年青人是否對鐵路依賴？

我個人覺得樓主個例子唔係幾好
我住沙田, 冇學生優惠
但我過海基本上都會揀港鐵 (或者去尖沙咀轉船, 如果目的地近碼頭)
理由好簡單
o係時間唔係差好遠o既情況之下而佢又最平
咁港鐵真係最好選擇
反而去九龍/新界就真係睇情況
例如去旺角
夠時間就搭巴士, 平d
趕時間就搭港鐵, 快d

其實第2個角度黎諗 香港名人行出行入都係搭的士 咁樣我想問呢樣野係唔係叫做"香港名人是否對的士死心塌地"?
其實唔怪得佢地 因為學生搭港鐵真係著數過巴士 但係點到點方面(即由A地到B地,例如 上水到中環HSBC總行)未必夠巴士 但係而家通脹太強 師奶都左慳右慳 茶餐廳都加2蚊啦 一個學生做一份兼職有幾多錢? 加上而家有交友工具 可以識到更多人 而且娛樂消費又高 睇場戲都要60蚊啦 就算你睇早場 計你40蚊 呢度都係錢
係方便同優惠 自然有一個取捨
所以唔認同你既講法 而且係四字詞語上 只有"死心塌地"  請你做足功課 仲有 呢個詞語帶有貶意 閣下唔喜歡80,90後 係你自己既事 唔好投射係我地身上 一竹篙打一船人你聽過啦?

係, 我宜家都對鐵路痴心塌地(由其去九巴區域)

搭鐵路, 班次一定唔會疏過15分鐘, 而且正點率係正負3分鐘99% 以上 (東西馬鐵5分鐘)(雖然你可以話港鐵吹水, 但我信真係咁準)
唔洗大熱天時企係路邊食塵唔知幾耐
唔洗擔心九巴收車
唔洗擔心塞車
仲有價錢平

搭鐵路要轉車? 大多數轉車站都係行4分鐘之內(包括尖東-尖沙咀), 小弟腳骨力好, 行下當做運動

搭鐵路無位坐? 唔見到搭巴士會有位坐, 上到車已經偷笑
而且搭長途鐵路, 去到中段有機會有位坐, 好似搭東鐵線咁, 通常去到大圍沙田有一大堆人落車,
好多機會有位坐, 相反搭巴士, 一企就要企完成條公路
仲有就算係企, 搭鐵有得靠左車門側塊玻璃, 同埋行車穩定,
搭巴士全程要緊握扶手, 比較辛苦

搭得多鐵路會變路痂? sorry, 我係識搭巴士都唔搭巴士

所以, 宜家d 年輕人改搭鐵路, 亦非不無道理

[ 本帖最後由 JF1261 於 2011-6-7 01:24 編輯 ]

就現代年青人而言、有時間也去玩多一下、上網查車站？打機仲好啦！我兩個表弟叫他們由沙田美林搭車去荃灣都唔識搭、佢地話冇坐過巴士出去喎、淨係識地鐵轉地鐵............
雖然地鐵時間上係好預算D、但本人除非真的很趕時間、否則大多數用巴士出入、大家可以話我對巴士有興趣啫、但係自己覺得巴士方便些、我習慣咗預鬆D時間、所以不覺得有問題吖、如果我要去新地方、會試搭一次能去的巴士線、親身知道所需時間呢。
反正放假也會遊巴士河、搭一下新線或其他，下次去邊都知道有車嘛。

原帖由 pklaw 於 2011-6-7 01:22 發表
就現代年青人而言、有時間也去玩多一下、上網查車站？打機仲好啦！我兩個表弟叫他們由沙田美林搭車去荃灣都唔識搭、佢地話冇坐過巴士出去喎、淨係識地鐵轉地鐵............
雖然地鐵時間上係好預算D、但本人除非真的 ...

沙田去荃灣搭MTR嘅時間都幾甘下...

