過境巴士超速問題?

話說小弟5月1號同朋友上廣州玩,
就搭左7:45pm由太子出發既中旅直通巴上廣州,
車牌為MC8955,係一架中港之星Scania,由一個有地中海既司機駕駛,
架車在港都冇乜野,尚算舒適。

不過架車一上廣深公路就黎料,
全程踩盡,小弟睇唔到咪錶,不過一定唔止120km/h,左穿右插不特止,一連cut兩線,
前面一有車行慢少少就狂砵狂閃大燈,仲出現過無數次夾硬壓線,
好幾次都俾人狂砵,人地唔收油就炒左。

不過最過份係有一次前面中線有架私家車行得較慢,
巴士司機狂砵不果,佢就抽出右線排車,
架巴士一半都未過,個巴士司機就壓返去中線,直頭將私家車壓左去左面(左線有車行駛中),
明眼人都知個巴士司機玩野,佢咁樣簡直罔顧車上乘客及其他道路使用者安全。

最後巴士將公路上所有車爬過(冇任何車夠佢快),只用左75分鐘完成本來120分鐘車程,
呢程車搭到我驚,我以後唔會再坐直通巴上大陸。

直通巴是否大部份都係咁亂黎?是否真係咁趕?
另外我有甚麼途徑可以投訴該司機?
老實講我唔會同情佢冇左飯碗,佢咁渣直通巴害人不淺,
人命比任何野重要。

[ 本帖最後由 joeli16 於 2009-5-5 00:40 編輯 ]

曾經試過同呢一間公司的司機閒聊 ( 真係閒聊 , 分享他的駕駛經驗 ... 當時他拎住兩袋餸菜 )
佢講過上面渣車的人係不懂得正確駕駛的 , 尤其在高速道上 , 所以不要讓他們 , 否則隨時會出意外 ...

而自己亦見過呢間公司的過火行為 , 真實例子是 , 小弟乘坐的客車在吐露港運頭塘上斜的中線爬車 ,
其實已經最少係行緊 80km/h 了 , 這家公司的車在快線高速爬你頭 ...
有時都想問下呢間公司的司機為何要超速駕駛 ...

PS: MC8955 是 環島公司 的車 , 不是中旅的

[ 本帖最後由 KC6831 於 2009-5-5 02:02 編輯 ]

MC8955果位馬主在環島來說手車真係好狼，當然仲有幾位師傅手車比佢更狠！
我都坐過佢車幾次，但MC8955極速得115km/h，但高速高轉數行車所以感覺上係行得好快。

以前佢開羅房條香港<->韶關線時代仲狼，係京珠高速全程踩盡(130km/h)，爽到飛起！

基本上很多中港司機，在香港段時，都是很慢，但在國內，都是很快的。
有沒有留意有沒有換司機？

因為很多時，巴士到皇崗便會換司機了。

上星期六，我從深圳灣口岸乘中港通某中通客車，往九龍站，
看見車速錶，除了有快相位，全程以時速135 - 140 行駛。
由深圳灣口岸開車九龍站，只要二十多分鐘。

幸好我由深圳機場出發時，是坐深圳機場八線，沒有坐這車手的車，
在廣深左身右插。

途中冇換人,全程都係該位地中海司機,係蛇口過境。
快冇所謂,不過咁樣壓線仲要玩野就好過份,
而且黃金週時期廣深公路有好多車,咁樣左穿右插好危險,架車一定唔止115。
小弟落車時當面鬧左佢幾句,佢咁樣同玩四十幾條命有乜分別?
諗住去中旅社投訴,不過都唔知有冇用...

原帖由 joeli16 於 2009-5-5 11:07 發表
途中冇換人,全程都係該位地中海司機,係蛇口過境。
快冇所謂,不過咁樣壓線仲要玩野就好過份,
而且黃金週時期廣深公路有好多車,咁樣左穿右插好危險,架車一定唔止115。
小弟落車時當面鬧左佢幾句,佢咁樣同玩四十幾條命 ...

究竟呢間係中旅定環島？

原帖由 joeli16 於 2009-5-5 11:07 發表
途中冇換人,全程都係該位地中海司機,係蛇口過境。
快冇所謂,不過咁樣壓線仲要玩野就好過份,
而且黃金週時期廣深公路有好多車,咁樣左穿右插好危險,架車一定唔止115。
小弟落車時當面鬧左佢幾句,佢咁樣同玩四十幾條命 ...

中旅?

但講真丫...上大陸...大陸落返黎...座班車有邊個唔想快丫...不論客同司機la...

我試過座深華順碧線,都5,6年前...
我座"二老蘇"開下午1830,
有加班開1900係 Volvo B7R....
我未上跑道...係市區己經過左我1830 lu...

我部得90km/h 多少少...
B7R 110有多...

而家D 旅遊巴馬力咁大...根本踩120以上好少事...
座45-49人...上副410匹...1人有10匹咁...
有咩可能唔快,有咩唔可能1.5hrs由順德去到皇崗丫...

你座部8955咪叫安全感多D lor...

我座深華粵海D MAN...
下下爆標...怒推私家車...夜晚+毛毛雨係虎門,東莞照推人車+一cut三線+行路肩...

我覺得就係...快唔緊要,最緊要快得黎要夠狠,夠準...

好像6831兄的司機朋友的說法...

大陸人揸車手法就係大欺小,
你讓人冇人讓你ka...
你夠快出到火位就得了...

原帖由 =TSANG= 於 2009-5-5 12:31 發表

中旅?

但講真丫...上大陸...大陸落返黎...座班車有邊個唔想快丫...不論客同司機la...

我試過座深華順碧線,都5,6年前...
我座"二老蘇"開下午1830,
有加 ...

如果想快可以搭CRH,係貴左D,不過就又快又舒服。
佢渣得快冇問題,不過佢玩野點都唔可以接受,
男人老狗咁都忍唔住,仲出黎渣巴士害人?
搭得巴士既就預左時間,搭客唔會預計好似的士咁快,
根本唔需要咁狼死。

一路上我反而覺得最狼死係香港人同香港直通巴。

原帖由 cx838 於 2009-5-5 06:53 AM 發表
基本上很多中港司機，在香港段時，都是很慢，但在國內，都是很快的。
有沒有留意有沒有換司機？

因為很多時，巴士到皇崗便會換司機了。

上星期六，我從深圳灣口岸乘中港通某中通客車，往九龍站，
看見車速錶，除了有快相位，全程以時速13 ...

香港法例巴士最高車速是 70km/h﹐不過車無鎖﹐但多數都踩鬆d 去到80km/h。

相反﹐去到國內﹐差不多全是高速﹐而且可以合法去到/接近 100km/h。所以﹐好明顯便有快慢的分別。


而香港超速﹐分分中扣分﹐15分便要放大假。在國內﹐多數只是罰款。

香港捉快車地方多﹐國內少很多﹐而且位置非常固定。


你做司機﹐又想快﹐你都會評估邊到超速風險高低﹐從而決定開快定開慢啦。