當年風機運作及小小感想

想向各位請教
當年第一款裝上風機之車款（下簡稱風機車）投入服務之車種是那種？
是BL？3BL？定還是ME先裝上？又是那個年份？（1986年？）

以我印象的少少資料
有裝上風機之車款除以上三種之外，九巴的分別是…
後期的3N
S3M（除青色車窗那批）
爬山M仔
S3BL（除青色車窗那批）
S3N（除青色車窗那批）
S3V
中巴的有…
後期的ML
DL（除DL1、2）
所有DM和LM

（以上有數漏的請接力）

有沒有印象3N、S3N吉龍和DL是否風機只設於上層車頭位置
樓下是沒有風機裝置？那些出風口應該只是裝飾而已,並無風出吧，對嗎？
而所有康偈S3N（除密龍外）都是有獨立座機幾個出風口
（有別於裝於整條風槽中的某個位置）
雖然風機車種並不少，可惜平日鮮見司機有開風機（有時打風落雨都唔開）
有時真係懷疑究竟是否有風機存在...
另外風機之運作是否又有兩種？
我以前觀察到的一種是停車之時才開動
另一種是長開
是否用以落雨天時所有車窗被關下方便抽風？

個人最欣賞設有風機之車種是E蛇龍或開龍
因為每台機都有幾個出風口
唔似3BL、BL、ME那些要靠估出風口o係邊
又唔似M仔、S3M或S3BL那些兜頭兜面吹到正（一係就無）
更唔似3N或吉龍那些有等於無（事實上都完全唔知開左後D風o係邊個孔出）

唔知各位對風機車有何看法？
就襯住就黎所有熱狗都退時不妨懷緬一番吧！
（歡迎貼相）

其實風機o係以前的確係會開既
我記得96~97年果個年紀，坐93A堆都、95M堆吉龍、98A堆開密龍
都仲係一停車就大量嘈音

最早有風機的是ME, 跟住係尾批BL, 再之後係3BL, 3N, 然後就到一眾啡窗11米.

3N及吉龍S3N上層的風機只有在車頭組件入面部機抽風至第一隻窗出風, S3N已屬改良版, 風力比3N大. 下層大家都有, 分別在左邊導航位上及右邊樓梯後.

首先, 沒有風機的風口不是「裝飾」用,
而是希望與車廂外有通風而解決車廂太焗的問題.
風機只是這個設計的其中部份而已.
當然, 3N的設計可以說是失敗, 因為新鮮空氣進入
風糟不多, 要在高速時才感受到.

當年有開風機的巴士, 停車當然會著風機,
另外當車長開了水撥, 風機也會長著, 不是另設一個掣.

後期的風機巴士, 可能因為車廂空氣質素問題,
風機已被關閉, 不是車長不開.

好記得以前成日搭風機S3M, 對準風機位坐的涼爽程度, 不下於冷氣巴

原帖由 ricky619 於 2011-11-17 09:42 AM 發表
首先, 沒有風機的風口不是「裝飾」用,
而是希望與車廂外有通風而解決車廂太焗的問題.
風機只是這個設計的其中部份而已.
當然, 3N的設計可以說是失敗, 因為新鮮空氣進入
風糟不多, 要在高速時才感受到.

當年有開風機的巴士, 停車當然會著風機,
另外當車長開了水撥, 風機也會長著, 不是另設一個掣.

後期的風機巴士, 可能因為車廂空氣質素問題,
風機已被關閉, 不是車長不開.

我聽回來的版本係﹐風機個制雖然只有一個開關制﹐但是有分成2級的(有如車頭燈﹐分成2格的)﹐按一半的係跟停車﹐按到底的係長開。
絕大部司機都是接一半﹐即係跟停車。事關運作時真係好大聲﹐行車時又有風吹入(那個年代﹐除非大雨到唔可以開窗﹐否則一定會開一條細空隙的)﹐所以唔想行車時有另類燥音。
事實上我係試過坐車﹐在無下雨天﹐陽光猛烈的日子﹐巴士在總站開出的時間﹐風機由撻車一刻開始﹐一直長開十多分鐘。大既司機係想長開風機加快車廂散熱﹐當車行了十多分鐘﹐車廂已經降溫才關風機。


後期唔係風機被關閉﹐而是熱狗車開始退役﹐唔想再訂零件及保養﹐索性拆風機。有部份s3n (e蛇之前的車)更加換風槽外板﹐把原有出風位的風槽變成無出風位﹐以前 41 其中1部掛牌車便是這樣。
最後﹐熱狗加裝報站時﹐喇叭便放在風機位置(s3bl, s3v, e蛇打後的s3n)﹐事關此位置抽走風機後﹐有一個空間﹐故此用此位便不用再煩找位置安放喇叭。

原帖由 kei_hk 於 2011-11-17 11:02 發表


我聽回來的版本係﹐風機個制雖然只有一個開關制﹐但是有分成2級的(有如車頭燈﹐分成2格的)﹐按一半的係跟停車﹐按到底的係長開。
絕大部司機都是接一半﹐即係跟停車。事關運作時真係好大聲﹐行車時又有風吹入(那個年代﹐除非大雨到 ...

退役？只係第2次大修時因為覺得麻煩，同時一直都有不知好野既人話停車好噪，不如廢左佢........
不過風機計，ALX車身的確比較有效，DM同MCW側不太理想，好大撞風聲出風口又大直結果唔太出風....

不過以上都不經過濾直接打入車箱....個人覺得除了雨天外，還是沒甚麼大作用

原帖由 DGCNYO 於 2011-11-17 12:03 PM 發表



退役？只係第2次大修時因為覺得麻煩，同時一直都有不知好野既人話停車好噪，不如廢左佢........
不過風機計，ALX車身的確比較有效，DM同MCW側不太理想，好大撞風聲出風口又大直結果唔太出風....

不過以上都不經過濾直接打入 ...

mcw 只係車頭第一排位2個﹐中段位置打對面2個﹐唔夠分散﹐效果達不到最理想。

而dm 靠車頭的1部抽風機﹐吹向2則的風槽﹐設計問題﹐令風力微弱。

而alx 車身﹐在中後段分開4台風機﹐不是打對面式﹐一左一右方式﹐相差2-3排位﹐令整個車尾空氣教流通。


整體來說﹐效果最好的係alx 車身﹐其次是mcw﹐最後是dm。不過﹐運作最噪的係mcw﹐其次係alx﹐之後係dm。

其實當年3BL同ME風機的分佈係點？
印象中果款網格風機真係最好果種，又唔似開龍果種會頂頭，但風力又夠，最重要是夠靜！

印象中 Dennis 系列中只有 3N94-3N157 及 S3N55 打後是有風機，而 DM1-DM40 是沒有的。另外想問長開風機會否增加耗油量及影響行車速度？　因為過往小弟認為基於上述原因所以停用風機。