原帖由 victorkaho 於 2011-6-7 00:43 發表
2. 正如我上面話齋，佢地連research都唔做
  其實今時今日科技咁發達，出發前搵搵路線會用佢地幾多時間!? ...

好多人搭車的首要目標係完成旅程。
其次係用合理ge時間同價錢，唔係太過份都未必太在意。
（過份的例子係例如荃灣去元朗搭53或者太古城去北角搭A12）

人生花在交通的時間同金錢相對地少，又有其他更重要的事情要做。
花少少時間optimise花在交通的時間和金錢係咪咁值得呢？
成日搭，少數怕長計下或者值得，只係間唔中搭一次半次係咪真係值，真係好個人的考慮。

鐵路行車時間同價錢算係合理，更有近乎trouble free的優勢。
好難怪唔熟路的人，尤其是活動範圍較少的青年人的首選。

呢度大部份對公交熟悉的朋友，在交通選擇比其他人做得更好。
大家咪好好利用呢點幫自己同幫人囉。

[ 本帖最後由 s3n370 於 2011-6-7 01:33 編輯 ]

呢度有冇搭開798嘅板友?
可否講下搭798嘅乘客咩年紀多?

來往港鐵沿線, 學生當然係搭港鐵平
但有時當你搭港鐵要駁腳時,
善用九巴的 $3.8 轉乘可以平過港鐵好多
時間通常會用多咗 (唔多都會難預算過港鐵), 但對好多學生來講其實未必好重要
不過我所見係好多學生都只識搭港鐵

可能小弟自出娘胎未有地鐵加上在沒有地鐵的區域(土瓜灣及油塘, 後者在千禧年後才有地鐵)長大，所以多依賴巴士，造就我差不多所有誇區路線都可知怎樣乘搭，而且公司同事亦時常問我！

老實，用痴心塌地就誇張左少少~
雖然我都唔鐘意鐵路公司(esp合併後的「香港鐵路」)，但某D情況下，又的確唔可以怪人。

好多版友point out 左錢。
的確，你只要睇下海底隧道線，隧巴至平$9.3但鐵路只係$4 - $5.5不等。
如是者如果一個月通學20日，用鐵路已經慳到>$75~
對於唔係好多錢的學生哥(唔好理佢買iPhone好定點啦)，$75的確唔少錢~
就算小弟>20歲我都覺得$80好多錢~
(仲要有MTRClub，雖然小恩小惠啦)

仲有，你等鐵路(except 九廣東鐵 / 馬鐵) 有冷氣，又知大概幾時有車到~
同埋準點的確鐵路相對較優~
學生哥情願歎下冷氣好過通街食塵~
望住條街又要擔心會唔會冇車到，上唔上到車etc~
(有幾多學生知鐵路行定速有幾慢 or 慢過其他公交?)

舉個例，有次要西灣河-->銅鑼灣，我話2X，佢地話地鐵。
我雖然熟2X的確有機會快過地鐵，但我都寫唔到包單怡和街塞唔塞啦~

還有，鐵路可以某一個站等一班人，then去另一個站等另一班人一齊gather~
巴士只能夠同一個place去gather人。
(有版友話可以一班人談天，都係一個point)

加上唔係個個識路，都係一個問題…….
而鐵路車站附近好多時有駁腳，根本好多人唔洗勞心坐咩巴士instead好~

所以我覺得唯一的方法，係多D做promotion，同做多D特快~
做promotion可以令大家知邊D線去邊，停邊度~
特快係同鐵路抗衡~
(舉例: 我住柴灣，就算平，出天后我都坐8P唔光顧鐵路)

至於慣性，呢個冇大方法，
當然人大左，要面對多D唔同環境，自然會識多D唔同方法~
同埋始終唔係個個都係識路嘛~
我上年去上海，我唔識路都要靠上海地鐵~
鐵路的確會降低迷路的危險呢~



以前我都會恥笑人，不過見得多左，
我又覺得，最重要個人去到個目的地~
總之唔好全香港九龍新界走均先到, or太time-consuming的route就是啦~