[外邊消息]傳Microsoft有意收購諾基亞的手機部門

我諗Nokia一日唔轉用Android，同埋硬件都仲係咁低級唔改既話，一日都唔洗
諗可以再番身，做番一哥 . . . 就算今次Microsoft真係收購左佢都無用，到時只係
把Symbian改為WP7黎做，用戶都唔會多得去邊 . . . 何況而家WP7都未發展成熟，
Apps又唔多，UI又過份簡單 . . . 但係都仲要lag lag 地既 除非mango有改善，
如果唔係都只會變成第二個Symbian咁 . . .  到時Android只會一路升，d廠商食住
個勢一路上，何況而家iOS都開始有下跌緊 . . .  一個唔好彩教主走左，iOS都只會
跟住一路下跌，用開生活態度既人轉投做工程司，htc,samsung等廠商就主導晒
市場 . . .  到時Nokia就只係一路係到等死

原帖由 gordon 於 2011-5-24 22:00 發表

WP7仲有個致命傷, 是它並非免費作業系統, 每部裝有WP7的手機, 廠商要支付手機成本的百分之十予微軟, 與Android完全免費不一樣.

當然WP7的硬件限制都係一個問題, 除了1GHz之外, 仲有不可以有插卡糟, 要有256MB RAM ...

基本上就係三間公司取態唔同
Google 就係想搶市場佔有率. 佢差唔多咩都係 free 架啦 - Android 又係 free, Chrome OS 又係, 目的就係想要左 Microsoft 一哥個位 (佢地呢個目的係好明確) ~

Apple 不嬲都係我行我素. 講真, 佢 Mac 又好, iOS 又好全部都係用哂佢地自己獨有 o既 (插頭係, 軟件係). 但係佢就 design 真係一流, 如果唔係 iPod 就唔會賣到成行成事, 之後仲要有埋 iTouch, iPhone. MacBook 系列近年銷量好似係升緊 (又或者根本佢就係做埋 Design, Manufacture, Selling - 三邊做哂); 如果唔係佢唔會越做越有~

Microsoft 只不過係因為佢一直以黎都係用緊佢. Office 呀, Windows 呀咁. 如果唔係 Microsoft 死左啦. 網上雲端一早比 Google 食哂. Design 又唔係佢, 佢只係 set 左個 requirement 叫人去 follow 佢 (好似 WP7) ~ Windows Mobile 個賣點只係因為佢有 Office, 如果唔係, byebye 得啦 (其實而家都已經可以 byebye). Microsoft 衰在近年冇一 d 革命性產品, 完全就係靠 Office + Windows 食老本. Google 呢間野一出現, 玩完 ~

原帖由 NC8285 於 2011-5-24 23:12 發表
我諗Nokia一日唔轉用Android，同埋硬件都仲係咁低級唔改既話，一日都唔洗
諗可以再番身，做番一哥 . . . 就算今次Microsoft真係收購左佢都無用，到時只係
把Symbian改為WP7黎做，用戶都唔會多得去邊 . . . 何況而家WP7都未發展 ...

我自己就認為某程度上 Nokia 自己係自視過高. 以為一個 Symbian 可以打低其他智能手機平台, 不過難怪 o既. 佢 Symbian 做左咁多年, 投資左咁多落去, 一次過比 Android KO 左. 就算我自己起 Nokia 都唔甘心走去用 Android 啦.

Sony Ericsson 如果唔係一早放棄左佢個 UIQ, 未同 Nokia 一擔擔. 不過當年 SE 都唔係投資左好多落去佢自己 UIQ 平台. 當年好似一樣有手機係用 Symbian (有錯請指). 之後出左部 X1 之後基本上而家出親 o既高檔機就係 Android ~

Android 基本上已經成為各大廠 o既高階手機平台. (唔計 iPhone). 而家可以話唔用 Android 基本上係必死咁濟

我自己唔知點解總係覺得 Android 冇 iOS 行得咁順 (我未試過玩雙核機). 不過下一部手機都係 iPhone. 始終而家 iPhone / iTouch 插頭去到邊都有提供咁濟. 私家車有, 坐飛機 o既 IFE, Micro-Hifi 系統一樣有提供, 呢個都係吸引我去換 iPhone 多過換 Android 機 o既 point ~

原帖由 AVD1 於 2011-5-25 12:35 發表

我自己就認為某程度上 Nokia 自己係自視過高. 以為一個 Symbian 可以打低其他智能手機平台, 不過難怪 o既. 佢 Symbian 做左咁多年, 投資左咁多落去, 一次過比 Android KO 左. 就算我自己起 Nokia 都唔甘心走去用 An ...

冇記錯的話Saito係行Symbian的

不過SE的機，話知佢係行symbian、Android定其他OS
都係有一個通病，就係好易死機，但重新開機後又正常番
呢個亦都係我唔用SE機的其中一個原因...

