離島區議員要求改善東涌線

原帖由 kei_hk 於 2010-6-5 23:35 發表


事實係東涌線班次太疏﹐攪到無人敢客

別忘記東涌線其中一個功用是分流荃灣線過海的人流﹐8-10分鐘根本引唔起大家分流過去﹐因為唔轉車所花的時間﹐根本是相約﹐為何要轉車。

青衣人除非過海﹐否則要去青衣站再加等車﹐同一程 ...

其實好多人都係關注星期六/日東涌綫10分鐘一班太疏,
平日一至五日間非繁時一早已加密至8分鐘一班,
去大嶼山南部/迪士尼的遊客一定無週末週日咁多,
部分車站同車廂出現頂閘的機會極微

雖然有不少西鐵乘客會轉乘東涌綫,
但元朗區議會卻甚少關注東涌綫的班次問題,
一直以來也只是關注平日下午繁時西鐵班次不足,
星期五/六晚上22:30-尾車客量高而班次不足~

如果想引起更多人關注, 向當局施加壓力,
我諗都要聯合最少3個區議會, 召集東涌綫常客發起一次遊行先得

除左荃灣綫列車會因東涌綫班次問題而前後車載客不均外,
就連觀煻綫同西鐵都一樣會,
例如觀塘綫太子站往調景嶺方向,
撞正一班載滿東涌綫乘客的荃灣綫列車的話,
亦會導致往調景嶺列車爆滿
西鐵往屯門方向, 如果唔駛食東涌綫乘客(往東涌方向),
果班車起碼少左一截人(因為每隔10分鐘先有一大批人湧上西鐵月台)~

原帖由 ES464470X 於 6/6/2010 11:58 發表

雖然有不少西鐵乘客會轉乘東涌綫,
但元朗區議會卻甚少關注東涌綫的班次問題,
一直以來也只是關注平日下午繁時西鐵班次不足,
星期五/六晚上22:30-尾車客量高而班次不足~

因為大家都好清楚，要過海，除咗南昌轉東涌綫，
仲可以去尖東轉返荃灣綫、或者去紅磡轉隧巴。

我晚晚都喺尖東轉車，唔係因為東涌綫車疏，
(有得預時間來講，10 分鐘一班好過 8 分鐘一班)
而係因為尖東上車有位坐。

[ 本帖最後由 238X 於 2010-6-6 12:56 編輯 ]

原帖由 238X 於 2010-6-6 12:54 PM 發表


因為大家都好清楚，要過海，除咗南昌轉東涌綫，
仲可以去尖東轉返荃灣綫、或者去紅磡轉隧巴。

我晚晚都喺尖東轉車，唔係因為東涌綫車疏，
(有得預時間來講，10 分鐘一班好過 8 分鐘一班)
而係因為尖東上車有位坐。

對於最終都要坐西鐵的人來說﹐在尖東轉車可以講話係另一個選擇﹐大家各取所需。而且學你講﹐有位坐又車較密。

但有不少人唔係會轉西鐵的﹐默默地要接受這個不合理的非繁忙時間班次的 他們包括最遠的大嶼山的乘客﹐較為近市區的青衣乘客﹐在市區的大角咀西九龍乘客(奧運及九龍站)。這班乘客有居民﹐每天都要靠MTR 出入﹐也有遊人﹐每個假期靠MTR 出入探親遊玩。
東涌線不是客源不足﹐只是班次令人卻步而選擇其他方法。


與其用10分鐘去預算乘車﹐我倒不如班次加密一點﹐不用心中預時間﹐一時間行慢左都不用等太耐。

原帖由 kei_hk 於 2010-6-5 21:57 發表

前文已提及 (#9)﹐現時8分鐘一班車﹐提升到6分鐘一班車﹐用車量根本是一樣﹐只是停總站時間由4分鐘以上改成2分鐘便可做到6分鐘一班車﹐只是mtr 唔做車雖然是少﹐但不至於非繁忙時間唔夠車用﹐這是令人氣憤的。

唔係喎,以我理解~
TCL即是繁忙時間出齊車都仲有1抽做法定StandBy,再2抽多出

非繁忙時間....?大把車剩~
何來唔夠車用?

原帖由 kei_hk 於 2010-6-5 23:35 發表

事實係東涌線班次太疏﹐攪到無人敢客

別忘記東涌線其中一個功用是分流荃灣線過海的人流﹐8-10分鐘根本引唔起大家分流過去﹐因為唔轉車所花的時間﹐根本是相約﹐為何要轉車。

青衣人除非過海﹐否則要去青衣站再加等車﹐同一程巴士相同﹐又點會考慮mtr?

閣下的結論，到底是你的個人主觀的想法，還是有實際觀察得出的結論？

之前由10分鐘改為8分鐘一班，老實講我見唔到乘客量真係有咩起色。

到底係太疏搞到無人搭，還是無人搭搞到班次疏，真係有雞先定蛋先既問題喎，點講都係Ｏ岩。

原帖由 053h4 於 2010-6-7 01:08 發表
10分鐘變8分鐘, 每小時由6班變 7.5班

如果每班車乘客一樣, 客流巳經有明顯增長了

當中有很多因素，包括新景點的開幕、九龍站上蓋物業及商場開幕、西鐵綫延長、巴士加價及服務倒退等，全部都會導致乘客量上升。

因此，不能單單以此說明加班就等於乘客量會上升。事實上於西鐵綫上，亦發生過減班但乘客量不跌反升的現像，但不能單以班次間距去解釋。

[ 本帖最後由 ahbong 於 2010-6-7 01:15 編輯 ]

到底係特別多人集中於該時段搭車,自行認為等同西鐵客回流?如果照你咁講,西鐵該時段亦係多客至緊貼車門返元屯天,我又係咪可以講巴士客流失去西鐵?

講到客量流失,無嘜點見鐵路有哩個問題困擾,至少直到宜家的整體客量仲係穩步上升,反而巴士客量就逐年減少;不過巴士客量因鐵路出現明顯流失,甚或令成條線無左,班次大幅縮減既次數仲多。

[ 本帖最後由 homan0323 於 2010-6-7 10:08 編輯 ]

原帖由 93A_S3_6:30am 於 2010-6-6 10:53 PM 發表


唔係喎,以我理解~
TCL即是繁忙時間出齊車都仲有1抽做法定StandBy,再2抽多出

非繁忙時間....?大把車剩~
何來唔夠車用?

非繁忙時間收車嘛﹐唔肯出車﹐咪唔夠車去行囉。