有關機場快綫列車車廂一問

原帖由 OTIS401 於 2011-12-1 00:34 發表
機快通左車咁耐，小弟都只是坐過兩三次
還要是用免費車票來乘坐...

btw機快客量少的原因，會不會是和走線有關?

我個人覺得最攞命係車費
$100過海真係你搭埋我嗰份

另外上面有人 post 爛果條 link
乜馬鞍山綫繁時得咁少人坐咩 ? 我印象中搭過一次都企到滿晒;;另外嗰三條 URL 得75%滿更加係唔知佢點計出嚟

[ 本帖最後由 AV512 於 2011-12-1 03:09 編輯 ]

價錢同走線都有問題，機快目標客戶是商務客流，但市區三個站中，只有香港站在真正的商業區中間，九龍站上蓋Union Square如果全部是商業辦公室，都可以有一定客流，可惜那裡現在是高級住宅區，對機快沒有什麼幫助。

其實如果機快延長至會展，已經多了不少前往會展的客流，如果再延長至東九龍或港島東鰂魚涌的話，會增加本身的優勢。

另一方面，肯付貴價往機場的，還有不少過境來往香港機場的乘客，但港鐵的服務，令過境客不會選擇它。例如在羅湖，要先坐一個多小時才可轉乘機快，相對在上水坐巴士，巴士優勢很大。

商務客源不足，對旅遊客來說，車費實在太貴，每次推出半價優惠後，載客量明顯上升，即是說機快有不少潛在客戶，其實是因為車費貴而不選擇乘坐。

機快車費高達2.8/km，相對九廣直通車才1/km，機快的運作成本應該不會遠高於直通車，只要載客率有一定保證的話，應該不會虧本。

其實機快都有幾多潛在乘客,不過係"吸引力大,障礙更大",
你講嘅過境客係其一,
其二係旅遊客,除咗車費貴之外,車站遠亦係因素,當中去機鐵站有幾種途徑,
1.巴士
2.地鐵
3.小巴
4.的士
不過,1-3都唔比旅客超過1立方米嘅行李上車,
而巴士通常樓下都有直入機場嘅A/E線,機場員工A線廿幾蚊有得搭
港鐵重要左轉右轉,兼行得更多
的士嘅話,我搭得就直入機場啦
定線上,機鐵輸咗成條街,雖然有穿梭巴,但我係街客都無得坐,
我住東九,冇理由出到西九先坐直車入機場,
無錯,機快目標客戶係商務客流,但唔可以因此一成不變,
過咗十四年都無檢討過票價,
總括而言,要增客先減價
另外,服務時間亦係問題,早夜機客係幾需要快速服務嘅客源
呢個時段需求亦有幾多,但0600先開車........
其餘時間俾機場巴食哂,真係問題多多

[ 本帖最後由 AVW21 於 2011-12-1 18:53 編輯 ]

其實好簡單,

我去得機場.多數係大件細件行李
就算唔係,咁長旅途係人都想一程過

偏偏, 機快駁市區線, 我拿住大件細件行李, 住東九龍有錢不如坐的士,冇錢都E仔線一程到尾.個幾鐘
我平日番工淨係屋企起,拿住個公事包同電腦轉兩次地鐵先去到過左海的公司,都冇左半條命.
島上乘客一係去坐足條港島線去中環仲要行過去香港站
九龍ge乘客坐晒條觀塘線再轉荃灣線, 一係過海去香港,一係轉完荒島線去九龍站再轉
再唔係用任何路面車輛去機鐵站再轉....

唔好話諗點坐機鐵頭暈.睇我打個果斷你都頭暈.
鬼咁唔就腳,鬼咁貴.
你諗得來,我坐巴士已入左去.
計番你得荃灣線沿線客最有可能坐. (港島/觀塘線客已經比你果段市區線同轉車嚇死左.)

所以話佢洩錢,除左我會話預左之外,仲會話抵死. 得非本地人有套票, 有酒店車去機鐵站,仲有落左機想盡快去市區又唔識坐巴士落車的客會上當.
小弟係英國咁多年都係因為路面交通麻煩同路程遠先會比Tube搾頸就命...又係貪佢一兩程過.
香港咁細.巴士仲快過地鐵.我仲坐你機鐵做乜

原帖由 cn2661_2d32 於 2011-12-1 21:44 發表
其實好簡單,

我去得機場.多數係大件細件行李
就算唔係,咁長旅途係人都想一程過

偏偏, 機快駁市區線, 我拿住大件細件行李, 住東九龍有錢不如坐的士,冇錢都E仔線一程到尾.個幾鐘
我平日番工淨係屋企起,拿住個公事包 ...

最少機鐵已經serve唔到一班大新界/經口岸黎大陸落黎的人
我係沙田大埔搭一個鐘A41/E41/E42都已經到
經口岸落黎，去到上水已經有A33直達機場
點解我要轉幾程地鐵火車去機鐵站搭，仲要係拎住一堆行李去搭

你話趕早機又唔係路，6點先有第一班機快
城巴龍運五點幾已經開頭車，去到機場架頭班機快都唔知到未
本來我十二月尾要趕早機去日本，睇下機快會唔會早D
點知原來比A41的頭車仲遲

不過走線已經係鐵一般的事實，唔係話改就改
要佢起條線飛去塔九龍東，甚至沙田大埔上水已經係不可能
唯一可行的，便是降價...
宜家100蚊已經嚇怕了不少人
幾個人一齊成行的話，total都已經可以包架的士直達目的地

[ 本帖最後由 OTIS401 於 2011-12-1 23:26 編輯 ]

但係一個人, 機鐵+的士的確係快...

