粗俗、粗言穢語或刻意跟粗言穢語相近之字詞(認真討論)

其實小弟有一個問題
到底個"尻"字ge正音係咩
係無線新聞報道員 報道某日本大臣時 將"尻"字讀為"溝"
到底佢個正音係"溝" 定係粗口平時果種"狗ge第一聲"

原帖由 回憶的呼喚 於 2010-2-18 06:11 PM 發表
其實小弟有一個問題
到底個"尻"字ge正音係咩
係無線新聞報道員 報道某日本大臣時 將"尻"字讀為"溝"
到底佢個正音係"溝" 定係粗口平時果種"狗ge第一聲" ...

"尻"字ge正音應該係 gau1

原帖由 ryanlee09 於 18/2/2010 18:33 發表


"尻"字ge正音應該係 gau1

我諗應該係 gɐu1... (中間個符號係倒轉 a 字)

原帖由 回憶的呼喚 於 2010-2-18 18:11 發表
其實小弟有一個問題
到底個"尻"字ge正音係咩
係無線新聞報道員 報道某日本大臣時 將"尻"字讀為"溝"
到底佢個正音係"溝" 定係粗口平時果種"狗ge第一聲" ...

以前阿SIR 教, "溝", "構", "購" 都係發gau 音.
對應返普通話, 呢幾個都係g 聲母.
只不過因為似粗口, 所以d 人異讀作kau..........

古代來說, 間中都會出現 "鳥人" 一詞.
根據黃錫凌字典, 其聲母係d, 呢個就真係粗口諧音字, 但而家冇人會用.
我諗可能同現在書面語中既 "他媽的" 一樣, 算係 "比較出得街" 既詞語 ---
如果一定要用書面語寫粗口的話.

至於個"撚" 字, "撚" 本身係 "捏",  "揉" 或者 "拿" 既意思,
"撚捏", "撚指間", "撚(拿) 手小菜" 等等都係同手既動作有關, 本身並不是粗口.

反之有興趣想知, 某電視劇中經常出現既 "撚化" 係咪屬於粗口???


ps 粗口只係好概括地形容到一些行為或情緒,
一個粗口字可能代表緊 "卑鄙", "倒霉", "氣憤", "蠻橫" 等等很多意思.
如果詞匯夠豐富既話, 罵人直接用那些詞匯, 意思準確, 又駛乜用粗口呢?

原帖由 av220 於 2010-2-18 20:03 發表


至於個"撚" 字, "撚" 本身係 "捏",  "揉" 或者 "拿" 既意思,
"撚捏", "撚指間", "撚(拿) 手小菜" 等等都係同手既動作有關, 本身並不是粗口.

粗口嗰個"撚"字,
正寫其實係"卵"字,係由古漢語遺留落來,
產生音變讀成而今嘅"撚".
海豐一帶鶴佬話仍然將男性性器官讀作"卵雀"

5個通用左幾十年的門字部廣東粗口字,
因為電腦的預設字庫冇收錄,
結果隨著互聯網和中文電腦打字的普及,
寫法通通變晒.

其實粗口不同俗語，粗口除左侮辱人之外，亦要同性/性器官/污穢物/有違倫理有關先算粗口。
「一門五傑」全是指男/女性器官或行房動作，「起勢」、「大鑊」都好似同行房/女性身體有關，不過唔記得詳情喇。
至於「頂你個肺」，據聞「肺」亦係性器官，一說是一門五傑中某一傑的諧音，一說是指「陰肺」，即陰蒂。
所以毓民同長毛經常強調「仆街」唔係粗口，正係因為咁。

講起「仆街」個仆字，曾經都有人討論過讀「父」定 "pok"。問題同之前版友講到「溝」等字讀音一樣，同中古漢語發音有密切關係。廣東話係由中古時期 (宋朝前) 中原流行的中古漢語演變而成，君不見唐詩押韻皆押廣東話多於押普通話，正是這原因。中古漢語幾個特式包括有入聲(普通話沒有了)，和沒齒擦音 (f)，故「仆」讀 pok 為古音，「父」為現代音，並無對錯之分。

正是.古漢語冇F音似乎其實係現在的潮州話呢d古漢粵語分支睇得到
好似個'肥"字,現在讀音係FEI (小弟唔太識拼音.所以用英文去代),
潮州話係讀近似PHEUR/PEUR
當然小弟唔係修語文,唔太能作準.只係屋企人有人係潮州人,知少少所以分享下