公婆婆對話，就多數會講客家話。
同我舅父阿姨，就多數會用粵語。

而我阿公阿婆同自己村 / 同輩的人，都係多數用客家話
溝通。

其實而家大部份客家人都識講粵語，而 ...

我母語都係白話, 客話係邊聽邊學, 成廿歲先講得流利起來。同樓下看更會講客話, 但同阿爸則好少, 廿幾年來講慣白話, 突然講客話好似好怪。
在香港, 年輕一輩唔識講客話唔出奇, 因為大家都係睇香港電視大, 但八十歲老者之間都唔講就有d 奇, 可能佢地係聽香港電台大, :p
講返客家話, 佢o既流傳真係好有問題,
一係鄉音眾多, 未能統一, 較多人講係梅州/惠陽話, 但仍未被確立其 "標準" 地位, 跟較高調o既台灣客話亦較大差異;
二係客話地區冇強勢文化同媒體, 該地區都係受普通話同白話文化感染
有興趣接觸客人文化, 可以睇下呢個網 www.hakkaonline.com

我唔係客家人，我祖籍新會，不過我都唔識講新會話，只識幾句，
會講流利鄉下話的阿爺阿嬤在我小時已經過身～
而我有一位大學同學，係香港長大，但能操一口流利福建話（祖籍福清）。

多嘴了......

原帖由 DIH 於 2009-1-27 00:17 發表
我唔係客家人，我祖籍新會，不過我都唔識講新會話，只識幾句，
會講流利鄉下話的阿爺阿嬤在我小時已經過身～
而我有一位大學同學，係香港長大，但能操一口流利福建話（祖籍福清）。

多嘴了...... ...

咦，福建話即是閩南話？！

我曾聽過客家話和閩南話，發覺有不相同的地方．．．．．．(我只是因為聽過閩南語歌《愛拼才會贏》才首次接觸閩南話)

福清即係響福州
講福州話
同所謂閩南話(廈門話)出入好大

我都係西貢圍村客家人，都識講客家話
平時係屋企都多機會講客家
可能又細都大都聽到客，所以識聽同講
但係我太太搬左入黎三年就識聽幾句，講就唔得
相反我仔先三歲，以經比我老豆教到識好多

另一面係我媽果面，我媽都係圍村人，不過係講一種叫“蛇”話既方言，我媽係成十歲先識講白話即廣東話，呢種方言我就識聽唔識講

甘我又問下啦，有無板友係有丁權架？同埋你地啲丁屋由申請到入伙要幾耐呢？我呢度要十年至十二年

原帖由 3AD172004 於 2009-1-27 11:55 發表
  
咦，福建話即是閩南話？！

我曾聽過客家話和閩南話，發覺有不相同的地方．．．．．．(我只是因為聽過閩南語歌《愛拼才會贏》才首次接觸閩南話) ...

客家話及閩南語差好遠。閩南語最難係「文白二讀」，即係有好多字在書本上(文讀)及交談時(白話)的讀音係唔同。另外，潮州話係閩南話的分支，所以讀音相近。「人」都係讀「冷」，「茶」都係「爹」。
客家話部份讀音好接近粵語。