小弟家住北角...試過由落機去到屋企 (有寄行李)都只係60分鍾, $160
如果的士直落, $320 / $280 (八折的)
樓下條A11.....去機場還可以,
出市區由上環開始行電車路, 起碼個半鍾!!!

原帖由 cn2661_2d32 於 2011-12-1 21:44 發表
其實好簡單,

我去得機場.多數係大件細件行李
就算唔係,咁長旅途係人都想一程過

偏偏, 機快駁市區線, 我拿住大件細件行李, 住東九龍有錢不如坐的士,冇錢都E仔線一程到尾.個幾鐘
我平日番工淨係屋企起,拿住個公事包 ...

完全同意，一直都認為機快最失敗之處，就係定線差，基本上來來去去都係中環，畀盡都係港島，傳統旅遊旺區(如旺角、尖沙咀、銅鑼灣)佢唔到，主流住宅區(如沙田、屯門、東九龍)更大欖扯唔埋，更差既，係同傳統地鐵線直接接觸太少，其實如果停荔景的話會好好多，方便一大堆九龍新界既荃灣線客，反而青衣可以唔停(但背後原因，可能又係因為青衣有得起上蓋物業，荔景冇)

原帖由 OTIS401 於 2011-12-1 23:24 發表


最少機鐵已經serve唔到一班大新界/經口岸黎大陸落黎的人
我係沙田大埔搭一個鐘A41/E41/E42都已經到
經口岸落黎，去到上水已經有A33直達機場
點解我要轉幾程地鐵火車去機鐵站搭，仲要係拎住一堆行李去搭

你話趕早機 ...

講起早機.老城N線認真幫到手
小弟以前番英國御用班機一定係早上飛8點的NZ39,
晨早5點幾6點入機場....N線機場巴絕對方便....收你廿幾蚊.上車慢慢訓.一程到步,
行李又唔洗煩,街口上車合埋眼就到

如果西鐵南延至機場，用東鐵轉來的SP1900頭等車，開辦錦上路至機場的列車，收30元左右，應該可以搶回不少新界客，皇崗、福田和深圳灣口岸的過境客都會支持。

原帖由 mckhgc 於 2011-12-2 12:10 AM 發表

完全同意，一直都認為機快最失敗之處，就係定線差，基本上來來去去都係中環，畀盡都係港島，傳統旅遊旺區(如旺角、尖沙咀、銅鑼灣)佢唔到，主流住宅區(如沙田、屯門、東九龍)更大欖扯唔埋，更差既，係同傳統地鐵線直接接觸太少，其實如果停荔景的話會好好多，方便一大堆九龍新界既荃灣線客，反而青衣可以唔停(但背後原因，可能又係因為青衣有得起上蓋物業，荔景冇)

機場快線主打目標﹐其實係商務客﹐不是本地客﹐所以接駁唔到主流住宅區﹐完全理解。
**  點解香港及九龍有預先check-in﹐而青衣站無﹐便可反映主打那一類客。

主打的係一落機便去商業區開會辦工 or 先返公司做少少野才去坐飛機的人﹐後者更可選用預先check-in服務﹐便不用理會自己的行李。   ** 商務客是高消費的一群﹐這正正是收得貴的因由

接唔到油尖旺﹐是地理問題﹐已經完全發展﹐無空間再建車站。而現時九龍站附近﹐原本範劃都會有辦公室用地的﹐不過唔多。
而mtr也安排了免費的穿梭巴士﹐接載旅客前往不同的酒店﹐以彌補地理上的問題。


至於荔景可接駁機鐵﹐理論上可做到﹐不過便唔到東涌線接駁荃灣線﹐自己留意一下荔景站的車站附近可用的空間﹐以及荔景站當年如何進行大改做便可明白。
選擇東涌線在荔景接駁荃灣線﹐主要目的是去分流荃灣線過海的客量。以往過海路段係完全飽和﹐地鐵係要收繁忙時間附加費﹐政府也安排巴士公司加開隧道巴去應付人潮﹐最特別的一條巴士線係300號﹐太子開出﹐早上繁忙時間更加會特別安排調整彌敦道的交通燈﹐盡量做到全程綠燈不用停車。



青衣設站﹐你可以講有地產項目﹐但客觀去講﹐也只有青衣才有位置建一個大車站供本地線接駁。

設一個機場快線車站﹐要考慮的問題﹐除了車站本身有幾多空間外﹐也要考慮其他配套﹐例如停車上落客的地方﹐停車場﹐以及附近交通的接駁﹐附近交通網是否可應付新帶來的車流。荔景可以講係配套完全無法做到﹐而發展空間也不足﹐再開山只會令附近建築物有危險。
不再青衣設站﹐便要去到西九龍的填海區﹐即係現時九龍站一帶﹐換句話說青衣都可以講係唯一選擇。

[ 本帖最後由 kei_hk 於 2011-12-2 10:23 編輯 ]