有關港鐵東涌線服務質素的提問 (離島區議會)

原帖由 kei_hk 於 2010-12-28 22:37 發表


又有無留意荔景至香港一段的客量?


如果有方法在荔景/南昌掉頭(即列車只來住東涌至荔景/南昌)﹐我估一定有效處理到周未周日東涌線的問題﹐而且MTR也很樂意用這一個局部加班去處理乘客需求。 ...

青衣站假日可以多客到可以4分鐘一班車而塞滿一抽車?

原帖由 rickywk 於 2010-12-28 10:52 PM 發表

青衣站假日可以多客到可以4分鐘一班車而塞滿一抽車?

係東涌及欣澳上爆了﹐青衣客難以上車﹐但是去到荔景又一堆人去晒荃灣線
荔景過後﹐隨時出現每一卡便只有十多廿人需要企

所以﹐現時要處理這個問題﹐只可全線加班。

而前文提及 「如果有方法在荔景/南昌掉頭(即列車只來住東涌至荔景/南昌)」﹐正正是因為此問題而講的﹐不過現實係無可能發生。香港方向只有去到九龍站有可掉頭﹐但去得九龍站﹐都唔差在去埋香港站。

[ 本帖最後由 kei_hk 於 2010-12-28 23:19 編輯 ]

原帖由 herman15hk 於 2010-12-28 10:47 PM 發表

既然你都話青衣客上唔到,咁就非繁時東涌青衣1+1

除非你話要東涌出來人人有位坐

當然你唔可以無視青馬橋係主要樽頸位問題wor

日間係大量人入大嶼山﹐令到迫滿部車﹐不少人是在香港出發的﹐青衣過後連同企位是一半列車的容量。
晚間係大量人由大嶼山出市區﹐青衣每班車會有約十位乘客會上唔到車﹐但車上多數人會在荔景轉車。

青衣車只幫到少部份﹐但假日主要客量是大嶼山的2個車站﹐特車係無助處理此問題的。(其實青衣客在此時段﹐係唔夠支持繁忙時間梅花間竹的特車)


至於青馬橋問題﹐都是一個共用路段﹐前文己引出立法會文件﹐以現時的班次﹐即使加密都唔會去到設計上的上限。

[ 本帖最後由 kei_hk 於 2010-12-28 23:15 編輯 ]

原帖由 mmlcs36 於 2010-12-29 01:22 發表


問題係加東涌線唔加機快
等於循環模式改變

立法會果D文件就會變成冇用

除左主要青馬/馬灣/汲水門,西隧之外,青荔橋,奧運-荔景,連入東涌條隧道 都有不同的Train Rule
全條線都係有train rule

睇返資料,headway 135秒的路段只係香港-青衣
青衣-機場headway係270秒

原帖由 mmlcs36 於 2010-12-29 12:22 AM 發表


問題係加東涌線唔加機快
等於循環模式改變

立法會果D文件就會變成冇用

那份文份是講出最高的列車班次﹐當然要有足夠的車去運作。

現時都沒有足夠的車﹐所以無可能行到最高的班次。


2線的班次除了在共用路段要作出配合外﹐令到在共用路段之前的車站要有配合外 (即香港站開車﹐九龍站去香港﹐青衣去大嶼山﹐欣澳站2個方向 及 東涌線/機鐵大嶼山的分割位)﹐班次是可以獨立的。

當然﹐我沒有否認過一線要加班﹐另一線的時間表不用更改。所以其中一線要加班﹐另一線或多或少都會受影響﹐當中可能係個別車站要等候開車﹐個別路段要慢車保持安全距離。
如何去調整兩線列車使用配合使用合用路段﹐前文我也講過﹐便是主要靠共用路段之前的一個車站﹐停站時間作出個別班次調整。


只要配合得宜﹐便可用盡各個共用路段可使用的容量。但好明顯的係現時係完全未用盡路軌的容量﹐唔加班也只是MTR所不為。


例子 :

青馬橋

大家都講青馬橋+馬灣高架橋+汲水門橋是行車限制﹐而限制係青馬橋 (下稱A段) 每一方向一班車﹐馬灣+汲水門橋(下稱B段)每一方向一班車。

由於是每一方向獨立計算﹐很簡單地只需看一個方法便可﹐另一方向都只是同一時間反方向做一次。

首先﹐2段路都是大約2分鐘便可以行完的。
當第一班車由大嶼山去青衣﹐先會進入 B 段﹐約2分鐘內會進入A段﹐第2班車便可進入B段﹐這2班車相距時間便是約2分鐘。
約2分鐘後﹐第一班車便會離開A段﹐而第2班車也會進入A段﹐第3班車便可進入B段﹐相距時間又是2分鐘。


按照此模式﹐2條線便可合共最密約2分鐘一班車。
分別只是兩條線的組合﹐例如 : 東 > 東 > 東 > 機 ﹐定係 東 > 東 > 機  等不同組合。


所以﹐是不存在a線加密﹐b線便一定要跟隨加密﹐另一線作出相應的細節調整﹐便可維持原有的班次密度。

[ 本帖最後由 kei_hk 於 2010-12-29 11:53 編輯 ]