[新聞]港鐵荃灣線噪音逾80分貝

原帖由 JN6854 於 2011-4-25 18:05 發表
荃灣線噪音高最大原因係太多彎位 車輪同路軌擦撞發出聲響
加上密封設計(唔知佢有無裝吸音棉)令聲響無法分散造成

港島線同觀塘線問題應該無咁大 反而要留意將軍澳線 ...

我記憶中有件 當年我覺得幾有趣既事情:
2002通車的將軍澳線 一定比2003年通車的西鐵嘈
但西鐵試車時就已被投訴行車又震又嘈
結果九鐵話會打磨下d路軌改善
而將軍澳線似乎無咩點俾人投訴
是因為乘客習慣了地鐵嘈雜聲?

不過西鐵現時南昌往返柯士甸都幾嘈, 可能急彎問題啦

應該係尖東知柯士甸之間的隧道

原帖由 stevenlim84 於 2011-4-28 09:55 發表
應該係尖東知柯士甸之間的隧道

係,兩站之間都好嘈,臨到尖東站前嘈到報站把聲都聽唔到 ,因那裡的彎位太急/彎...

原帖由 平田巴總站長 於 2011-4-26 09:16 發表

講開又講,,前排搭地鐵經過東隧,,試過兩次架車不斷咁震,,唔知乜事

K車新車落地初期係比某日報話行車時好震...

另外，千九車同m車都係slide door，m車唔一定要做氣墊都可以好似千九做到咁靜.......      個氣墊設備好難睇@@"

原帖由 stevenlim84 於 2011-4-26 14:19 發表


最噪應該是葵興至大窩口的隧道轉彎位，每次噪到歌聽不到，電話也聽不到。

TCL是隧道設計問題，令乘客耳朵不適。

最嘈的位置是大窩口一出站轉右的大彎位, 嘈得來還有很尖的刺耳聲音
因為要由地底上斜往架空路軌, 所以又要開得快, 全速上斜
車長更多會在過了這個彎位後才播PA

不知港島線是否較多彎位, 所以車速特別慢? (特別在晚間非繁時, 會開得很慢)

原帖由 bombardier 於 2011-4-28 22:56 發表


K車新車落地初期係比某日報話行車時好震...

另外，千九車同m車都係slide door，m車唔一定要做氣墊都可以好似千九做到咁靜.......      個氣墊設備好難睇@@" ...

千九本身仲有裙腳隔音
呢樣M車無

原帖由 bombardier 於 2011-4-28 10:56 PM 發表


K車新車落地初期係比某日報話行車時好震...

另外，千九車同m車都係slide door，m車唔一定要做氣墊都可以好似千九做到咁靜.......      個氣墊設備好難睇@@" ...

如果細心留意﹐千九的車門邊(車身)﹐是有條細駁位呈 L 形突出﹐令車身及車門之間空隙縮少。

車門外圍膠邊又是呈 L 形﹐而關門後這條 L 形膠邊又可以同車身 L 形駁位﹐互相緊貼﹐便可有效減少燥音帶入車廂﹐下雨天又有效阻止雨水在車門邊滲入。



而M 車的車門﹐唔知係唔係用量高﹐門同軌之間有「虛位」﹐行車期間好易會擺動(向同台方向擺動)﹐令到車門及車身之間空隙增加﹐令行車期間的燥音增加帶入車廂內。

[ 本帖最後由 kei_hk 於 2011-4-29 11:39 編輯 ]

原帖由 mmlcs36 於 2011-4-27 11:02 發表


你唔好睇小大陸的地鐵
雖然話自己係國產
但係最重要的位係日本造的..

但上海地鐵都係嘈到拆天，新線新車都係咁勁，例如十號線，只係好過TKL+M Train年代少少...

原帖由 lrv1092 於 2011-4-28 06:19 發表

而將軍澳線似乎無咩點俾人投訴
是因為乘客習慣了地鐵嘈雜聲?

在網上就好多人講，係咪真係多人投訴我唔知，
但我記得係有勞煩到地鐵高層出面回應的，都有講過打磨路軌、減速等治標方法，
但此板板友早已踢爆，因為地鐵將將軍澳綫合約交畀澳洲公司，但澳洲公司只識維修M車，
明明K車係畀將綫用都冇得放落去，結果將綫要忍受噪音同觀塘綫要被K車搞亂班次長達七年才撥亂反正。
當年地鐵高層更以「K車行車比較靜所以撥去架空段較多的觀塘綫」做理由，
那現在觀塘綫全部用返M車又如何解釋？

另外，西鐵尖東至柯士甸一段，係幾嘈，
不過以千九本身的隔音（睇kei_hk講先醒起門邊設計的威力），
我個人認為這個程度可以接受，而且急彎如此也沒有甚麼辦法了。

[ 本帖最後由 DIH 於 2011-4-29 14:56 編輯 ]

原帖由 DIH 於 2011-4-29 02:54 PM 發表

在網上就好多人講，係咪真係多人投訴我唔知，
但我記得係有勞煩到地鐵高層出面回應的，都有講過打磨路軌、減速等治標方法，
但此板板友早已踢爆，因為地鐵將將軍澳綫合約交畀澳洲公司，但澳洲公司只識維修M車，
明明K車係畀將綫用 ...

將廠唔識整 K 車都唔係重點﹐因為可以透過培訓去處理﹐而重點是合約字眼上出問題﹐令到外判商只需負責1種車款﹐即現本用緊的 M 車。

所以﹐外判商係唔會處理 K 車﹐連放部 K 車都唔多歡迎。

由於 K 車入去只係可以停泊﹐無人會處理日常檢查維修﹐所以無法派K 車行將線。