西鐵尾車趕收工? 有跟進報導

原帖由 Snoopy@FB8617 於 2009-12-6 14:38 發表
OT講
其實西鐵都好早收@@
拉後個服務時間其實都唔大問題
尋日係紅磡見到西鐵尾班返屯門
又唔係少人

星期六晚維港有活動慶祝東亞開幕,
放完煙花後(大約09:30PM後)特別多人搭東西鐵回家,
所以星期六晚西鐵破例,
平日晚上非繁時班次加密至4分鐘一班

5/12(六) 21:50左右攝於柯士甸站

4分鐘時段去到幾多點就唔清楚,
但果日4分鐘一班都一樣企滿人, 尖東站往紅磡方向都一樣,
車頭第一,二卡都成堆人湧入車,
不過東鐵本身果個時段都仲係有3分鐘班次往上水/羅湖,
所以無加車去應付人潮,
不過尾車時段的客量就應該同果日維港的活動無乜關係~

西鐵延長服務時間就一早俾港鐵BAN左,
話因為要同輕鐵服務時間掛勾, 所以不可行~

[ 本帖最後由 ES464470X 於 2009-12-7 02:31 編輯 ]

原帖由 homan0323 於 2009-12-6 15:31 發表
晚上十點後返屯門既班次加到5分鐘吾過份,雖然宜家班次因應需求稍為加密至6-8分鐘,車廂依然頗擠逼,延長尾班車時間長遠係需要,但首要係加密現時班次。昨晚搭11:30屯門站開出既西鐵,自己搭果班車準備開走時已見到下一班 ...

似乎星期六果日去到晚上11點,
紅磡站開出的西鐵都仲係KEEP住4分鐘一班喎
不過就算係平日星期五/六晚上非繁時,
九龍南綫通車前都已經有人話車廂好迫,
唔好得過而家好多, 果時因為一過晚上10點就係南昌站收車,
所以往屯門方向已經轉為8分鐘一班,
而家就因為車務運作上需要, D車去到屯門先返廠,
先令到紅磡站往屯門方向過左10點都仲係KEEP住6-7分一班
情況有如東鐵開左落馬洲支線,
以前本來應該去到晚上9點30分就開始出現8分鐘的班次,
其餘班次都要5-6分鐘,
但開左落馬洲支線, 21:33尖東站開出往落馬洲尾車後,
都仲要加開3班車去落馬洲接d返港客/職員走,
先令果段時間最密3分鐘開一班車
每3班先有一班最疏, 隔6分鐘~

[ 本帖最後由 ES464470X 於 2009-12-7 02:21 編輯 ]

原帖由 ES464470X 於 2009-12-7 12:43 AM 發表


星期六晚維港有活動慶祝東亞開幕,
放完煙花後(大約09:30PM後)特別多人搭東西鐵回家,
所以星期六晚西鐵破例,
平日晚上非繁時班次加密至4分鐘一班
http://img.photobucket.com/albums/v618/freeze456hk/20091205.j ...

如果tst 有大型節目﹐附近有封路﹐這樣都唔增加班次﹐這樣mtr 便好大問題﹐準備比人「丙」。

原帖由 238X 於 2009-12-6 11:08 PM 發表


我自己係兩條綫常客，我覺得唔計最夜嗰一兩個鐘，
西鐵綫係比東涌綫密好多。

其實西鐵綫八、九點仲係開 6 分鐘一班時，
東涌綫已經開緊 10 分鐘一班。

我明東涌綫假日唔開 8 分鐘原因，係想乘客可以預時間等車。
譬如我 ...

