筲箕灣太古一帶需要特快過海嗎?

我尋晚墊高床板諗過 部份人經常堅決強調所謂110唔可以放棄既尖咀客 呢班客既數目到底係咪誇張到荃灣線都塞唔落 而且呢個世界係咪得荃灣線可以用?

110 響九龍站+佐匯一帶 有九龍站 根本作用只係擺
       去到海港城/中港碼頭 行10分鐘就已經到尖碼 一程船到灣仔 甚麼18/18P/2A/722 幾條路線做聯合班次 有快亦有慢 15分鐘出到炮台山/北角亦非難事 加埋亦只係30分鐘左右 撫心自問 坐110要等幾耐?
      跟住到新世界中心/漆咸道南 大大個尖東站響旁邊 有空調隧道直抵尖咀地鐵站 又係10分鐘步程

好 有人話D客嫌貴、唔願行等等 我想講 特快係generate一批新客出黎 呢度有幾多潛力相信心中有數 至少唔會好似110而家咁 全程數埋30個客都未必有 繁時有時都係執人車尾 固定客比例真係有限 小弟日日響尖咀都有觀察過 就算繁時102/106班次再密 如果無中途起載 多數都無位坐 但110呢? 繁時一樣窗口位任揀

有人唔肯壯士斷臂 或者佢地本身係既得利益者 但尖咀去北角炮台山 而家轉一次車仲快過110 點解仲要死撐住條全日線 放D quota 出黎轉全日也好 大改110也好 試下先囉 而家到底有無筲箕灣至九龍西區特快線先? 有無需求先?

我本身係撐拆線 本身內心深處我覺得要平衡各方利益 就好似有人狂反熱狗 我一樣出聲 每樣野都有佢既價值 拆線 車響110拎 110減班 就算每邊拎一半車出黎 6架車行102特快版 加幾架攝車 我諗都只係岩岩好夠 而110本身既咩固定客 都可以保住 理論上對大家都係最好

前排唔係話搞102P回程既咩? 搞得成既話 大可以依照呢條路擴大 車響邊度抽仲可以傾 係唔係110都係次要 但有人話要將110改特快 就一定要壯士斷臂 你諗下要照顧舊客 又要搞特快 就等於人有三隻手 難道多手就叫好?

你講得好岩，根本好多人只會諗西灣河/太古城上東廊
完全忘記北角炮台山、太古坊返工放工同景隆街既一大客倉

而且如果只有筲箕灣耀東太古城開得成特快過海線，
咁康怡、太古坊、健康村點算？唔理佢地？要佢地行哂成條英皇道？
再搞110實搞到成個東區都冇車去尖沙咀，當102/106脫班揾邊個清客？

110擺得尖沙咀佐敦，就係唔想同102/106重疊
成日話九龍區範圍細，咁有冇諗過距離愈短，回車速度可以快d
如果再延長再塞一塞，一個鐘一班都唔係冇可能

原帖由 106116_1023 於 18/7/2010 10:39 發表

成日話九龍區範圍細，咁有冇諗過距離愈短，回車速度可以快d
如果再延長再塞一塞，一個鐘一班都唔係冇可能

以尖沙咀個交通狀況同埋 110 定線，
我極之懷疑佢回車速度會唔會快得過 102。

原帖由 238X 於 2010-7-18 10:48 發表
以尖沙咀個交通狀況同埋 110 定線，
我極之懷疑佢回車速度會唔會快得過 102。

你既懷疑我明白的，所以我先至唔希望經尖佐再延長
否則好大機會(回車速度)比102更慢

可能我之前講得唔清楚，唔好意思...

原帖由 106116_1023 於 2010-7-18 10:39 發表
你講得好岩，根本好多人只會諗西灣河/太古城上東廊
完全忘記北角炮台山、太古坊返工放工同景隆街既一大客倉

而且如果只有筲箕灣耀東太古城開得成特快過海線，
咁康怡、太古坊、健康村點算？唔理佢地？要佢地行哂成條英皇道？
...

