再提沙中綫

原帖由 hkbw 於 2011-10-25 20:03 發表


唔係真係咁大陸化吧..
不過, 一早已經有講過話西鐵會在日後沙紅線通車, 東鐵過海之後改變運行方向,
而技術上, 西鐵已經預留了相關設備及設定, 稍微更改程式就可以改方向的了...

但個人希望唔好真係成事~~ ...

唔係大陸化，只係方便轉車嗟。
馬鐵現在的安排是方便大圍轉車，如果西鐵調轉埋，南昌都可以方便轉車。
兩者都是南行跨月台轉乘，始終都係早繁南行的轉車人流會較多。

至於點解馬鐵唔設計好個大圍站方便轉乘又唔使調轉行，
當時的網上討論係，附近已有大量屋苑，大改造會影響民居，
又會影響東鐵原有運作，所以都係黐埋一齊就算。

南昌站打通時都有問過M記，得到的回覆係有諗過，但話調轉會搞亂列車入廠清潔。
可能東西綫打通後，轉車方便會重要過入廠清潔方便卦。

[ 本帖最後由 DIH 於 2011-10-25 21:40 編輯 ]

原帖由 Anpretext 於 2011-10-25 08:03 PM 發表
跟馬鐵的話, 南昌站轉車會方便左

最初設計時已經講﹐大圍區最後一個車站之後﹐入隧道之前會把馬鐵來回方向左右倒轉﹐以配合其他路線接駁。

順帶一提，
沙中綫南北綫(東鐵綫)新列車合約(1141B)已預審，
明年(2012年)第三季就會有公佈。

中文版:
http://www.mtr.com.hk/chi/tenders/SCL_1141B.html

英文版:
http://www.mtr.com.hk/eng/tenders/SCL_1141B.html

寧願西鐵轉方向就馬鐵，好過要新線路去就。西鐵轉方向的話，南昌站的轉車客會方便好多，不過呢間地產鐵路公司會認為，乘客方便不會帶來收入，反而大堂少了客流，可能影響租值，影響股東回報。

原帖由 kei_hk 於 2011-10-26 12:26 發表


最初設計時已經講﹐大圍區最後一個車站之後﹐入隧道之前會把馬鐵來回方向左右倒轉﹐以配合其他路線接駁。

http://www.mtr-shatincentrallink.hk/pdf/public-consultation/consultation-meeting/district-council/shatin/20012011_ppt_c.pdf
以此2011年1月20日的文件，slides 3, 5, 8都可以見到顯徑站一帶，似乎沒有立體交差。

最初設計時夠有張圖係鑽石山會係四軌並排。
最初設計時夠無話會用紅磡貨場擺車。
所以我唔會理「最初設計」係點。

調轉西鐵方向係對乘客流動最有利、而技術上最簡單的做法。

當然這仍然只是猜想。

再半OT:
有冇消息話沙中線(同客運專線)係歸九鐵定政府?
因為自從九龍南線後都冇提過九鐵項目lu.....

(雖然沙中線係九鐵中標，而客運專線初時亦係「委托」九鐵起.....)

[ 本帖最後由 KV1902 於 2011-10-27 01:05 編輯 ]

原帖由 KV1902 於 2011/10/27 00:42 發表
再半OT:
有冇消息話沙中線(同客運專線)係歸九鐵定政府?
因為自從九龍南線後都冇提過九錢項目lu.....

(雖然沙中線係九鐵中標，而客運專線初時亦係「委托」九鐵起.....) ...

我諗就歸政府, 情況同廣深港高鐵類似。

原帖由 stevenlim84 於 2011-10-26 14:33 發表
寧願西鐵轉方向就馬鐵，好過要新線路去就。西鐵轉方向的話，南昌站的轉車客會方便好多，不過呢間地產鐵路公司會認為，乘客方便不會帶來收入，反而大堂少了客流，可能影響租值，影響股東回報。 ...

應該唔會既,
而家朝朝馬鐵D客都可以搞到東鐵班班爆,
如果要落大堂既話可能有乖客回流巴士

其實係咪因為有技術問題先放棄係馬頭圍做立交？唔知港鐵又會唔會恢復係顯徑至鑽石山區間做回立交？

原帖由 Wright---AVW16 於 2011-10-30 00:27 發表
其實係咪因為有技術問題先放棄係馬頭圍做立交？唔知港鐵又會唔會恢復係顯徑至鑽石山區間做回立交？

我睇怕港鐵應該唔會特登整立交居多。

因為鐵路要特登整立交的話，所需的距離較長，例如廣深鐵路的那個立交幾長你就知道。

再者要在鑽爆式隧道路段特登整立交的話只會令測量和建造的難度增加。

其實立交並不是調轉行車方向的唯一辦法，只要恰當使用雙向渡線其實已經可以用來調轉行車方向，再者其實「單層月台車站──雙層月台車站──單層月台車站」這個系統的車站設計其實理論上已經可以用來把立交隱藏在這三個車站之內。

其實一條鐵路路線從來都沒有硬性規定一定要全程都是同一行車方向，馬鐵大圍站之後不是已經有交叉渡線嗎？只要到時用來調轉行車方向就已經可以啦。