熱狗巴如蒸籠焗暈車長

原帖由 FY5856 於 2011-7-7 13:11 發表
但係 92 全冷前好似有 S3BL 掛牌嫁喎...

92全冷前有兩部坦克蘭做正字軌，小弟當年多會等熱車先上而唔搭短龍

原帖由 3bx 於 2011-7-7 00:18 發表


唔係太認同，以前入大澳搭1號車開窗，即使係大熱天中午都涼過唔少空調巴。

你都講明係以前. 無可否認香港近年o既天氣真係越整越熱 / 焗, 今時今日來自窗外o既生風對於降低車內溫度o既幫助係減低緊. 我長期都keep住耐唔中坐下72A呢條埔公線 (以前就仲有70, 74A) 遊下車河, 早幾年即使係坐開籠 (我坐72A直頭10次有9次都係揀返代表車GA5144), S3V呢D通風相對較差o既車, 響城門河過橋、埔公呢D路段都feel到係有涼風吹入車, 基本上架車係咁飛站開得偏快係唔會點出汗. 今年夏季最近1, 2次坐返GA5144行72A, 發覺真係有分別, 尤其最近果次 (架車續左牌之後), 響城門河過橋feel唔到有風, 響埔公有風吹入車, 但學其它板友所講, 坐埋樓上都係吹熱風, 結果成程車都覺得好焗, 間中有出汗咁.

我完全認同熱狗有佢o既好處, 例如空氣對流會比用梗窗o既冷馬好, 但香港個氣候環境慢慢變得唔岩熱狗行又真係事實 (環保問題只因香港淨返o既熱狗都係舊型號, 熱狗與冷馬之間o既差別對此問題影響有限).

原帖由 3158 於 2011-7-7 00:17 發表

電車有冷風機,熱狗 .........

電車那部「冷風機」其實風力很弱，你大概當它是一把風扇好了……
其實非空調巴士部分駕駛室也加裝了小風扇，不過可能因為車頭有散
熱水箱所以會熱一點。

原帖由 kei_hk 於 2011-7-7 11:35 發表


最初先把郊區線全冷﹐原因係當年2軸的非冷氣巴士夠期退役﹐但路面又唔適宜用較長的3軸車行走。由於再沒有適合路面環境的短車服務﹐於是便要派出 ADS 這款冷氣短車去營運。

時至今天﹐不少鄉郊路面有所擴闊及改善﹐11米車都 ...

不過尾批M仔當時未夠 17 年已經要退役
可見當年兩軸熱狗根本唔係全部都趕住退役
剩返呢幾部其實仲可以行類似 94 呢d郊區線多幾年...

原帖由 Ms.Potato 於 2011-7-7 00:09 發表

我都好同意，其實行郊區都係差唔多，始終巴士內嘅空間都係密封，只不過有得打開窗吹下，但始終係焗，尤其係開龍同熱豪，上層車頭大部份密封，吹到嘅風就更少。

喺現時嘅幾款熱狗當中，係無一款巴士係可以吹到大量嘅鮮風入司機位，司 ...

之前好似唔知響邊個網站睇過,
話開龍同 S3V 上層車頭個窗既設計係要針對積聚響上面既熱氣...

有錯請指

[ 本帖最後由 FD5410 於 2011-7-7 20:06 編輯 ]

原帖由 GY8940@93A 於 2011-7-7 18:57 發表

你都講明係以前. 無可否認香港近年o既天氣真係越整越熱 / 焗, 今時今日來自窗外o既生風對於降低車內溫度o既幫助係減低緊. 我長期都keep住耐唔中坐下72A呢條埔公線 (以前就仲有70, 74A) 遊下車河, 早幾年即使係坐開 ...

我講梗係大澳道、羌山道等的環境而言，同城門河、埔公的對比太大。

原帖由 FD5410 於 2011-7-7 07:56 PM 發表
不過尾批M仔當時未夠 17 年已經要退役
可見當年兩軸熱狗根本唔係全部都趕住退役
剩返呢幾部其實仲可以行類似 94 呢d郊區線多幾年...

當車越退越少﹐巴士公司在行政處理便越煩﹐即係調派部車去行那一條線﹐幾時定期維修等等。

去到最後﹐要用到調廠去服務個別一兩條線﹐車廠要刻意KEEP住這批車只可行某些路線﹐對於派車而言﹐直情係麻煩。

既然已經有合理理由去全冷﹐又點解唔一刀切去全冷? 對行政調配車隊都有好處


即使去到出年年初﹐最後都應該會有一批車未到期﹐但都會因為所有路線全冷而提早退役。
原因係熱九車太少﹐令到調車出現困難﹐大量「假冷熱線」出現﹐所以唔去全冷都唔得。


PS. 我當年聽聞M仔有部份係車陣問題﹐所以提早退役。

車長暈倒，會否不是純粹因為車內氣溫高，而是跟現時電腦化車務系統有關？

以往人手寫更紙的年代，由於人工操作，預算的行車時間往往較為鬆動，例如將開車時間調整為每5分或10分，車長從而每轉車都有少許休息時間。但近年推行電腦化車務系統之後，行車時間有了精確的統計，行車時間表（師傅表）按實際平均所需時間重新編定。每當交通不暢順、乘客人數多、收車壞車提早押後等情況，不論冷馬抑或熱狗，均時常會出現「即捕即解」的情況。駕駛非空調車的車長如經常「即捕即解」，身體欠缺間歇性休息，體溫無法下降，容易造成不適。

自香港有巴士服務以來，八、九十年都是行走非空調車輛，而一直以來都鮮有巴士車長因車內溫度過高而中暑的情況；反而近年推行電腦化車務系統之後，即常有車長駕車時不適，甚至中途即時辭職。

可能司機渣開冷氣車,渣熱狗唔慣

個司機係渣開MS5527,但今個月MS5527係收車

...

3C豕日無出熱狗了

原帖由 FY5856 於 2011-7-7 13:11 發表
但係 92 全冷前好似有 S3BL 掛牌嫁喎...

重貼當年特見:

[ 本帖最後由 king 於 2011-7-8 00:28 編輯 ]

原帖由 lcwhk 於 2011-7-7 22:08 發表
車長暈倒，會否不是純粹因為車內氣溫高，而是跟現時電腦化車務系統有關？

以往人手寫更紙的年代，由於人工操作，預算的行車時間往往較為鬆動，例如將開車時間調整為每5分或10分，車長從而每轉車都有少許休息時間。但近年推行電腦 ...

今時今日既天氣, 根本同以前好唔同, 果時既夏天熱極都會有風, 而家就係又熱又焗
再加埋好多司機揸慣冷氣車, 叫佢揸番熱狗咪話要跳樓要死要劈車囉


不過行車時間同以前有分別, 我覺得係關D燈位事, 而家D大路小路事無大小都裝十幾廿枝交通燈, D燈仲要戇居到前面紅燈後面綠燈, 咁D車點行? 行車時間咪咁樣拖長哂囉