千四大學學位俾大陸人 VS 香港學生無學位升學

某大學，近年研究院入學日子，指示都以普通話及簡體字為主。

關於學生質素，這是個人問題，甚麼人都有好有壞。
但至於收生，我都認為應該盡量照顧本地學生。
本科還算可以，研究院真係無乜邊個個名唔係漢語拼音。

原帖由 3ASV196 於 2011-7-4 11:00 發表
其實最大的問題有D站友都講左, 就是各大學為左爭取更高既國際排名,
大家都太過忽視本地人, 包括收學生, 定請教職員, 或研究人員..

好聽d就話有競爭先有進步, 但其實爭取更高既國際排名只是一場反智,
破壞大學傳統, 無意思的競爭...

請一班專出文的大陸人去係咁鬥出文出, 去拎排名, 根本係無實際進步...

而且, 近年所收到的大陸學生, 已經唔係特別叻, 亦有唔少只是借香港
做往美國等地的跳板, 根本無心係香港讀....

當然, 我唔想一竹犒打一船人, 當然有d內地學生係好

咁我覺得又唔需要狹隘的去「本地化」，對外來學生、學者設置更高門檻……
提高學術水平，其實係有必要。

我當年香港讀undergrad果個department，近幾年新請的教員全部都係
晌美國讀PhD及/或做過postdoc的大陸人，一個香港人都無，
據知係有香港人apply，不過水平始終比唔上大陸人。
如果大陸學者的水平真係比香港高，我覺得其實無需要將大陸人拒諸門外。

而事實上，我個field入面，真係有唔少大陸人的研究水平好高。

至於近呢幾年收的內地生、不論本科生或研究生，都唔係特別叻，呢點其實我認同，
而點解會有人借香港作去美國的跳板，唔留晌香港讀？
呢點不如問返下各間本港大學，佢地請tenure-track教員，有幾可會請返local PhD？
相反，教授不知幾咁鼓勵學生多d走出去exchange，走去報外面的top-tier PhD programs，不知幾想d人走。

同埋，我因為玩過呢個game，必須指出一點：北大清華復旦的尖子，要去美國名校
讀grad school，其實易過由香港過去，雖然近兩三年已經比以前難左少少。

[ 本帖最後由 S3BL100 於 2011-7-4 16:14 編輯 ]

原帖由 DIH 於 2011-7-4 11:46 發表
本科還算可以，研究院真係無乜邊個個名唔係漢語拼音。 ...

問題係，以我當年所見，local本科生，有足夠水平讀研究院而又唔走去外國/走唔到的，其實人數極少……

雖然我唔係話個個大陸落來讀碩士博士的，水平都好高。

原帖由 AVD1 於 2011-7-4 00:48 發表
有咩可能香港 o既大學可以下下不理港人死活, 每年拎 1400 個學位比大陸人士 ?  

如果你話一個香港學生只要A-level考到兩科語文加埋兩科AL全E就合資格入大學、可以讀得掂，恕我不敢苟同。

原帖由 S3BL100 於 2011-7-4 15:29 發表


問題係，以我當年所見，local本科生，有足夠水平讀研究院而又唔走去外國/走唔到的，其實人數極少……

雖然我唔係話個個大陸落來讀碩士博士的，水平都好高。 ...

略作分享。

我都算係「有足夠水平讀研究院而又唔走去外國」的人，如果我話要出國讀，出唔出到呢，
我唔知，因為我無如此打算過。

我的行頭中，只以本校為例，上三代下三代都只有極少人會/能夠出國讀研究院，
就算係去，都至少在本地取得MPhil再出國上PhD，但大約2007/8年起開始有四年制直升PhD，
有不少人選擇這條路，出國始終係少數。讀完PhD出國做postdoc就有。

我相信有很多人的考慮是：
1) 本地本科教育能夠傳授的識見有限，不先在本港研究院打好基礎的話難以和外國學生競爭；
2) 財政問題，既然在香港讀的認受性不差，無謂花費太多金錢出國；
3) 時間問題，上面講的四年制直升PhD真係好吸引，同我同屆的人而家差唔多PhD畢業，
　如果出國，至少要遲多一年，加上個別教授要求及實驗運氣不同，隨時更耐。

講真，如果係有能力的，在本地研究院取得一席不難，
尤其是理科實驗型，教授早有心水人選，報名只係程序。
好似我以前老細，如果有大陸學生慕名而來報讀，必須先做個ppt簡介自己往績，
教授會問lab入面較資深研究生的評價，加上他們自己圈子對這人或其學府的分析，再決定收唔收，
收到入lab之後，都要依照lab本身的制度同標準做事，一視同仁，
而這些「標準」部分取材自美國、德國同行的實驗室。
有某些教授則斬釘截鐵拒收內地生，包括自己都係大陸出身放洋再到港的教授。
其實在這些不同程度的differentiation之下，
本地生只要行得正企得正，有真材實料，仍然有一定的上位空間。

原帖由 DIH 於 2011-7-4 15:58 發表

略作分享。

我都算係「有足夠水平讀研究院而又唔走去外國」的人，如果我話要出國讀，出唔出到呢，
我唔知，因為我無如此打算過。

我的行頭中，只以本校為例，上三代下三代都只有極少人會/能夠出國讀研究院，
就算係去，都至少在本 ...

