(轉貼)11億高架路玩謝60萬人

其實起T4係非常有必要且需要盡快實行的.

而家大埔公路沙田段往T3方向嚴重擠塞, 一來係太少線入T3及上大埔道, 二來係大多車行大埔公路沙田段..
解決辦法有就係起T4, 以及盡快封閉蔚景園出口.

有留意有關路段就會知道, 自T3通車之後, 那個出口使用率真的下降了很多. 而且, 有很多車輛都因為該段路面經常擠塞而
改上沙田鄉事會路, 封左個出口, 其實並不會太大的加重沙田市中心的車流負荷. 反而有望令之更暢順, 因為內街的車流將會
單面流向, 有望解決沙田正街出唔到車攪到塞死既問題.

第二, 起左T4之後, 除了方便分流獅隧的車流外, 亦有望減低大學站一帶的車流..
要知道, 現時上城隧或T3, 由馬鞍山出發, 要到大學站轉個圈, 因而加劇了大埔公路沙田段的塞車問題.

第三, T4的建成, 會令大埔公路沙田段往大埔方向的車流問題得而解決..要知道現時下午繁時真係無啦啦會塞一大輪.
三線轉一線, 真係好大問題的..

景觀, 一早已經知會有影響的啦...唔該有關人士唔好再以一少撮人的利益, 而影響成個新界東交通網的發展

還有一點, 就係如果有D人真係咁唔想封蔚景園出口, 就更加應該俾T4落實興建. 因為一定會有為數不少的車流改行沙田路上T4轉返過去,
避開那個樽頸位的.

[ 本帖最後由 hkbw 於 2009-11-17 08:40 編輯 ]

原帖由 DIH 於 2009-11-16 21:36 發表

本來諗住係，後來，又係到即將封路之時，有人反對。
好似話係方便車輛進入蔚景園、沙田正街一帶。

又係既，入新城市廣場的車流極多，如果連去西面的車都要經東面入，塞硬。

T4講迫切性我真係唔知，不如promote西行想去青沙的車輛，
經獅子山隧道公路、紅梅谷路、迴旋處上青沙。（請狂插）

你想塞死大圍咩...
間低既野, 咪就係T4點解要盡快興建既原因LAW, 起T4, 分流大埔道沙田段的車流, 絕對有必要.

原帖由 石頭 於 2009-11-16 20:41 發表
T4公路完全無助解決大埔公路塞車的問題，

曾大屋那邊並沒有想像中塞車，

倒是青沙公路沙中入口成為了塞車的樽頸位之一．．．

第一句我係另一回文答左唔再講..
反而第二句, 你話曾大屋無想像中塞車?

朝朝塞車塞過曾大屋, 八時去到博康唔出奇, 咁都仲未叫塞? 唔係掛...

其實駛唔駛十幾樓咁高?矮少少可能冇咁反感
雖然唔係住沙田.不過T4 的定線其實真係幾礎眼,係獅子橋(有冇錯??)上起幹線,將原本好開揚的景觀一下子蓋左
其實可唔可以參考南韓的起路的方式,縱是要去其他幹線的天橋,會先係平面同原有的道路同一個水平平行一段,(但cut 唔到入去)之後先向上發展,會唔會好dd?

btw,起T4 的數據其實真係不足以支持,如果有其他有力的支持數據,我支持

ot 一講,蔚景園果個路口其實一早要改啦,縱是冇T3,成日都塞.其實可唔可以將個路口改為T4 的起點??

原帖由 FD_8592 於 2009-11-17 08:52 發表
其實駛唔駛十幾樓咁高?矮少少可能冇咁反感
雖然唔係住沙田.不過T4 的定線其實真係幾礎眼,係獅子橋(有冇錯??)上起幹線,將原本好開揚的景觀一下子蓋左
其實可唔可以參考南韓的起路的方式,縱是要去其他幹線的天橋,會先係平面同原有的道路同一個水平平行一段,(但cut 唔到入去)之後先向上發展,會唔會好dd?

btw,起T4 的數據其實真係不足以支持,如果有其他有力的支持數據,我支持

ot 一講,蔚景園果個路口其實一早要改啦,縱是冇T3,成日都塞.其實可唔可以將個路口改為T4 的起點??

葵涌高架路, 甚至而家T3起點既銅鑼灣村, 都已經係 '將原本好開揚的景觀一下子蓋左'

從經濟甚至整體運輸網的方向來講, 唔見得起T4有幾大問題..要咁高, 主要係沙田路個邊依山而建, 連接T3時要在較高點接駁, 加上要橫跨馬鐵, 所以最高點有十幾層樓高.

如果景觀真係咁重要, 馬鐵本來就唔應該起TIM...

原帖由 FD_8592 於 2009-11-17 08:52 發表

其實駛唔駛十幾樓咁高?矮少少可能冇咁反感
雖然唔係住沙田.不過T4 的定線其實真係幾礎眼,係獅子橋(有冇錯??)上起幹線,將原本好開揚的景觀一下子蓋左
其實可唔可以參考南韓的起路的方式,縱是要去其他幹線的天橋,會先 ...

講真，而家蔚景園0個邊好多都已經望緊 T3 堆天橋陣，所
以加多條 T4 對佢地0黎講，影響都唔算好大。

原帖由 hkbw 於 2009-11-17 11:21 發表

如果景觀真係咁重要, 馬鐵本來就唔應該起TIM...

最好笑0既就係竟然有人走出0黎，話 T4 會
令到佢地個屋苑樓價下跌。

如果真係影響到0既話，早係起 T3 o個陣已
經影響到啦......仲使等今日？

原帖由 nwfb1601 於 2009-11-17 15:43 發表

講真，而家蔚景園0個邊好多都已經望緊 T3 堆天橋陣，所
以加多條 T4 對佢地0黎講，影響都唔算好大。

影響最大應該係車公廟站的上蓋物業，T4起好之時直情係對到正，
講開又講，如果T4仲唔起，到時車公廟站上蓋物業起好晒兼入埋伙，你條T4想起就難，又多一堆反對聲音 ~

原帖由 nwfb1601 於 2009-11-17 15:53 發表

最好笑0既就係竟然有人走出0黎，話 T4 會
令到佢地個屋苑樓價下跌。

如果真係影響到0既話，早係起 T3 o個陣已
經影響到啦......仲使等今日？

咁翠擁華庭個班又點計先?
沙田某d區議員, 我個人來講真係好憎...好自私的...

T4影響得最大既係文化博物館, 就算係車公廟站上蓋都冇咁嚴重, 因為都有段距離, 再者, 隔音屏一定唔會少,
所以, 唔該個區既區議員收下聲.

大圍站屏風樓加8幹已經將成個大圍淹沒左啦, 依家仲想搞埋沙田?

起條8幹根本係浪費金錢, 都係為左昂船洲大橋呢個地標而整, 真係有咁多人由沙田去機場...好, 你話可以舒緩獅子山塞車...根本上最大問題係馬料水到馬場嘅吐露港公路, 同大埔公路沙田段呢兩個樽頸...整條8幹入口去大埔公路沙田段有乜用...