車長忘記調校分段 引致乘客俾多錢

咁睇啦，如果知道而自己未中招，我會打手勢提車長較左
八達通機先再去拍卡，費事一開聲車上其他中招乘客聽到
之後車長有排煩。

如果自己中左招，就睇下差額有幾大，如果大的話就真係
會同車長講返，我 N 年前試過響廣福上左 DY9071 行 70
去上水，明明響樟樹灘已經係分段 $3.9，部車黎到個牌出
$3.9 但八達通仲係收 $6.7，結果中招，個車長諗住等多幾
個站等個入散紙客俾返三蚊我，最後竟然過埋太和都仲未
有人用散紙搭車，個車長響自己荷包拎三蚊俾返我。

又聽到有站友認為乘客對收多車資有責任，我就覺得有時
特別係九巴轉左個顯示牌但八達通未轉就相當搵笨，乘客
上車過程咁快邊有咁得閒驗證咁多樣野，仲有唔係個個熟
果條線邊度轉分段，真係俾人搵左老襯都唔知。

原帖由 alipms265 於 2010-8-6 12:26 PM 發表
試過一次搭46x係美孚返大圍   一拍卡落去只係收$5   原來係司機唔記得set 返好方向搞到咁

多年前我試過用$3.7 折拆合現時車費)由旺角(非總站)坐44p回青衣﹐我肯定八仔機的方向是無set 錯的

也試過用$3.70(折合現時車費)由青衣坐41a去尖沙咀 這次我肯定係set 錯方向﹐行完上一轉無轉方向。

其實九巴有報站提司機已經算係o甘，如果唔係仲多人中招
如果司機唔報站真係無得好講

車長係有責任確保八達通收費係正確
不過機器總會有出錯的時候

所以, 無論搭巴士/小巴
有時上車拍card前,
做乘客的, 不妨真係用2-3秒睇睇個價錢有無錯~
有問題, 開聲問問
總好過事後為左一角幾毫三元幾蚊,
事後又要打電話去cs, 對資料, 仲要收到張支票又要去銀行
真係幾浪費時間

我淨係試過俾小同埋睇住人地俾多

先講俾少 , 有好幾次搭 25A / C 喺寶馬山上車仲係 $3.7 xD

而有次搭某過海線往南區方向 , 去到香隧佢唔記得轉做 $4.9
咁啱嗰陣又落緊大雨 , 有人見車就上 , 不過照俾貴價
我喺佢開車之後之細細聲同佢講 , 佢話通常唔搭開就唔會睇價錢
P.s. 當時站車頭中

我都試過搭606由耀東去小西灣比左$9.8
不過我算...個D差額咪當買個教訓,
記住自己要睇左八仔收費器...

試過有朝在荃景圍天橋上 66 出九龍, 理應只收 $3.7, 但我第一個上車時見係 $7.1,
即刻話比車長聽, 佢都即時嘗試更正, 而我就比身後面果 D 比散紙既熟客行先, 點
知有個客一野拍落去,叫都叫唔切. 佢拍完先知中招, 即刻話"扣多左我錢, 我聽日可唔
可以唔比錢?", 車長不置可否.

最估唔到既係第二日同一班車, 個客上車真係話比車長(唔係出事果日果個)聽: "噚日
扣多左我錢, 我今日唔比喇."個車長無出到聲就比佢上車.

咁個位乘客唔係應該入番三毫子咩!

小弟見響樓上的案例，有d車長扮唔知
或者係見無人嘈就算數
有責任心的車長就會主動賠番錢
但係如果有d乘客嘈
車長自己出錢賠，會唔會係最好既方法呢?
如果乘客向巴士公司投訴，會唔會對位車長有影響，或者係被記錄呢?

原帖由 JX9097 於 2010-8-6 10:09 發表
小弟早幾年試過喺灣仔消防局上619(城巴,九龍方向)
(小弟一家於隊中間)
一上車,見到八仔已經知出事,因為司機唔記得較分段
跟住問司機:咦,灣仔唔係有分段咩?!
司機居然死撐話冇!!!

小弟一定唯有拍卡(因為小弟又 ...

呢個情況我都遇過
話說0係張振興伉儷書院搭8P去小西灣只係3.4(加價前)
但係上車見仲係4.1(加價前)就問師傅「唔係有分段咩？」
師傅死口話「無，要下個站(宏德居)先有」(師傅記0左未離開「晒」東廊都要收4.1)
跟住0係富欣花園落車望乳豬紙，真係自己0岩
不過我就無特別向新巴投訴 (心諗一次半次無謂計較)

另一個情況就好常發生 就係38/42過0左田灣去到香港仔唔記得轉分段
過過好多次 絕大多數係我前面0既人中晒招，我就一見唔妥即刻企0係度等師傅轉分段再拍卡
不過自己都有好幾次衰心急中招

試過一次係總站搭城記既619去北角
比5.7過海