海濱廣場

原帖由 stevenlim84 於 2011-5-30 00:16 發表

荃灣死城仲有灣景花園商場，屋苑入伙至今仍上鎖。

始終位置太僻，好難吸引麗城居民特登行過去

荃灣三大屋苑比較（麗城、荃景圍、海濱）
麗城花園既商場做得比較好
食肆同買野選擇都比後兩者多

原帖由 andy92 於 2011-5-30 12:24 發表

始終位置太僻，好難吸引麗城居民特登行過去

荃灣三大屋苑比較（麗城、荃景圍、海濱）
麗城花園既商場做得比較好
食肆同買野選擇都比後兩者多 ...

發展商都可能係一點, 一向長實 o既屋苑商場都唔會話太過吉
可能始終長和系夠多附屬公司 - 百佳, 屈臣氏已經整到個場旺　～

另外就係麗城起正西約中間
灣景, 翠濤閣, 韻濤居, 蔚景行過去都夠哂方便 ~

麗城都係三期同一期商場好D，二期除咗地下之外，二樓、三樓都係唔掂。

翠濤閣, 韻濤居冇商場，蔚景得間幾細嘅惠康，所以麗城先至會旺

其實個人發覺，荃灣係有個問題
就係中型和大型商場實在太多，兼且太分散之餘又欠缺天橋連接，又欠缺自家的特色
地鐵站果邊已經有南豐、荃錦、愉景新城、綠揚新邨
遠少少的又有荃灣城市廣場一二期、荃豐至豪輝的一排、悅來坊......
海旁又有協和廣場、荃新天地、荃灣廣場、灣景廣場、如心廣場、荃新天地二期
再遠的又有樂悠居、海濱廣場、海灣廣場
(紅字為死死地的場，藍字係已關閉/局部關閉的商場)
之後荃灣西站個TW5上蓋又唔知個長實會唔會又起大型商場...

就咁係上面數到出黎的，都已經有22個
以荃灣現時的發展狀況，真的有需要這麼多的商場嗎?
就算真的是有需要，到頭到尾不又是常見的連鎖商店嗎?

原帖由 OTIS401 於 2011-5-30 19:33 發表
其實個人發覺，荃灣係有個問題
就係中型和大型商場實在太多，兼且太分散之餘又欠缺天橋連接，又欠缺自家的特色
地鐵站果邊已經有南豐、荃錦、愉景新城、綠揚新邨
遠少少的又有荃灣城市廣場一二期、荃豐至豪輝的一排、悅來 ...

荃豐中心至豪輝花園呢堆商場可以話係80年代二線發展商既經典設計
個陣係屋苑都例牌加個小型商場,即使附近屋苑都有同樣設施/成個屋苑得一幢樓,就硬係唔想輸蝕咁款
而部分屋苑因為位置唔太就腳,就索性用天橋連住主要通道/大商場,將顧客「引」入去行商場
荃豐中心係第一個,之後華都中心,荃昌中心同豪輝花園都有樣學樣,全部連埋哂一齊
變成頗為有趣既「一串商場」
事實証明,呢個做法好成功,荃豐食哂大部分地鐵客,之後既華都同荃昌都唔差
係除左最尾既豪輝...不過都好彩俾多間補習社睇中,紛紛「進駐」,變成「補習天堂」
(雖則由地鐵站經「一串商場」去熊貓既人都唔少)

而且有一點你冇講錯:荃灣各個商場缺乏連繫
連貫性的確係一個旺商場既致勝關鍵之一
以荃新天地為例,如果想由地鐵站過去,就只可以落地下再行大河道過
講真咁唔就腳,d客未行到過黎都已經冇哂行商場意慾啦...

而沙田市中心就係一個幾成功既例子
差唔多10個商場連成一線,顧客如果想由火車站行去偉華中心
只要沿著冷氣通道行就可以到
同沙田既商場比荃灣既明顯輸蝕

但係呢個問題長遠d睇都係市區規劃時遺留落黎既問題
費事講到咁遠喇...

原帖由 WING93 於 2011-5-30 20:12 發表

而且有一點你冇講錯:荃灣各個商場缺乏連繫
連貫性的確係一個旺商場既致勝關鍵之一
以荃新天地為例,如果想由地鐵站過去,就只可以落地下再行大河道過
講真咁唔就腳,d客未行到過黎都已經冇哂行商場意慾啦...

遲少少大河道行人天橋落成後應該會好少少...

一個商場想成功﹐即是人流足夠﹐店舖可以有錢賺﹐不外乎2個要決。

1: 提供大眾的所需﹐而且是齊備。即係要有超市﹐個人用品店﹐便利店及酒樓/食店﹐這4大元素係走唔甩。

正所謂是街坊商場﹐長做長有﹐最緊要的是近居民。

2 : 交通人流接駁好﹐不少人的必經之路﹐正所謂是天時地利。人和便是靠有什麼店舖進駐﹐是否配合當地所需。例如大埸的﹐各種店都要有﹐細場除了用居民日常所需﹐也可以是專門一類產品﹐如game 店﹐it電腦店。

荃灣廣場當年原來都好多SHOP
http://youtu.be/HKrw2NmEo94

唔知而家仲有無咁旺場呢?

原帖由 neosan 於 2011-5-30 23:50 發表
荃灣廣場當年原來都好多SHOP
http://youtu.be/HKrw2NmEo94

唔知而家仲有無咁旺場呢?

其實佢而家裝修完左之後, 人流都算係咁,
但係我始終覺得佢比起以前黎講係小左人行 (可能始終有左荃新天地 o既關係) ~

原帖由 OTIS401 於 2011-5-30 19:33 發表
其實個人發覺，荃灣係有個問題
就係中型和大型商場實在太多，兼且太分散之餘又欠缺天橋連接，又欠缺自家的特色
豪輝
灣景廣場、如心廣場
樂悠居

豪輝已經租哂俾教育機構，唔憂做

灣景轉型做傢私商場，有待觀察

如心應該要守多一排，已經旺左少少

樂悠算係自給自足，無得攪