九巴額外收入逾億 議員促列加價考慮

原帖由 Alvin2002 於 2011-4-23 16:08 發表
城巴要回饋乘客, 是因車隊年齡較舊, 資產值較低, 造成盈利超出專利協議訂下的9.7%.
若果九巴不買新車, 繼續使用舊車隊, 我相信它也可以盈利超標要回饋乘客. 不過屆時又會有版友說沒新車坐. ...

但城巴回贈五千萬, 即係佢盈利單計超額部份已有至少一億咁多
城巴規模細過九巴咁多 (今次回贈只計專營權一, 即係得七百幾架車)
你睇九巴個規模係佢五倍, 就算准許利潤幾低, 核心業務盈利都無可能超咁多

同埋記住城巴唔係無新車, 單係上年已經入咗七十幾架
而九巴平均車齡亦有十年以上, 車並唔新

原帖由 syleung 於 2011-4-23 16:18 發表
唔知點解有種感覺就係LE家的九巴同昔日的中巴好相似-就係公司其他的收入仲多過自己本身巴士業務票務的收入

某程度上我會覺得九記 PR 係做得好,
講真, 你以一個普通市民 o既角度去睇,
九記真係有好多新車 (普通人覺得金巴已經係新車, 而家金巴直情通街都係),
呢一下已經比起中巴好唔小 ~

仲有車廂設備呢,
巴士報站機呢下已經係一個賣點,
對面海到而家都仲係試驗階段, 新記仲要係未裝,
但係我身邊o既人成日都話對面海 d 車連個報站機都未有, 都唔知應該起邊個站落車
呢一下已經高低立見 ~

加上九記係咁賣廣告,
話佢似中巴, 行內人/巴士愛好者都可能 feel 到, 但係街外人唔多見會 feel 到似 ~

[ 本帖最後由 AVD1 於 2011-4-23 17:57 編輯 ]

原帖由 Alvin2002 於 2011-4-23 16:08 發表


城巴要回饋乘客, 是因車隊年齡較舊, 資產值較低, 造成盈利超出專利協議訂下的9.7%.
若果九巴不買新車, 繼續使用舊車隊, 我相信它也可以盈利超標要回饋乘客. 不過屆時又會有版友說沒新車坐. ...

之但係新車還新車...佢一買就成百幾2百部買黎谷資產...

仲要放係到唔出牌,同冇新車派街有咩分別~?

在2006年1月新專利權開始時, 城巴車隊平均車齡9.7年, 九巴是8.7年.
在2007底城巴(專利1)車隊平均車齡是11.1年, 九巴是9.3年.
在2年間, 城巴平均車齡提高了1.4年, 九巴則只是提高了0.6年.
而且九巴在近年購置了大量新車, 有助將平均車齡降低, 但亦同時會提高了折舊金額.
載通專營巴士在10年的折舊是8.59億元, 在09年是8.54億元.

城巴過多4-5年將出現大量巴士退役
尤其係1994-1997年入既車
以17年期計, 佢地2012年-2014年將需退役
到時城巴資產值大升, 亦係佢地加價之時..

城巴回饋條數係截至去年六月底, 當時新車數目唔算多

原帖由 053h4 於 2011-4-25 22:03 發表
好似08年金融風暴咁, 廣告收入大減, 唔通巴士公司係當年可以因為咁去加價?

生果之前報果陣有講載通過往幾年既盈利
如果冇記錯，08年個盈利係由07年幾十億大跌至單位數字
我相信都係因為油價影響…