所以我當初建議的110是從健康村上東廊的,至於炮台山和景隆街,由於本身有102和106,因此110只屬副車,試問巴士公司願意維持一條嚴重虧蝕的副車線嗎?
當然,大家建議將102P改兩味,或者是102拆線,個人認為是更合適,可是現時102和106的車數和客量根本難以拆線(106還有一點拆線空間,102我真的看不到),
而102P改兩味本身雖可方便北角放工的乘客(有很多北角人逼地鐵返九龍既原因,就係因為景隆街同維園兩個站可以塞你半個鐘甚至一個鐘),不過開出時間又是
一個問題,至於為何早上102P不頂閘?相信是和東廊早上塞車有關.拉110上東廊並同時設有和112的轉乘,除了可以不影響主線102和106之服務以外,又可以為則魚涌至筲箕灣一段有全日特快過海線而且可以避到興發街和告士打道嚴重塞車的地帶.現時筲箕灣和太古城乘客不選搭過海巴士,絕大部分都是因為興發街和景
隆街兩個站實在令人感到煩惱,單是經這兩個站的行車時間已經比太古城至天后一段英皇道為多,而且基本上全日都塞車.因此,他們唯有選擇嚴重擠逼的港鐵
過海.至於北角至銅鑼灣一段,算啦,逼都唔逼得好耐,總比筲箕灣逼返九龍的時間和辛苦度短.老實說,現時110的客量,就算是繁時也是偏少,連一架雙層都坐唔滿,
而且只是一條幫102和106清客的路線,既然行英皇道和銅鑼灣只是二奶身份,而筲箕灣至則魚涌一段搵條全日特快過海線都沒有(但係去中環反而有條722),
我不相信110拉上東廊後的營業額會比現時差.至於北角一段,我已強調可以用112<>110轉乘解決問題,而112本身班次十分頻密.

另外,有人說當102和106脫班時,110就發揮到作用.在此我想問問,當102,106脫班時,110不會同時脫班嗎? 大家都是行銅記,行紅隧,行興發街,大家認為110能
獨善其身嗎? 如果102和106真的脫班,乘客很自然會步行去搭港鐵,難道明知脫班仲去死等咩? 最近我有巴迷朋友在景隆街等了50分鐘才有110去圓方睇戲,
我不認為110發揮到執二攤的作用.可是,如果110改特快,還有坐正既機會,雖然不會因此而客量大增,不過總會吸引一些想避開興發街而又要過海的乘客有一個
不錯的選擇.

也許我用下列既估計去研究110改行東廊的可行性:
1) 現時110:
早上往九龍站: 4成滿
早上往筲箕灣: 冇客
下午往筲箕灣: 單層頂閘,雙層半滿
下午往九龍: 單層頂閘,雙層4成滿
其他時間: 少則一個單不夠10人,多則單層頂閘(下午4點幾返九龍站方向)
用車: 全日12架
行車時間: 90分鐘
脫班機會: 任何時間都有可能,而且隨時塞超過15分鐘

建議改動後的110:
早上往九龍站: 6-8成滿,我估計和722差不多,因為早上東廊塞車
早上往筲箕灣: 雙層坐滿,因為紅隧去太古坊返工的乘客十分多
下午往筲箕灣: 雙層最少坐滿(因為乘客會棄乘港鐵改搭110,以沙田放工返東區既客最多)
下午往九龍: 要視乎太古坊收工時間,估計半滿
其他時間: 少則一個單不夠10人,多則半滿(以現時722去作估計)
用車: 繁時12架,非繁時10架
行車時間: 75分鐘
脫班機會: 紅隧口和早上東廊會堵車,以及尖沙咀一帶,但總比未改動的110脫班機會少.
另外,繁時可以再開加班車由紅隧口往筲箕灣.

原帖由 LP1200 於 2010-7-17 18:10 發表
要改102唔該拉埋112,118落水
最好就系102,112 2拆3
110繼續做輔助啦..

102,112
2拆3我覺得暫時係唯一方法
我的初部建議如下

102X 美孚 <-> 筲箕灣
美孚 > (原有路線) > 紅隧 > 東廊 > (跟722) > 渣華道 > 英皇道 > (原有路線) > 筲箕灣
筲箕灣 > (原有路線) > 英皇道(健康邨) > 東廊 > (原有路線) > 紅隧 > (原有路線) > 美孚

102 美孚 <-> 北角
美孚 > (原有路線) > 北角
北角 > (原有路線) > 美孚

112 蘇屋 <-> 天后
蘇屋 > (原有路線) > 天后
天后 > (原有路線) >蘇屋

原帖由 siupy 於 2010-7-18 12:44 發表



102,112
2拆3我覺得暫時係唯一方法
我的初部建議如下

102X 美孚  筲箕灣
美孚 > (原有路線) > 紅隧 > 東廊 > (跟722) > 渣華道 > 英皇道 > (原有路線) > 筲箕灣
筲箕灣 > (原有路線) > 英皇道(健康邨) > 東廊 > ...

咁樣就非常好，但係天后無位又係一個問題

請將 15B 踢去威非路道解決問題

原帖由 天空之神 於 2010-7-18 13:07 發表
請將 15B 踢去威非路道解決問題

下，15B只係做假日，踢佢過去無乜用架喎，968、307P繁時咁多車擺咗喺天后，就算踢走15B個牌，112自己本身咁多車，天后都仲係得好少位俾112架喎

假循環線黎既 , 巴士總站比個車長停架車就好
反而如果放街趕走哂 d 車仲大鑊

不過如果入銅鑼灣道泊街當總站都可以