另外ios方面，始終都係蘋果教的東西
始終都會比較多硬件配套可以用，網路方面唔少網頁都已經有ios專用介面
仲要唔一定係ios先用到，大多行Dock Connector的機都可以用到

[ 本帖最後由 OTIS401 於 2011-5-25 12:46 編輯 ]

原帖由 OTIS401 於 2011-5-25 12:42 發表

另外ios方面，始終都係蘋果教的東西
始終都會比較多硬件配套可以用，網路方面唔少網頁都已經有ios專用介面
仲要唔一定係ios先用到，大多行Dock Connector的機都可以用到

所以我先唔用 Android
我都知 Android 近排有好多好機出左, 但係就係冇咩配套可言,
當然你可以話 Micro-USB 頭, 但係最小我上面講 o既都冇 Micro-USB 提供 ~

原帖由 AVD1 於 2011-5-25 14:05 發表

所以我先唔用 Android
我都知 Android 近排有好多好機出左, 但係就係冇咩配套可言,
當然你可以話 Micro-USB 頭, 但係最小我上面講 o既都冇 Micro-USB 提供 ~

google都有做野ga
當d大廠唔肯幫d機做Android更新
google要捱義氣幫手搞

相信係要避免d廠做爛android(更新黎講，SE最差，HTC,LG,SAMSUNG都更新得快)

原帖由 OTIS401 於 2011-5-24 08:01 PM 發表
另外Nokia個Symbian， 認真講
就算用係部仲勁過iphone多多聲的N8，但流暢度唔知點解差過iphone多多聲
雖然我好少用智能手機，自己只有ipod touch冇智能手機
但用過咁多部機之中，Nokia真係愈黎愈難用
起馬個touch keyboard用左好多次都仲係唔識用，按左十幾廿次都仲未按到想入的字出黎
我寧願用番最傳統的S40算數

N記個symbian 是多年前產物﹐當年係無問題。

但係去到今天(近幾年)﹐這套核心的程式本身支援問題﹐不符合今天的需要。簡單講﹐當年無gps﹐又無相機﹐所以當年的原本的核心程式係不支援﹐雖記可以用新寫的apps 去處理﹐但處理上便要花多一些系統資源﹐形成整部機運作便慢起來。

這一點﹐其實n記自己都知﹐早幾年都已經著手重新編寫核心程式﹐繼而有一個全新版本的symbian 出來。

可惜﹐工程之大﹐所花的時間又不少 (唔知同投放資源有沒有關係)﹐所以一直都未完工。所以而家的電話繼續要用這套古老核心﹐令工作效率下降。



m$ 其實都有同樣問題﹐不過他們處理的快﹐由一套全新核心的wm7 頂上﹐問題只是跟了生果公司﹐自己出app store﹐增加一上硬件要求 (此舉可以優化os﹐增加os的穩定可靠)。
可是﹐m$ 未有生果公司的大量fans﹐也因為硬件要求太高﹐定到一部中上機的硬件﹐令到消費層面大幅減少﹐所以廠商都唔願意出太多款去應市 (因為這個市場太細)﹐到現在都只係三星﹐htc 各出了1款機去應酬m$。


各大廠都出android﹐主要是無硬件的限制﹐即是最大的入門市場﹐便只有 android了。
加上android 又可以靈活處理不同介面﹐各方面限制少﹐所以htc 而家真係一兩個月便一款入門機﹐全力用android去搶攻這個入門智能手機市場。



我自己而言﹐1年半前換了一部未代 wm6.5 (htc 的 hd2)﹐那時有想轉投 android﹐但完全唔想入i-phone。但是當時android 只係有 v1.6﹐2.0未出﹐仍有不少bug﹐所以不是轉會的好時機。
我預算出年年頭至年中才會考慮換新手機﹐以現時形勢去看﹐android 可以講已經是成熟﹐極大機會我會轉投android。

原帖由 OTIS401 於 2011-5-25 12:42 發表


冇記錯的話Saito係行Symbian的

不過SE的機，話知佢係行symbian、Android定其他OS
都係有一個通病，就係好易死機，但重新開機後又正常番
呢個亦都係我唔用SE機的其中一個原因...

另外ios方面，始終都係蘋果教的東西
始 ...

SE不止Saito, 其實Vivaz, Vivaz Pro, G700, G900, P1i, W960i, Z700, R520都係用Symbian(UIQ平台都係源自Symbian)

原帖由 gordon 於 2011-5-25 02:53 PM 發表
SE不止Saito, 其實Vivaz, Vivaz Pro, G700, G900, P1i, W960i, Z700, R520都係用Symbian(UIQ平台都係源自Symbian)

可惜﹐受制於NOKIA 沒有完全開放Symbian 所有功能﹐令到其他廠商都用唔到symbian 其他附加功能﹐令到吸引力大減﹐其他廠都唔係太願意投入symbian 去抗衡m$的windows mobile。

一出android﹐其他廠商便慢慢轉投android﹐令到symbian又成為一個自閉os 了。

原帖由 kay 於 2011-5-25 14:29 發表

google都有做野ga
當d大廠唔肯幫d機做Android更新
google要捱義氣幫手搞

相信係要避免d廠做爛android(更新黎講，SE最差，HTC,LG,SAMSUNG都更新得快)

生活智慧其實都有一個不太好的地方，就係OS更新方面
明明部機係可以去更新的，但廠商又只針對部分機種來更新
需要更新的用家一係原地踏步、一係乖乖地去換新機，但部機明明只係用左幾個月