觀塘市中心巴士路線調遷計劃

原帖由 cong 於 2009-2-20 00:15 發表


只係好耐之前既將 16M 還原吧....

但今時今日既16M, 多數客都o係內街
觀塘地鐵站上落既人唔多, 非繁時有時完全無人o係地鐵站搭16M
本來16M已經愈來愈頹, 如果真係唔入觀塘內街, 前景實在唔樂觀...

個人覺得 16M 往雅麗道比 13M 去雅麗道更好 , 16M 去雅麗道可以吸納到 15 / 16 去創紀附近上班的乘客 ,
而且 95M 同 13M 都是類似的路線 (經秀茂坪) , 既然 95M 都到雅麗道 , 13M 都無需到雅麗道做相約的事吧。

16M 往雅麗道應該都不會影響票價吧 ... 而且是去程時可以在裕民坊下車做轉乘 , 反方向反而要走到老遠 ,
比現時的觀塘政府合署更遠 , 不過還是算了吧 ... 向來政府做的都很少是從正常思想出發的事 ...
還望可以保持現時往新界般 , 跨過大廈天橋後就可以做到轉乘吧 , 回家的路 , 當做放工做運動吧

原帖由 superbus 於 2009-2-19 23:25 發表
呢個計劃最好既建議係 13M 拉去牛頭角
班轉乘客唔駛再行幾丈遠先轉到車

13M 如果入裕民坊
吸引力將會大增

原帖由 Gary_B 於 2009-2-20 00:22 發表


13M 如果入裕民坊
吸引力將會大增

曾幾何時13M入過裕民坊...
但唔覺得當時既13M吸引力大左幾多
最後亦打回原形

當時秀茂坪仍在重建中 寶達未有

原帖由 KC6831 於 2009-2-20 00:21 發表
16M 往雅麗道應該都不會影響票價吧 ... 而且是去程時可以在裕民坊下車做轉乘

如果係16M去雅麗道, 里數應該只係比而家長左少少
比16M長得多既216M可以收得平過16M, 相信16M長果幾百米唔會就咁加價
而且去雅麗道既行車時間可能仲短過而家

16M當年由觀塘站遷往月華街時，是同時將票價由$2.00增至$2.20的。
若果要遷回觀塘站，其實應該減回票價，以示公平。

原帖由 HY671 於 2009-2-20 00:10 發表

16M搬去觀塘，咁咪即係唔入市中心？咁咪又俾機會九巴CUT多架車？
早輪觀塘道翠屏道口既路中心花槽拆左一大段，我真係以為佢開返組紅
綠燈，但今晚見果度又填返高少少，再睇埋呢篇文，可以為觀塘道出九
龍既交通鬆一口氣咯。

暫未收到文件的實質內容，所以未肯定如何實行。
不過以上一份的文件建議，以及原有路線的原則下，似乎 16M 會先入市中心再入觀塘站為多。

至於翠屏道口既紅綠燈，的確會開返。
不過只限鯉魚門道／觀塘道轉右入紅綠燈。

即係翠屏道開放右轉鯉魚門道西行的計劃告吹？既然如此，為甚麼要開放鯉
魚門道西行右轉翠屏道？西行往迴旋處/隧道的車輛是否可以直去不用停燈？

其實寶達有吉坑，為甚麼不把13M擺寶達？而家13M循環都無用。

[ 本帖最後由 S3BL100 於 2009-2-20 01:00 編輯 ]

原帖由 S3BL100 於 2009-2-20 00:58 發表
即係翠屏道開放右轉鯉魚門道西行的計劃告吹？既然如此，為甚麼要開放鯉
魚門道西行右轉翠屏道？西行往迴旋處/隧道的車輛是否可以直去不用停燈？

計劃中，從來沒有計劃批准翠屏道右轉觀塘道西行（福塘道巴士計劃才有考慮）。
開放鯉魚門道西行右轉翠屏道的計劃，目的是要減少車流進入觀塘道及開源道迴旋處。
（個人未有有關詳細文件，所以未知直去是否需要停燈，不過就現場所見，應該不用停燈）