新幹線雙層車五年後全退(新聞+分享)

友人傳來一個網址，內容係新幹線Max雙層車將於五年來全部退役：
http://mainichi.jp/select/wadai/news/20110309k0000e040071000c.html

其中1994年投入服務的E1，退役時大約係18年車齡；
到最後E4退，都係大約18-19年左右。

在此懷緬一下本人有幸坐過四次的E4，
圖片來自2009年信越之旅，部分可能貼過。

越後湯沢，一箭三雕。


上越新幹線好多Max班次。


這卡有道闊門，可能係上落貨、清潔車及販賣車補充之用。


這列車當時休息中。


新潟駅，其實幾乎所有班次都係E4。


E4車內望向資訊板。


翌日於長岡，極幸運遇上一列E1，時間上我地可以搭佢，但已經預訂了下一班車，所以無搭到。


2階建......都唔知可唔可以影得返。
「應該拍下照片　與過去近一點　即使好戲定會完　也會與記憶相見
　將瑣碎事捕捉　放進相機光圈　讓被定格的幸福　進駐每格底片　有證據有分寸」我是抱著這個心態去旅行的。


對面月台E4側面，其實個頭都好尖。


車內樓梯。


清潔車、販賣車等專用的小升降機，但不開放給乘客運行李，
我同朋友要自己拎住個本來唔應該單靠雙手之力去抽的行李喼上上落落。


車門，圖攝於大清水隧道內。
上越新幹線最北端近新潟一段，在田野上飛馳，係最好睇的。
長岡過後成日都係隧道，大清水隧道全長22.2公里，係偉大工程成就，但好悶。
南段先後同長野新幹線、東北新幹線合流，大宮以南路段行得較慢（我諗160左右），一望無際的樓景。


高崎駅，下層車廂看到這樣的景色。


從來沒有在這個角度看世界。


正是當日與我同遊的人給了我那個連結。
世事無常，想不到當年一見，竟然可能係我唯一影到雙層新幹線的時機。
在大眾熱烈追捧越開越快的中國高鐵的同時，東瀛的堂兄弟還是每天默默耕耘，
不管陰晴雨雪、地動山搖，載著疲累的上班族、興奮的旅客，追尋各自的夢想。

歡迎討論／分享。

[ 本帖最後由 DIH 於 2011-3-27 22:40 編輯 ]

多謝分享.

但樓主你是否攪錯了, E1我記憶中近10年都只係用於上越, 並不會出現於東北.

原帖由 cl1403 於 2011-3-25 23:28 發表
多謝分享.

但樓主你是否攪錯了, E1我記憶中近10年都只係用於上越, 並不會出現於東北.

感謝指正，我見E1首先投入東北，就以為主要在東北，
睇返維基，原來全數只得六列，1999年畀晒上越。
原文已改。

E1, E4是否屬於半分車？

18年車齡就要退? 好似好短咁

其實都唔算短命，因為日本新幹線隧道多，每次出入隧道空氣壓力差大，加速車身金屬疲勞損耗...

但我唔知東北大地震後，會唔會減慢換車步履，原本就諗住將E2由東北新幹線拉走，俾晒上越用

(離題吹水) 唔知強國幾時會整雙層的CRH，俾高客量的線路用？

有一點唔明ge係，內地的列車本身都好多人搭，但雙層載客卡不甚普及，原因何在？

但e2的10卡無2卡e4坐到咁多人WO

原帖由 s3n370 於 2011-3-26 12:02 發表
(離題吹水) 唔知強國幾時會整雙層的CRH，俾高客量的線路用？

有一點唔明ge係，內地的列車本身都好多人搭，但雙層載客卡不甚普及，原因何在？

（靠估）內地車站月台好長，一般客運列車閒閒地講緊14-18卡（2009年頭北京出發的Z車有18卡），
CRH都係靠重聯來增加載客量，在這個基礎上再用雙層卡，客流一定要好大。

雙層卡本身都有缺點，就係上落麻煩，尤其是國內旅客成日大包細包，寧願用長單層好過。

國內雙層車都唔少，不過不在港人通常認知區域內嗟。

[ 本帖最後由 DIH 於 2011-3-26 17:17 編輯 ]

冇計劃整後繼車?