舊雙、新單，誰成本較高?

原帖由 kks 於 2011-8-21 16:36 發表

九巴的計折舊係一條直線
車價係由十四年平均分擔
無論架車車齡幾高，該架車每年折舊都係一樣

但係一架巴士係用十七八年,
頭十四年分擔晒之後,
最後三四年就係零折舊

原帖由 dippy 於 2011-8-21 15:56 發表
所以新線通常用舊車
做出黎條數就靚D

B1及73如何

B1用新車係標書要求
至於73算係新線??

愚問
條條線用車唔同，一年都唔知轉幾次掛牌
計折舊唔係應該用整體車隊折舊再除番開俾每條線咩

原帖由 3ASV174 於 2011-8-21 17:19 發表

當然唔止，
一架跑中程路線，
用 10L 偈既十二米雙層巴士一日都要入 300L 左右油先夠跑。

比喻姐 ~~
相熟朋友話新單層耗油量大約係舊雙層的六成左右.....
當然係咪就不得而知

原帖由 HF3204@243M 於 2011-8-21 21:36 發表
愚問
條條線用車唔同，一年都唔知轉幾次掛牌
計折舊唔係應該用整體車隊折舊再除番開俾每條線咩

只要佢係用一架一架車去計一條線賺蝕就可以啦
正常一架巴士出車，佢用左幾多油、咩司機渣、咩折舊、收左幾多錢都會有晒記錄

我諗樓主最主要想知既係
新車既折舊支出會唔會高過用雙層車多左既成本...

原帖由 AP38 於 2011-8-21 21:37 發表

比喻姐 ~~
相熟朋友話新單層耗油量大約係舊雙層的六成左右.....
當然係咪就不得而知

咁比起新既雙層車既耗油量
果百分比係會更高定係更低?

原帖由 Snoopy@FB8617 於 2011-8-21 21:42 發表
我諗樓主最主要想知既係
新車既折舊支出會唔會高過用雙層車多左既成本...

咁就要睇下架單層車價幾多囉
以二百萬車價計，一日折舊大約要四百蚊
如果條線要行D貴價隧道，咁就保證有賺
但，如果純粹行普通路線的話，就要逐樣野consider
司機人工轉加三可以慳到既支出唔會特別多
用油量方面，如果真係比雙層慳40%油既話，應該都慳到過千蚊…

其實﹐計算一條巴士線有沒有盈利(成本)﹐不用想得太複雜。

巴士公司也不會用一條複雜的方程式去計算﹐只會粗略去計算。

首先﹐巴士公司會有一個標準去計算一部巴士的日常維修的平均數﹐即是整體的日常維修總數﹐再除以車隊數目﹐得出第一個成本 ~~ 維修。

其次﹐計算用油量。方法有2個﹐1是用行車里數去計算﹐2是真係量度每一部車的耗油量。我個人估計多數會用前者﹐因為1部巴士一天之內可能會走多條線﹐以及不同時段用車量不同﹐用方法1去計算一天有多少班次便可。

個別路線需要一些附加支出﹐例如隧道費。

最後﹐是司機及後勤人員的成本﹐便是把成家公司所有員工的薪酬﹐平均分配在每一部用車之上。例如某線用車5部﹐便計算5份。

這幾項加起來﹐便是一條巴士線的運作成本。再計算每條線的載客率﹐便知有幾多收入﹐2者比較得出每條線的盈虧。

巴士本身是公司資產﹐折舊只不過是一間公司把購買資產成本﹐灘分多年去支出﹐令公司資產值慢慢下降﹐是會計制度問題﹐不屬於實際營運入面﹐所以不應該計算入去的。
因為要計算入巴士線營運成本﹐便會太過複雜﹐難以計算。例如一條巴士線又有新車﹐又有舊車﹐又有不同車款﹐又因匯率問題而車價不同﹐真係天才都計唔到。
真的要計﹐也都是用平均數的方式處理。



而樓主所問的是舊雙層及新單層的成本問題﹐其實分別只是在秏油量。

我見解係單層車的秏油量一定比雙層低﹐新車理論上會比舊車慳油。至於司機成本﹐如要計算﹐都應該用一個公平方法去計算﹐即是應該要用相同的成本去計算。

[ 本帖最後由 kei_hk 於 2011-8-21 22:44 編輯 ]