反對天星小輪(灣仔至尖沙咀線)收取二十元單車運載費用

原帖由 LW1 於 2011-12-5 10:28 發表


對於熱愛舊式香港渡輪，恭某見證香港港內渡輪多年!以前油麻地小輪單車過海都要收費啦，要由下層落船，有轆要收費合理！
唔洗錢過海好嗎!？
渡輪唔同巴士，運作成本好高，不過，對於某啲人嚟講，根本唔會在乎，佢哋只會覺得，要平，最好免費 ...

恭兄,我不知道以前油麻地要收開幾多,點收法,只知載單車過海本身
已經係貨運,正如寵物坐船都唔係客運,屬貨運一樣,一隻船要運載
貨物,保險工作程序甚至船隻本身都要重新安排

當然收$20架單車好似獅子開大口,但天星本身隻船設計都無預要載貨,
要運單車就無可避免要減載客量(法例限制),就算唔減載客量單身本身
都佔用一定空間,收番相應收費都好合理

原帖由 orange 於 5-12-2011 14:18 發表

恭兄,我不知道以前油麻地要收開幾多,點收法,只知載單車過海本身
已經係貨運,正如寵物坐船都唔係客運,屬貨運一樣,一隻船要運載
貨物,保險工作程序甚至船隻本身都要重新安排

當然收$20架單車好似獅子開大口,但天星本 ...

其實多架單車真係佔位置(但佔唔多),收費都有理由,
但$20真係高咗啲,計番轉頭重貴過隧道巴,
睇過款都係補貼下,如果要收,可以收番過位數字,
應該無咁反對

不另開新文：

天星小輪方面申請加價，最多加接近15%，亦有提及收20元單車運費：
http://www.rthk.hk/rthk/news/exp ... 11205_55_802765.htm
http://www1.881903.com/apps/news ... 120517232606000.htm

呢班人扮哂大義凜然, 講乜鬼為咗公眾利益, 實際都係為咗自己私利反對之嘛

單車系甘二收番5-10蚊就差不多, 20蚊好似獅子張大口左D...

單車收費﹐我一點也不反對﹐在商業社會是正常的做法﹐始終單車是一件出門的非必須品﹐可視為貨物。

你可以講由免費變收費﹐好似好唔合理﹐但人家絕對有權作出收費安排的﹐人家也可定下一些規限去接載貨物﹐例如一宜已經有定下繁忙時間不載單車。

要出聲的﹐只可講$20似係乎係偏貴。但肯定去講﹐$20除了兜大運去用東涌線外﹐係用唔到其他方法去帶部單車過海的。

人地珊瑚海西灣河至觀塘同埋三家村線都要收好像$10定 $20
的每架單車過海收費 ....

原帖由 ma2 於 2011-12-6 11:53 發表
人地珊瑚海西灣河至觀塘同埋三家村線都要收好像$10定 $20
的每架單車過海收費 ....

珊瑚海在碼頭貼有非常詳細的貨物收費表，由單車到雪櫃冷氣電視，一應俱全~

原帖由 LW1 於 2011-12-5 10:28 發表


對於熱愛舊式香港渡輪，恭某見證香港港內渡輪多年!以前油麻地小輪單車過海都要收費啦，要由下層落船，有轆要收費合理！
唔洗錢過海好嗎!？
渡輪唔同巴士，運作成本好高，不過，對於某啲人嚟講，根本唔會在乎，佢哋只會覺得，要平，最好免費 ...

睇番昨天立法會會議上天星的解釋,表示要安排人手開下層的閘門俾單車上.

好了,就算沒有單車,都要搵人開閘門俾輪椅乘客上落,所以"人手"的理由只部分成立

收費不是問題,我反而是加幅是否合理,人VS單車 = 1:6.6, 似乎很不合比例. 就以台灣高雄的旗津-鼓山渡輪計, 單車免費, 就算以電單車計, 收費只是多乘客票1.3倍(乘客全票NT15, 電單車額外NT20), 上海渡輪也只是1.4倍(空調船乘客全票RMB2.0,單車RMB額外RMB2.8),但現時天星建議收取是乘客票的6.6倍(假日全票$3.0,單車附加費$20),加幅是否過大/合理? 現時私家車過紅隧一程才$20, 電單車才$8, 就算昔日天星紅磡線要收單車錢, 人VS單車比例也只是1:2.

原帖由 leslie 於 2011-12-6 13:45 發表


睇番昨天立法會會議上天星的解釋,表示要安排人手開下層的閘門俾單車上.

好了,就算沒有單車,都要搵人開閘門俾輪椅乘客上落,所以"人手"的理由只部分成立

收費不是問題,我反而是加幅是否合理,人VS單車 = 1:6.6, 似 ...

現時天星不設人手售票,安排單車作貨運收費,就需要
重新安排人手售票或者更改程式,令售票機/八達通機
可以收取費用,坐輪椅係無額外費用支出,有職員開閘
唔等於唔使收費

另外船隻本身要進行特定工程(或驗測),先可以提供
貨運服務,記著單車唔係輪椅,輪椅係輔助步行工具,
而單車係貨運,坐的士輪椅係免費但單車就要$5,你又
唔反對的士運單車要俾錢

補充多點,一架正常單車(唔計摺車)體積大約佔用5-6個
座位空間,而家收番你相等佔用座椅空間亦合情合理,始終
天星係做客運,運單車唔拆位都要減位,唔似部分港內線
本身已預留空間做貨運

[ 本帖最後由 orange 於 2011-12-6 14:19 編輯 ]