愚問: 為何中巴當年引入的雙層冷氣巴士全部都是11米?

小弟都加多少少資料同個人意見
俾各位諗諗中巴買車時候0既諗法...
(注意:同中巴高層,包括已故0既顏老先生無關...)

(1)正如之前版友講過,批冷氣巴係為0左南區0既各位街坊而買0既
自1989年中巴大罷工之後,南區居民對中巴0既服務已經「絕了望」
而1993年城巴Network 26出現,同中巴南區系統「埋身肉搏」之後
中巴過往0既「大都城」政策都已經救唔番南區人0既心
故此,中巴一開始就先行晌南區線上面搞冷氣化
(CM1、CM2兄弟0既試驗成功之後0既事情0卦)
而一直都晌南區服務0既中巴,一早就已經知道南區路斜難行
所以對派12米巴士已經有0左介心...
(70/90之類就真係例外:直路往隧道,派大都城都已經足夠了)

事實上,城巴0既40號一開始就用12米大富豪(B10T)
唔行由自可,一行就知出問題
(結果,就係城巴要訂多80部11米豪去專門對付40號之類0既彎多路斜
而又客多收益大0既半山線囉)
反觀同期半山戰場0既23號...就真係講明0左11米巴士
晌呢種兩難路面上面0既實力...

(2)正當中巴要冷氣巴士之際,巴士製造商都仲晌「珍寶巴士」(10米以下)為標準
11米同12米只係「加長版」0既年代...
(同而家12米巴士為標準,短過12米0既巴士只係「改良自12米兄弟」0既場面相反)
而一向知道中巴買車「現兜兜」0既各位版友
如果知道巴士製造商0既丹尼士同富豪,要整一副12米0既底盤
係貴過11米「標準加長版」的話...
相信晌當日趕買新車打仗0既日子0黎講...買城巴未必會要0既11米巴士
可能比同城巴搶12米新車更「著數」
(當日城巴0既12米富豪,數以百計咁入貨...
中巴想入半部都未必輪到佢~)

(3)又係有版友講過:可調度性0既問題
港島為主要地盤0既巴士公司,一向都要面對之前講過中半山地區0既麻煩路面
(更加唔好講山頂道某條天橋,令各巴士公司需要買矮身巴士0既事啦)
如之前所言:買12米巴士去行23、40呢類山路彎多、斜坡又多0既路線
係會製造車長同其他路面使用者0既麻煩的話
咁批12米巴士(中巴大都城ML已經係好例子)只可以行過海線同北岸大流水系列
而唔可以派去行9號、260等等12米車唔夠地方轉彎0既路線
換句話:與其要前線車長搏老命去就部車(例:529 0既三叉戟),
不如一早買定批可以應付埋崎嶇山路0既冷氣巴士好過...
[事實上:新巴批14[11.3米]、16[10.6米]三叉戟,
晌2002年石澳流星雨觀賞「大會」一役之中
(好似係各位不約而同就一齊衝過去石澳去睇...0既場面咋喎~)
都係勉勉強強可以晌海灘附近0既停車場U-Turn返出筲箕灣...]
中巴深明12米巴士已經「過度地多」(84架ML,48架DL,其他0既禽獸級都有2、3部)
再要12米巴士的話,恐怕各大隧道線食唔晒批新巴士
(更何妨中巴仲有大量倫敦寶、長寶、佳牌亞拉伯等等...
長車要不了,短車一大籮:唯有中間長度0既11米巴士缺貨...)

再加埋中巴高層已經有「拒絕再玩」呢個專利權0既心態
買冷氣巴只係戰略上拖延0既權宜之計...
反正專利權終結之後,新0既營辦商(新巴)都會開始一次過大規模換新車
留個爛攤子報復一下運輸署班愛面子官僚,都唔想再Show off新車
[苦0既咪又係各位市民朋友囉~唉~]

另外,中巴部份0既冷氣巴士訂單
都係之前訂落0既熱狗巴士0既Quota改出0黎0既「半空調巴士」
(諗起就會諗到:批冷氣巴仲有氣窗0既理由呢?)
呢個亦都可能係政府當年施壓0既結果...
(情形同九巴30架熱狗富豪一樣...又係做俾運輸署官僚睇0既動作...)

總括講: 中巴當日如果真係有心同城巴、九巴「死過」0既,一早已經用現金攻勢
搶走城巴訂落未及俾錢0既12米巴士囉...(以顏老先生0既作風而言)
[而城巴就一車難求:結果交唔出專利權0既功課,而死得不明不白...]

小弟話太多了,敬請各位見諒

[ 本帖最後由 LNChickenRice 於 2010-7-3 23:35 編輯 ]

ML難聽講句「好睇唔好(駕)」
據師傅講 呢批0野轉彎比DL/其他禽獸都要麻煩得多(唔夠車太)

當年開幾條5xx 開宗明義「豪華巴士服務」
梗係用冷氣巴士啦 (當年0黎講 有冷氣仲唔「豪華」？)
結果咪就係連車費都「豪華」過人囉

用番當年中巴經營0既路線0黎講 假如要一口氣換晒冷氣巴士的話
仍然以十一米為不二之選
主要原因係當時唔少道路0既環境都未至於適合十二米車
學樓上話齋全部掟晒去過海線就仲或者得(當然某幾條例外啦...)

當年仲未有水塘車呢樣野，而11米車同12米車載客量相差無幾，咁不同全部買11米方便調動仲好。11米車可以上半山，又可以入淺水灣同赤柱，更可以去埋石澳，12米車絕無可能。

原帖由 PB602 於 2010-7-4 00:35 發表
當年仲未有水塘車呢樣野，而11米車同12米車載客量相差無幾，咁不同全部買11米方便調動仲好。11米車可以上半山，又可以入淺水灣同赤柱，更可以去埋石澳，12米車絕無可能。 ...

冷氣車就真係未有既
但當年既熱車，有部份係除左輪拱企唔到人先裝位，其他一律企位 (Eg: ML/DL)

當年既空調分體式設計根本唔容許有水塘

原帖由 LNChickenRice 於 2010-7-3 23:19 發表
小弟都加多少少資料同個人意見
俾各位諗諗中巴買車時候0既諗法...
(注意:同中巴高層,包括已故0既顏老先生無關...)

(1)正如之前版友講過,批冷氣巴係為0左南區0既各位街坊而買0既
自1989年中巴大罷工之後,南區居民對 ...

中巴派車一向大膽，當時105同113中巴都派12米，但九巴話試車行唔到，105要行11米，113要行10米。不過即使中巴幾大膽都好，都唔敢派DL行23號，要特登買批DM行。城巴竟然敢派12米行40，認真大膽。

原帖由 PB602 於 2010-7-4 23:02 發表
中巴派車一向大膽，當時105同113中巴都派12米，但九巴話試車行唔到，105要行11米，113要行10米。不過即使中巴幾大膽都好，都唔敢派DL行23號，要特登買批DM行。城巴竟然敢派12米行40，認真大膽。 ...

113九巴派BL/ADS的時候,
中巴乜唔係仲行緊珍寶咋咩?

原帖由 bustop 於 2010-7-5 00:16 發表


113九巴派BL/ADS的時候,
中巴乜唔係仲行緊珍寶咋咩?

當年113主力係 FLEETLINE無錯，不過繁忙時間都有為數不少既 MCW SUPER METRO 打仗車加入戰團。