有車長趕住收工上左鏡

原帖由 fai 於 2011-3-1 00:25 發表
其他唔講，就針對番巴士司機既心態/動機，佢因為前面有部的士
阻住佢，就要爬頭，而完全唔顧當時地點是在斑馬線前。就係呢
一點已無需質疑佢既態度係完全錯誤，不幸地我竟然聽到有人話
咁都唔爬頭對唔住自己(不過講呢句既人一定好快出黎話佢唔係贊
同巴士司機)。我覺得如果用窮學生番part time幫補家計導致上堂
訓覺去比喻巴士司機並不適合，反而用一個富有學生因為屋企不
讓他買名牌而走去番part time賺錢買名牌去滿足虛榮心而導致無
心向學上堂訓覺更適合，巴士司機要快d收工既心態就好比學生對
名牌追求既欲望。

首先, 我從來無表達過呢位司機唔爬頭對唔住自己
亦唔見得呢度有板友表達過類似意思
閣下到呢個moment 都認為 "可以理解" 係等於 "正確"
基本上閣下未糾正到呢個謬誤都唔需要討論...
我用"番part time幫補家計導致上堂訓覺" 係表達乜野叫 "可以理解"
其實我根本唔使理佢返part time 背後係咩原因
就算好似閣下咁講, 佢係返part time 買名牌所以上堂訓覺
我一樣 "可以理解", 我 "可以理解" 既係佢 上堂訓覺 係因為 返part time
再深究落去, 我 "可以理解" 佢返part time 係因為 你所講既 賺錢買名牌去滿足虛榮心
唔等同 我原諒佢, 甚至認為佢咁做係正確
唔該閣下搞清楚個分別....

原帖由 fai 於 2011-3-1 00:25 發表
另一點想講既係，巴士司機覺得的士o係前面停低就一定要去阻住
佢，不論有心(例如覺得人地存心玩自己)定無意(例如上客)，某程
度上反映呢位巴士司機對的士已存著某種心態，或者各位未必同
意，但我可以用仇視來形容這種心態。據我觀察，其實呢種心態
普遍存在o係香港路面上各種駕駛者之間，例如巴士仇視小巴的
士，的士仇視貨van巴士，私家車仇視的士......，而呢種心態對駕
駛者既態度絕對有負面影響。

爬個頭就叫仇視, 我平時行路行得快會爬過好多人, 唔通我仇視呢d 行得慢既人?
憑個一小段片你居然睇得出巴士司機係仇視的士, 你估家下你係讀心神探呀....
片中個cam一路向住前面, 後面發生乜野事睇唔到, 巴士狀況睇唔到
甚至連巴士司機狀況都係未知數
你又憑乜野一口咬定巴士司機係因為仇視的士蓄意爬的士頭.....

原帖由 fai 於 2011-3-1 00:25 發表
想請在這裏參與討論的朋友想想，你地在討論時是否都有被這種
心態影響著？

好問題, 不過先要問你自己先
迴避歪曲其他人既論點, 再回句"拗唔過人就揭番人地瘡疤"
我唔認為呢d 行為係理性討論囉....

一個人犯某種錯誤背後動機唔會影響佢係錯既事實，相
信大家都同意，但一個「可以理解」既動機卻可以成為
求情同是否值得同情既考慮因素。法庭判其他案考慮被
告是否有求情因素可以影響到係判佢即時坐監定緩刑。
(不過佢依然係被定罪)而如果用「番part time幫補家計
導致上堂訓覺」來比喻巴士司機行為「可以理解」，會
令我覺得講呢個比喻既人覺得巴士司機既行係錯但值得
同情，甚至係被其他人連累。只係如果基於現時大家所
知既事實，巴士司機既行為唔會有乜野值得同情同可以
解釋既理由咯(大家都同意佢係錯)。除非佢再有進一步
解釋，例如佢屋企人急病入左醫院佢要趕住完成工作去
睇佢。但單純前面有部的士阻就唔會係一個「可以理解
」既理由咯。

關於「仇視」既比態，只有大家問問自己既心先知係咪
真係有呢樣野。如果真係冇就係我話錯大家。但是是甚
麼令到大家在討論裏有現在的反應？

[ 本帖最後由 fai 於 2011-3-1 08:24 編輯 ]

原帖由 teddybus 於 2011-2-28 07:34 PM 發表


想問如果在限制區外越線爬頭進入限制區又是否違規?