咁可能我個field的情況同你果個field有唔同……

我果個department，上三代下三代每年平均都有四、五個人出國讀研究院，
大部分都係undergrad直接走去，當中入到field入面tier 1 (i.e. ~ top 10)同tier 2或以下的學校的人數各佔一半，
而入到tier 1學校的人之中，間學校係香港人所熟悉的名校的，絕無僅有，
反而入到tier 1而香港人聽都未聽過的學校的就唔算太少。

留意到一個情況，就係undergrad直接走人 vs 讀完MPhil先走的，
後者入到的學校平均至少比前者低一個tier，原因可能係最top的一班
已經係undergrad完之後走晒，但係據我聽返來，另一個原因係讀完MPhil的
有返咁上下研究經驗，外國學校對他們的標準同期望又完全唔同晒，令到佢地反而難入好多。

至於你提到的三個考慮：
1. 我知好多人都係考慮到唔讀MPhil「打好基礎」好難同外國學校競爭，
不過除非同Caltech、MIT同Berkeley比，否則香港大學教育提供的undergrad training，
technical aspect實在唔差，只係學生見識 (i.e. 對該課題尖端研究的認知之類) 一定差過出面。

2. 如果想留返晌個field入面搵食，香港的大學本身其實都唔係太認受自己培訓的PhD，至少我個field係咁。
再者，去外國讀pure science / engineering的PhD，一般都會請你做TA或者RA，
包學費生活費，所以其實唔使擔心財政問題。
當然生活費唔多，我而家每個月的生活費，扣左稅但係未扣租，
已經少過香港讀MPhil的每月收入……

3. 我個field入面，晌美國學校讀PhD，無論你係undergrad入去，定係MPhil之後先去，
起步點都一樣，所有coursework都要一齊來過，換言之MPhil技術上等同浪費兩年時間，
再者美國pure science研究院根本唔會收人讀terminal master's degree，變左佢地大部分學生都係undergrad直入。

不過「本地生只要行得正企得正，有真材實料，仍然有一定的上位空間」呢句，我就絕對認同。
只係真係想「上位」果班好多都走晒，而晌度嘈話做咩俾咁多人落黎讀postgrad而自己水平未逮果班，
好應該自己諗下自己點解水平未逮，自己係咪真係對果科有充份認識，而唔係一味晌度嘈。

雖說話香港U係香港納稅人資助，畀香港人讀先都有道理
但，「符合最低入學資格但冇U讀」又係咪真係衰唔夠位？
一個商科人，入唔到BBA，但就算engine有位剩，個位對個商科人泥講一D用都冇
大學學位唔似中學，中學讀既野差唔多，但大學就專門好多
你唔係果個field好多時都係讀唔掂，就算恆商6A走去報工程都係會一腳申你走
而同一時間，大學學位資源好難做到on demand adjustment
唔可以今年social science熱門就收多D，出年到engine爆人就engine收多D咁樣
結果咪年年都會有堆人入唔到U，收唔收NDS都係咁話

回#16，少許補充：
我讀的大學學系有一名師姐讀完PhD走去做化妝師，星期五(7.1)東張西望有講。
同一時間，我當年讀MPhil的lab有至少兩名「出品」去了UC Berkeley做postdoc。都係人各有志。

我這行在香港的就業空間真係不大，所以好多人都在U-grad後去搵工(多與本科無關或輕微有關)，
讀研究院的係少數，而且真係對學術有興趣而唔係諗住用學位換地位：
一來讀研究院真係好辛苦，二來到自己研究院畢業時，U-grad出去做野的同學人工已經多你30-50%，
三來香港這個社會真係冇乜科研出路，長遠而言，高學歷不一定會換來更豐盛的人生。

機會的確係外國比較多，但如果要拋低家人去外國工作，就真係非常困難的抉擇。

有些人可能就這樣，即使有能力，都唔讀研究院而去打拼了，研究院收得多外來生都唔怪得人。

原帖由 S3BL100 於 2011-7-4 15:33 發表
如果你話一個香港學生只要A-level考到兩科語文加埋兩科AL全E就合資格入大學、可以讀得掂，恕我不敢苟同。

A-Level程度計相等於大學預科，或者四年制大學下一至二年級程度(以A-Level Economics為例，範圍比大學一年級Economics 1A同1B更深更廣)。假如大學科科C都可以畢業的話，2AL+2科語文合格絕對讀得掂大學課程(當然，讀得掂唔等於讀得好)。

而且，呢個最低標準係大學自己Set，無理由有學位俾大陸學生都唔俾符合入學資格嘅港生入讀。

原帖由 PB602 於 2011-7-4 22:51 發表


A-Level程度計相等於大學預科，或者四年制大學下一至二年級程度(以A-Level Economics為例，範圍比大學一年級Economics 1A同1B更深更廣)。假如大學科科C都可以畢業的話，2AL+2科語文合格絕對讀得掂大學課程(當然，讀得掂唔 ...

非常同意, 讀唔讀得掂根本就唔係一個主要問題
問題係而家香港 o既大學連機會都唔比香港學生先係問題 ~