東方日報：尖沙咀露天廣場恐爛尾

原帖由 on11358 於 2011-5-12 18:52 發表



而家九龍城碼頭部份泊位劃分做旅遊巴專用，
附近交通有冇改善到？食飯時間塞死路口，
連帶九龍城碼頭總站路線都受影響。

偉恆昌TONG房及團餐點集中, 早前移走部分合法泊位, 結果如果碼頭及土驗附近的位用盡, 司機大哥只好泊土瓜灣道, 又一條行車線無左. (如果巴士公司車位在啟德的, 好多已經番左去擺, 否則問題更嚴重)

戰役小勝，戰事未完，仍需努力！

尖碼之聲應避免失焦，要力爭政府正式表明取消改建碼頭的計劃。
麼地道巴總擺旅遊巴，係送畀政府的豬頭骨，可以作為給大家的下台階，
但小心不要被人牽著鼻子走，唔夠旅遊巴泊位是政府的責任而不是尖碼之聲的責任。
不過，呢招可以「令別人失焦」，將旅遊巴泊位短缺情況嚴重的現實公諸於世，
當人人都拗緊旅遊巴泊位的時候，尖碼就可以抖一抖氣。

繼續支持～

[ 本帖最後由 DIH 於 2011-5-12 20:24 編輯 ]

原帖由 leslie 於 2011-5-12 03:46 PM 發表


又要多解釋一點:

運輸學上, 巴士總站除了提供停泊功能外, 還有轉乘, 維修車輛, 司機休息, 提供乘客資訊提供等功能, 所以81C, 87D明明同馬鐵/東鐵同路卻是用紅磡車站作總站, 但就基本上不是以"轉乘"作考量, 只是" ...

尖東車坑關203乜事？

Leslie 兄, 加油呀!

我只係主張將海濱平台經碼頭頂部簡單駁去海運大廈已經非常足夠啦

原帖由 23641233 於 2011-5-12 19:44 發表
吾知Leslie有冇去過紅磡條「珠寶街」–民裕街,果度D旅遊巴亂泊，經常有口角發生~
回到尖碼，這一定是個長久的抗 爭/戰~

有行過(有段時間成日去影旅巴), 這就是不良規劃的後果.

當然, 我們要做, 保留尖碼巴總是主菜, 但不要忘記套餐包括麼地道巴總的未來, 就如你去食飯, 杯野飲可以是COFFEE OR TEA, 甚至兩溝, 但重要的, 仍是主菜

原帖由 sad 於 2011-5-12 21:56 發表



尖東車坑關203乜事？

一時記錯了, SORRY!

原帖由 siupy 於 2011-5-11 11:06 PM 發表
http://orientaldaily.on.cc/cnt/news/20110511/00176_058.html

初見成效，繼續努力

對於短期內不會改動尖碼﹐我實在是開心的。

不過﹐我都簡單講幾句﹐只屬個人評論 :

這一段社評﹐又係別有用心地在近日發佈的﹐其實都係主要打擊政府的威信。


之前已經有官講過﹐要做到一個「零反對」的方案﹐才會改動尖碼。明顯地﹐已經有反對聲音﹐所以這個項目好自然叫停﹐直至有一個大家滿意方案為止。


未有新方案﹐又點會繼續進行項目?

現在﹐反對者都係巴士站本身的功能﹐遊客真正想看到的香港特色巴士總站﹐單是這2點已經未有新方案去處理﹐所以一直成膠著狀態。


大家可以講﹐政府真係 HEA 住做﹐在未有新idea 前﹐真係唔會處理。事實上又真係無人提出新方案﹐在完全沒有新idea 的情況下﹐又真係什麼都做唔到。

即是﹐爛尾可以講係一個事實。既然爛尾﹐又係唔係真係要出來講此計劃已經不再進行?   講出來的﹐便要在有新ieda後﹐由頭進行資詢。唔講出來﹐便可隨時提出新idea﹐不再需要由頭做資詢。一定是後者在「番叮」時﹐容易處理的。



如果﹐政府強行在無新方案下繼續進行計劃﹐又會被人所講「官迫民反」。
這些「渣筆人」真係心中想點玩都得﹐完全不會理前因後果的。

原帖由 leslie 於 2011-5-12 15:46 發表

又要多解釋一點:

運輸學上, 巴士總站除了提供停泊功能外, 還有轉乘, 維修車輛, 司機休息, 提供乘客資訊提供等功能, 所以81C, 87D明明同馬鐵/東鐵同路卻是用紅磡車站作總站, 但就基本上不是以"轉乘"作考量, 只是"搵個位泊車", 不計增加里數可能加價因素, 搬去紅磡碼頭甚至九龍機鐵站都絕非不可.

當然, 麼地道巴士總站如果改作旅遊巴總站, 也可考慮容納一至兩線專利巴士線, 如果好似昔日100線康宏過客換司機, 已經可以唔洗停太多車在總站又同時有休息時間俾司機去廁所. 同埋, 208縮短一旦成事,尖東已經多1條坑專利巴士車坑

我一直是支持你保衞尖碼總站的行動的，不過以上呢點恕我唔係太同意。

呢幾個月諗過一D其他區巴士線重組方案，我的建議入面，
最終係會有七條線以麼地道總站作終點站的，除左已有的28/234X外，仲有
5B/5C/81C/87D/93X（5C我係諗住縮短去麼地道，但係同時會拉多條線落尖碼，
加快尖碼來往下路同慈雲山的車程，所以尖碼係唔會少左巴士線）。
仲未計其他區一路爭取的尖沙咀巴士線，例如259X/270A之類。

運作上，雖然話就話總站可以擺九龍機鐵站甚至紅磡碼頭，
但係睇返現有由彌敦道入尖東的幾條巴士線，基本上過左梳士巴利道都已經無咩客。
而總站擺遠左，即係行車時間長左，不必要地拉疏班次，浪費燃油，
又或者要加多幾架車先至做到原本想要的班次，個問題唔係總站擺遠少少都無所謂咁簡單。
特別係我諗過的一d方案，都好受到用車數目同班次限制，唔係你隨便話，
拉遠少少，加多幾架車就得，因為根本無車可以加。
原本可以擺尖東麼地道總站的，夾硬拉去紅磡鐵路站甚至紅磡碼頭，
即係一單要行多8-10分鐘，增幅絕對唔少。
而至於由東面（漆咸道北轉入漆咸道南）入尖東，無需要入尖沙咀西部果堆線，
就更加係一樣道理，由麼地道拉去九龍鐵路站，全程行車時間真係長左唔少，拉去紅磡擺又唔順路。
相反，如果堆巴士線點到即止，慳返幾架車仲可以俾其他線加班，真正惠及乘客。

保衞尖碼，其中一個主要考慮就係乘客方便，咁我都希望你會緊記
以乘客的利益為依歸，既然有大把巴士線有潛質可以考慮以麼地道為終點站時，
我覺得將個總站變成旅遊巴停車場，唔見得係真正善用設施。

同埋最重要一點，如果你而家話爭取麼地道總站變成旅遊巴泊車場，
好可能會俾人以為你一路有hidden agenda，有vested interest，呢樣野絕對係大忌。

其實你所講的建議，根據政府同九巴思維，一係就唔郁，一郁就應該同尖沙咀講拜拜。

另外 hidden agenda 就任何一個 stakeholder 都會有，問題係 stakeholder 之間有無
隱藏利益輸送姐..... 如果話尖碼之聲同旅遊巴之間有咩既得利益，我又諗唔到，
最大利益都係爭取到保留尖碼巴總姐..... 講白 d，根本就係俾緊位政府落台。