1. 這個區域﹐正常地是超出2部私家車的長度﹐係接近4部車的長度。

2. 你的問題﹐等同雙白線前cut線爬頭﹐要在雙白線開始後才完成爬頭返回自己的行車線一樣。
在返回自己行車線時踏雙白線的開始的少部份﹐勉強可接受。
但是﹐去到雙白線的位置才返回自己行車線﹐便是違規﹐如被警察捉到﹐請準備扣分。


片段也好明顯﹐在限制區前已經有一部私家車在路邊停下﹐的士都要稍稍靠右行﹐大家也可對比此限制區的長度。

原帖由 fai 於 2011-3-1 08:19 發表
一個人犯某種錯誤背後動機唔會影響佢係錯既事實，相信大家都同意，但一個「可以理解」既動機卻可以成為
求情同是否值得同情既考慮因素。法庭判其他案考慮被告是否有求情因素可以影響到係判佢即時坐監定緩刑。
(不過佢依然係被定罪)而如果用「番part time幫補家計導致上堂訓覺」來比喻巴士司機行為「可以理解」，會
令我覺得講呢個比喻既人覺得巴士司機既行係錯但值得同情，甚至係被其他人連累。只係如果基於現時大家所
知既事實，巴士司機既行為唔會有乜野值得同情同可以解釋既理由咯(大家都同意佢係錯)。除非佢再有進一步
解釋，例如佢屋企人急病入左醫院佢要趕住完成工作去睇佢。但單純前面有部的士阻就唔會係一個「可以理解
」既理由咯。

仍然係個句 "可以理解" 係 佢做呢個行為係有背後理由解釋得到
同你所謂既 "係錯但值得同情，甚至係被其他人連累" 無直接因果關係...
"有部的士阻" 已經可以解釋得到 點解佢要抽頭
emphasize 多一次 "理解" 呢個term 係指 "明白佢做呢個行為既背後原因"
唔係 "同情佢做呢個行為"
我諗高層次既人應該會分得出兩者分別
你係要歪曲 "理解" 呢個term 既意思咁真係非常難討論落去囉....

原帖由 fai 於 2011-3-1 08:19 發表
關於「仇視」既比態，只有大家問問自己既心先知係咪
真係有呢樣野。如果真係冇就係我話錯大家。但是是甚
麼令到大家在討論裏有現在的反應？

當初咬牙切齒話同你意見有出入既人係 "拗唔過人就揭番人地瘡疤", "偏坦護短", "仇視"
而家比其他人批評完就想一句 "話錯大家" 算數?
仲有, 既然你承認你錯誤理解其他人既論點
咁點解你硬係要加 "問問自己既心先知係咪真係有呢樣野"
"是甚麼令到大家在討論裏有現在的反應" 呢d 聽落非常礙耳兼且毫無誠意去道歉既字句?
人地答晒你, 你係要問完再問呢d 問題
好似d 老師重覆又重覆問同一類問題, 好似你比唔到佢想要既答案就唔收手咁....
你不如講下你expect 我地比咩答案你?

[ 本帖最後由 teddybus 於 2011-3-1 10:23 編輯 ]

原帖由 kei_hk 於 2011-3-1 10:03 發表


1. 這個區域﹐正常地是超出2部私家車的長度﹐係接近4部車的長度。

2. 你的問題﹐等同雙白線前cut線爬頭﹐要在雙白線開始後才完成爬頭返回自己的行車線一樣。
在返回自己行車線時踏雙白線的開始的少部份﹐勉強可接受。
但是﹐ ...

明白, 正正是因為片段沒有展示車後情況
因此無從估計的士後面發生甚麼事 (可能是牽涉的士後面的車輛)
導致巴士司機有機會是在此區域前爬頭, 然後才發現在進入此區域前不能回到原本行車線
被迫在此區域, 甚至是在班馬線前完成爬頭動作...

當然仍然是那一句, 上面只是分析事件背後原因的可能性
巴士司機行為有罪與否並不是本回文重點.

原帖由 teddybus 於 2011-3-1 10:21 AM 發表


明白, 正正是因為片段沒有展示車後情況
因此無從估計的士後面發生甚麼事 (可能是牽涉的士後面的車輛)
導致巴士司機有機會是在此區域前爬頭, 然後才發現在進入此區域前不能回到原本行車線
被迫在此區域, 甚至是在 ...

