(無人提?) 港鐵明秋局部停駛52小時

原帖由 timewater 於 2010-10-11 01:02 發表

港鐵好鍾意臨到尾先(一個星期至一個月不等)公佈要影響乘客既措施, 例如加價, cut 優惠, 開站
如果一星期前公佈, 我諗好多人都唔知會封站, 會鬧港鐵安不失當

如果早一年知, 起碼大家會知道有封站既可能
或者早一年知道會封站, 而好多人都反對封站, 咁港鐵可以及早收集民意, 睇下點改
我真係唔明市民早d 知道有可能封站, 會有咩壞處

如果... 如果... 或者.... 其實咁多假設，先推到港鐵要一年前公怖既結論出黎，咁假設又是否成立呢？

斜體字：原來無咩壞處就要做，呢個又係咩邏輯？

原帖由 h2o 於 2010-10-11 01:13 發表

點解 "乘客最終應該知" 呢? 中途又唔可以知呢? 尤其是以呢件事的性質影響可能數萬名乘客, 決策期間被公眾知道左鐵路公司會有乜商業損失呢? 我同意鐵路公司今次係被洩露一些內部資料, 可以話一不離二, 可能再有下次都唔定, 但呢D可以真係話係佢內政. 以公眾利益出發, 其實冇乜損失.

我真係投晒降啦，原來「對鐵路公司無商業損失」就等於要未決定就公怖。

縱合兩位板友所講，原來港鐵應該公怖尚未定案的內容，原因係「無咩壞處」同埋「無咩損失」，咁就真係濕濕碎啦。

[ 本帖最後由 ahbong 於 2010-10-11 01:31 編輯 ]

原帖由 ahbong 於 2010-10-11 01:23 發表
如果... 如果... 或者.... 其實咁多假設，先推到港鐵要一年前公怖既結論出黎，咁假設又是否成立呢？

斜體字：原來無咩壞處就要做，呢個又係咩邏輯？


...

好老實講, 我真係好相信未到最差程況佢地都唔想停駛, 如果對社會/金融有咩影響, 最後最害都係港鐵
車費收入又係一個問題

如果講話早D公佈, 一個有公共服務既人都知, 如果有咩服務調整, 都一定係想遲D知
早一年知又如何, 可以點?  當然唔係早一日先公怖, BUT 早一兩個WEEK 係好REASONABLE, 最好就係公布前早多D與同行合作下, 睇睇有咩方案,
再同市民解釋
如終如果太早公布, 你一句佢一句, 最後都係無意義地將件事攪大, 事實都係改不了

為甚麼上環站掉頭路軌要停駛52小時？
據國外建造經驗，原有轉撒器及路軌要拆卸，未鋪新線路軌的一段，就要做道床澆注。
由於道床澆注所用的混凝土，要花一段時間凝固，才能打磨和安裝扣件，之後就安裝路軌，
最後就是量度軌距，及打磨路軌。

大家可參考台北市捷運局的技術半年刊：
http://www2.dorts.gov.tw/tech/techjour/tcj41/捷運技術第41期 .htm

原帖由 UCR683 於 11/10/2010 12:19 發表
為甚麼上環站掉頭路軌要停駛52小時？

睇怕佢唔係無間斷咁做 (工人返、放工；無分組輪更)，
所以要停星期六、日吧
(斷估係某星期六凌晨 1 點至之後星期一的清晨 5 點)

原帖由 |_arco 於 2010-10-11 03:47 PM 發表

如果係咁平日換路軌未死人？
混凝土要大約成個月先至係完全乾好嫁

根據之前留傳的圖﹐是把原有的轉軌組件改用另一組新的轉軌組件﹐2套組件不同之處是轉軌的角度不同﹐這是直接影響列車通過的車速的。

由於分拆出來的路軌角度是不同﹐因此連同路軌的基座都要重新做過﹐而工序最耐的便是等路基的石屎完全乾透。

部份位可以預先便定﹐但某一些位要先拆除原有的路軌才能落石屎的﹐這便要等待一個長時間了。



以前﹐前地鐵都有為舊有路線的路基加闊﹐以增加路軌的承託力。工程都要拆除舊的路基﹐重整鋼根﹐再落石屎﹐而石屎模都要隔日才拆除﹐而且每一次都是做一個短距離路基﹐而且每一節都會相隔一個長距離﹐以免因石屎未乾影響整體的承託力﹐前前後後都用了幾年才可完成大部份的路基。

原帖由 timewater 於 2010-10-11 01:02 發表


港鐵好鍾意臨到尾先(一個星期至一個月不等)公佈要影響乘客既措施, 例如加價, cut 優惠, 開站
如果一星期前公佈, 我諗好多人都唔知會封站, 會鬧港鐵安不失當

如果早一年知, 起碼大家會知道有封站既可能
或者早一年 ...

公布可能差唔多實行先通知所有人，太早通知邊有人記得。
但係落實左計劃一定會同區議會開會報告相關方案，修改微調方案後先正式公布，
整個過程時間肯定唔止一個月。

可能有d版友：
自己覺得全香港大部分市民覺得一年後可能停駛上環至金鐘段會猶如世界末日，
所以到而家佢都係覺得去轉貼條link係好岩，仲以為係英雄既所為囉。

註：以上唔同顏色代表不同phrase，孰真孰假，就由各版友決定啦。

其實而家十劃都未有一撇，係咪真係停駛而家根本無人100%肯定，
更加唔係因為一年前發覺有條link入面話「停駛52小時」而要利用群眾壓力黎逼MTR唔停駛。

係，當呢段屬於心臟地帶既一段停駛52小時係會搞到好唔方便，
但係唔該，香港仲有巴士，仲有小巴，有的士有電車，甚至行都仲得，
MTR更加話如果停駛會有免費接駁巴士，
我相信決定要停駛之前MTR一定會plan好哂果52小時 (唔係直落) 入面，究竟會有咩措施，
而唔駛好似某版友咁覺得，停駛 = 天塌下來。

仲有，唔好唔記得，
而家係港島線上環至金鐘段可能停駛 （唔該留意係港島線），
荃灣線金鐘至中環一段無話過停架，無話過封站架，
唔該唔好加完鹽加完醋，再係度製造恐慌啦.

如樓上所說，荃灣線都不用停，那只不過是上環站一個站沒有服務而已...
說真的，如果港鐵利用長假期(如：復活節)去做工程，52小時停駛又對香港的經濟會有什麼大影響？

這樣的角度來說，港鐵每星期都有35小時停駛...
(除了東鐵綫及馬鞍山綫，各綫每日服務時間19小時..該兩綫19.5小時，數字來自每季的港鐵縱橫)


其實最重要都係上環至中環段..
因為中環、金鐘都有荃灣綫，你轉接駁巴士又係要落車(甚至要出站上番路面)，轉荃灣綫都係上落一層je..

但會否有上環站特快前往灣仔站或甚至港島東的車站的接駁..因為屆時金鐘同中環站都會好忙..無謂駁上環至中環咁鬼死「孤寒」..