巴士轉向能力一問

原帖由 GA6072 於 2010-11-30 20:33 發表


其實上一代既11米既AS同12米大白龍一樣,唔夠軚
有D地方直情係12米大白豪過到但11米既AS過唔到
所以,咁多年11米AS係極少行93K

無錯，當年3系車係 engine 夠力
軚尺放得勁應該要數4系打後

同埋如果係雙軸轉向的 Scania 噸車，堂軚係會無單軸轉向咁好扭。

原帖由 yyy5138 於 2010-11-29 21:36 發表
3AV有中軸輔助轉向...
應該好過3AD...

中軸隨扭軚擺動只是減少中軸車軚磨損
轉向無幫助之餘反而會相對較差
因為中軸擺動後, 後半車身對比起前半已扭軚的幅度小了

我反而想知...個個老前輩都話珍寶極重軚,
咁同各式牛類,紅蕃頭比又如何?

原帖由 KC6831 於 2010-11-30 19:49 發表


應該連 2E 都無得用 12 米白板 , 61x 都好似係 ...

前年坐過一次3AV行61X

大家成日講D車轉向能力既問題都集中向堂軑到,
其實仲有一樣野係有好大關係:就係頭尾跨同軸距
如果頭尾跨長、軸距短既話,即使個軑冇其他類形既車扭咁多,轉向一樣會好好
所以我一直認為3N向處理一D較窄既直角彎都會比3BL好,因為3N既尾跨長,令到佢既軸距較短,過彎需要既位置會較細
另外,部車堂軑重唔重我都覺得有D關係,因為當部車過緊彎既時候,向一個咁慢既速度要做回軑修正既時候,軑輕會較易做出更準確既修正,當然呢個影響性唔係太大

仲有一點就係部車入彎既車速、角度同埋轉向既時間都好有關係,所以即使同一部車同一個司機同一個彎位同一日裡面都好可能會出現唔同既情況,一轉車過到,下一轉過唔到要入後波
當然啦,通常呢D司機已經行慣行熟,所以已經非常清楚向邊到收油,邊到放BRAKE,邊到俾油,邊到開始扭軑,邊到要扭盡,邊到要開始回軑,邊到要再補多一下軑已經知道得一清二楚,所以大家先唔會見到咁既情況


最後想講一點,可能大家會覺得用一首軑扭哂唔駛入後波好,向以前黎講會幾岩,因為始終咁大部車,好難睇得清後面既情況,但現在好多車向車尾都已經裝有鏡頭,倒後已經唔再好似以前咁係一件難事,而車長向扭軑慢速調頭既時候要兼顧既野亦都唔少,我上面都有講啦,好多野都要控制準確先完成到,所以我唔排除有D司機會寧願選擇入一次後波都唔選擇一手軑

3AD應該好過3N少少.......因為3AD有2.5圈軑 , 3N只有2圈到

另外唔知洪元路個U-TURN位 , 3AD同3N可唔可以一次過轉完呢?

原帖由 KV6245-3ASV484 於 2010-12-2 03:10 PM 發表
3AD應該好過3N少少.......因為3AD有2.5圈軑 , 3N只有2圈到

另外唔知洪元路個U-TURN位 , 3AD同3N可唔可以一次過轉完呢?

司機位的呔盤可轉幾多個圈﹐同部車最終的轉向能力﹐係可以無關係的。

因為呔盤同前輪轉向的比較﹐是有得調校的。

例如在相同車速下﹐同一部車可以轉一圈頭輪轉30度﹐也可以調校到轉40度的。

在不同的車款﹐這個比率都是不同的。

原帖由 KV6245-3ASV484 於 2010-12-1 23:10 發表
3AD應該好過3N少少.......因為3AD有2.5圈軑 , 3N只有2圈到

另外唔知洪元路個U-TURN位 , 3AD同3N可唔可以一次過轉完呢?

3AD同3N從名稱上會覺得3AD只係3N既冷氣版,
但其實兩款車既頭尾跨都唔同,基本上佢地向轉向上已經有好大既分別,唔應該只係以個軑可以扭幾多個圈而再出比較

原帖由 AV385 於 2010-12-3 09:32 發表

3AD同3N從名稱上會覺得3AD只係3N既冷氣版,
但其實兩款車既頭尾跨都唔同,基本上佢地向轉向上已經有好大既分別,唔應該只係以個軑可以扭幾多個圈而再出比較 ...

3N頭短尾長 , 但3AD就頭尾一樣咁長 , 有可能會係3N轉向好過3AD少少掛