的士一直以正常車速駛至斑馬線﹐前面一直是無車的。

假設的士後面有車跟﹐部車都是一直跟隨的士﹐在巴士及的士之間行駛。

而這部行駛中的車輛﹐也代表要跟隨的士在斑馬線前停車。

在此情況下﹐巴士也無理由相信這部車有問題而開唔到車﹐所以不會在數秒之間便決定在此cut線爬頭。


又假設﹐巴士及的士之間﹐突然有一部車阻塞﹐巴士必須cut線爬頭。
巴士是應該在斑馬線前返回自己行車線﹐即是之字線內/前返回自己行車線﹐不是在斑馬線上面(行人過路位置)爬頭。

如果巴士爬頭期間﹐這部車又突然開動﹐這便會如同上面第一個假設﹐應該盡快返回自己的行車線﹐在此車之後等候斑馬線安全開車。



我只是平心而論﹐不是有心針對巴士司機﹐只是我想不到有什麼合理解釋﹐可以說明巴士必須在斑馬線爬頭。

原帖由 kei_hk 於 2011-3-1 11:09 發表


的士一直以正常車速駛至斑馬線﹐前面一直是無車的。

假設的士後面有車跟﹐部車都是一直跟隨的士﹐在巴士及的士之間行駛。

而這部行駛中的車輛﹐也代表要跟隨的士在斑馬線前停車。

在此情況下﹐巴士也無理由相信這部車有問 ...

我的確是估計巴士與的士之間是有其他車輛存在
因為片中巴士爬過的士的時候, 似是直行與的士parallel
如果真的如樓上某些評論所言, 巴士是跟隨的士而作出爬頭動作
把轉彎幅度計算在內, 角度應有差別
至於跟隨車尾有多少車輛, 同樣地, 只能憑推斷作出假設
假如巴士前面被一架大型貨車, 或小巴阻礙前景
若然該等車輛發出signal 驅使巴士爬頭
當巴士爬頭後才發覺前面尚有車輛未能插入
巴士司機只有繼續逆線直駛入該區域...
當然, 如你所言, 正常來說巴士應等候該些車輛開動, 在斑馬線前返回自己行車線
所以, 我並沒有為巴士司機這樣做是對是錯作出評論
而上文分析 "理解" 一詞 提及過巴士司機作出爬頭動作之背後原因時
一樣沒有為這等原因的合理性作出定論.

請放心, 從閣下的字句, 我明白閣下並非有心針對巴士司機
我只是不希望我的理性分析會換來某些板友發出如 "偏坦護短", "仇視的士" 此種欠理性回應.

原帖由 teddybus 於 2011-3-1 11:35 AM 發表


我的確是估計巴士與的士之間是有其他車輛存在
因為片中巴士爬過的士的時候, 似是直行與的士parallel
如果真的如樓上某些評論所言, 巴士是跟隨的士而作出爬頭動作
把轉彎幅度計算在內, 角度應有差別
至於跟隨車尾有 ...

反而﹐我覺得真係巴士司機自己判斷錯誤。

我估計巴士司機被斑馬線前的「死車」影響 (片段22秒, 銀色私家車) ﹐於是抽出靠右行駛。之後又見到有的士停下﹐以為又是「死車」﹐完全沒有為意此處是斑馬線﹐於是繼續靠右行駛爬頭﹐所以便出現在斑馬線上逆線爬頭。

而正如你所講﹐爬頭是非常接近的士的車身平行﹐即係都已經靠右了一段距離﹐也符合我這個推論的。

相反﹐此段路可以合法停車的只有禁區牌(即工程車)至斑馬線前(即銀色私家車)﹐在銀色私家車後﹐絕對有足夠距離返回自己的行車線之上﹐最多尾輪踏之字線。
(註: 看不到禁區牌的時間限制﹐由於是可停車地區之前﹐不影響最終返回自己行車線)

在片段51秒時﹐的士停車上落客﹐數秒上落時間﹐都沒有車爬頭﹐反方向行車線也沒有危險。
當然﹐都不能確定的士及巴士之間有沒有車影響。

[ 本帖最後由 kei_hk 於 2011-3-1 14:58 編輯 ]

原帖由 edhong 於 2011-3-1 12:27 PM 發表


斑馬線兩側係有閃燈, 作為職業司機不會以此原因吧

我有3個字的結論 : 發雞盲

如果唔係﹐都唔會叻到在斑馬線上做爬頭啦