方便人預時間﹐不如加密班次﹐減少等車時間好過。

我試過由紅磡經南昌去青衣﹐在紅磡要等4-5分鐘車﹐去到南昌轉車時﹐見到大量人在東涌線月台出大堂﹐真係心都灰埋﹐追又追唔到﹐上到去真係要等成10分鐘

照計﹐8分鐘同10分鐘都是用相同的列車數目﹐分別只是在總站停留時間﹐停幾耐再開車。現時﹐在10分鐘時段﹐列車在總站入站後﹐最少停3分鐘以上的。

原帖由 238X 於 2009-12-6 23:08 發表
我明東涌綫假日唔開 8 分鐘原因，係想乘客可以預時間等車。
譬如我要去香港站搭東涌綫，去到灣仔站睇睇時間，已經知道
應唔應該改經金鐘、尖東。如果係 8 分鐘，真係預又唔係，
唔預又唔係。

呢個原因你自己作GA咋？
預時間？你隻錶唔同隻我隻錶個時間，我隻錶又唔同地鐵個時間，
MTR係咁想乘客預時間，就你呢個case，就唔該o係灣仔去金鐘果陣講定幾點有東涌線啦，
同埋o係各地鐵站張貼東涌線o既開出時間表，真正方便乘客預時間等車。
真係諗唔到任何理由"俾乘客預時間等車"會係一個東涌線疏車o既理由。


如果這是你自己作的理由，請註明，唔好以"我明東涌線… 係想…"這種間接手法令自己的幻想現實化。
如果這是事實，我願意收回以上說話，並向你致歉。

[ 本帖最後由 brian 於 2009-12-7 11:34 編輯 ]

冇既
只不過見到尾班係紅磡都差唔多坐滿
再延長開多一兩班相信客量上可能都冇問題

原帖由 brian 於 7/12/2009 11:32 發表

呢個原因你自己作GA咋？
預時間？你隻錶唔同隻我隻錶個時間，我隻錶又唔同地鐵個時間 ...

當然唔係作。嗰個預時間動作我已經行之有年。
你無咁做都唔好老屈人「幻想」。

我隻錶確實唔係地鐵時間，但搭多幾次自然知道幾時會開車。
（衰啲講句，時間表都係用地鐵個鐘啦）

總之我對東涌綫加班唔係 100% 贊成。
要加就加到 6 分鐘一班，8 真係好半桶水。

[ 本帖最後由 238X 於 2009-12-7 12:00 編輯 ]

原帖由 238X 於 2009-12-7 11:58 發表


當然唔係作。嗰個預時間動作我已經行之有年。
你無咁做都唔好老屈人「幻想」。

我隻錶確實唔係地鐵時間，但搭多幾次自然知道幾時會開車。
（衰啲講句，時間表都係用地鐵個鐘啦）

總之我對東涌綫加班唔係 100% 贊成。
要 ...

你點樣預時間係你個人的事情，
但你自己日日預時間唔代表地鐵編定10分鐘一班車o既理由係"想乘客可以預時間等車"，
請留意問題重點。

原帖由 ES464470X 於 2009-12-7 01:43 發表


九龍南綫通車前都已經有人話車廂好迫,
唔好得過而家好多, 果時因為一過晚上10點就係南昌站收車,
所以往屯門方向已經轉為8分鐘一班,
而家就因為車務運作上需要, D車去到屯門先返廠,

若果無記錯，南線通車前的西鐵，八點幾九點已經要 8 分鐘一班了。
而家 6.5 分鐘一班的時段延長到夜晚十點幾，我覺得相當滿意。

回應樓上有板友提議加班延尾車，我覺得咁，班次無人會嫌密，尾車亦無人會嫌遲，改善空間一定有，但我覺得以我呢個日日搭既乘客黎講，而家西鐵兩樣都可以接受。

[ 本帖最後由 ahbong 於 2009-12-7 12:25 編輯 ]

原帖由 brian 於 7/12/2009 12:16 發表

你點樣預時間係你個人的事情，
但你自己日日預時間唔代表地鐵編定10分鐘一班車o既理由係"想乘客可以預時間等車"，
請留意問題重點。

用「我明」做開頭，其實已經等於唔係官方答案。
我唔打算修改。