80年代柴灣區巴士問題

仲有一條 88m
杏花邨到柴灣站 其實有冇客既呢?

印象中88M係極少人坐，因為MTR已經運作。不過88M間中會有IVE(當年稱為"柴灣工業學院")學生乘坐，因為當年柴灣公園仍未建成，由IVE步行到柴灣並不直接，亦可以話係有危險(要行入地盤)。

原帖由 PB602 於 2011-11-29 22:20 發表
1983-85年間，中巴曾經喺柴灣區經營大量短途路線，包括：
82 北角碼頭
82A 鰂魚涌
83 太古城
83A 西灣河碼頭
84 筲箕灣

真係一個地鐵站一條線... 其實呢堆路線非常重覆(同時仲有8, 80, 81等長途線)，唔知有無資深板友知道佢 ...

嚴格上，呢批線在英皇道/筲箕灣道/柴灣道係重疊晒，但係好似83/83A咁，太古城/西灣河碼頭並唔係在電車路，懷疑當年中巴開線係想cover埋呢d位置，又唔想用原有路線兜埋。
當年筲箕灣道一帶去柴灣真係架架車都上得，差不多唔駛等，不過當時筲箕灣道係幾塞車下，唔知同咁嘅路線安排有冇關。

想問第二代中記88 興華至柴湾碼頭客量如何？thx

原帖由 HK104 於 2011-12-1 15:24 發表

嚴格上，呢批線在英皇道/筲箕灣道/柴灣道係重疊晒，但係好似83/83A咁，太古城/西灣河碼頭並唔係在電車路，懷疑當年中巴開線係想cover埋呢d位置，又唔想用原有路線兜埋。

未填海前西灣河碼頭喺興民街，其實行出去筲箕灣道係十分之近。當然填海之後個碼頭搬咗出去唔係咁近筲箕灣道，不過呢幾條巴士線喺碼頭未搬之前已經同時存在。

以前工業興盛，相信柴灣同觀塘工廠區嘅交通需求都好大，好多人需要由筲箕灣道沿線入柴灣或者由柴灣過觀塘返工，而西灣河渡輪應該客量都好好，就算中巴將83由西灣河碼頭延長去太古城都要開番條83A補數，而82A亦特登兜入西灣河碼頭上客。今時今日工業式微，好難想像以前嘅情況。

88M原有路線係柴灣地鐵站至柴灣東，咁近都開一條線，其他區好少見。

原帖由 PB602 於 2011-12-1 19:51 發表
88M原有路線係柴灣地鐵站至柴灣東，咁近都開一條線，其他區好少見。

事實上當年小西灣未入伙，柴灣東已經是最東面的已發展區，
88M用意也只不過是上班人士的駁腳線罷了。

經過第二代88,跟著88M ,跟著小西灣的84M後....最終都係做不長的柴灣短途線 ,而家得返
條吊命的82M...  柴灣呢邊都不利短途巴士路線~~~

原帖由 ma2 於 2011-12-2 00:17 發表
經過第二代88,跟著88M ,跟著小西灣的84M後....最終都係做不長的柴灣短途線 ,而家得返
條吊命的82M...  柴灣呢邊都不利短途巴士路線~~~

當年中記「東區走廊特快線」都冇esp. 注重柴灣，咁最快就係地鐵~
咁可以想像到短途線客量有幾多~

788要1993年先「正規化」，後來第一代「(新)東廊特快」8X都1996年。
(80都係1996年先「黃底紅字」)
再加上「兩味轉全日」既金蛋特快線8P，改過既789，同「一物換一物」既82X，
咁短途線式微都正常，柴灣個trend已經由80年代做「中短途」變成「特快點對點」。
中短途線serve根本不符效益 (當然我覺得當時中巴做柴灣係無心做)
要鬥，已經唔再用短途，反正柴灣有獨市位~
(其實新城東區最有心做係柴灣)

仲有，柴灣短途線用左分段做，實際仲平過82M~

原帖由 KV1902 於 2011-12-2 02:28 發表


當年中記「東區走廊特快線」都冇esp. 注重柴灣，咁最快就係地鐵~
咁可以想像到短途線客量有幾多~

788要1993年先「正規化」，後來第一代「(新)東廊特快」8X都1996年。
(80都係1996年先「黃底紅字」)
再加上「兩味轉全 ...

80號往來柴灣新廈街至中環機利文街，七十年代開辦時已經係黃牌紅字，當年用車係BACO車身LX101....利蘭PD3/4....