反對天星小輪(灣仔至尖沙咀線)收取二十元單車運載費用

分分鐘嘈多兩嘈 一係全部線劃一收費 或者唔俾單車上到時一拍兩散

原帖由 leslie 於 2011-12-6 13:45 發表


睇番昨天立法會會議上天星的解釋,表示要安排人手開下層的閘門俾單車上.

好了,就算沒有單車,都要搵人開閘門俾輪椅乘客上落,所以"人手"的理由只部分成立

收費不是問題,我反而是加幅是否合理,人VS單車 = 1:6.6, 似 ...

1:6.6有乜問題?呢個ratio唔見有咩問題

唔計摺單車，學orange兄講1部單車=5-6人座位
你倒不如話你個堆例子收平左?

如果你地有心為班單車友，點解唔爭取所有工具一視同仁，剩係得天星做善堂?
係咪因為天星過海收得平，所以就好易欺負?

的士、鐵路、巴士，全部都係霸權下產物，所以就置諸不理?

原帖由 kay 於 2011-12-6 18:35 發表

1:6.6有乜問題?呢個ratio唔見有咩問題

唔計摺單車，學orange兄講1部單車=5-6人座位
你倒不如話你個堆例子收平左?

如果你地有心為班單車友，點解唔爭取所有工具一視同仁，剩係得天星做善堂?
係咪因為天星過海收得平，所以 ...

本身灣尖線下層都唔載人

你唔開個跳板, 本身個水手都請左係到做野架啦, 唔係話載單車就唔駛請果個人喎?

依家載單車都係利用d 剩餘的空間, 由現時唔收錢到一收收$20 就真係過份o左囉...

原帖由 FAST 於 2011-12-6 19:22 發表

本身灣尖線下層都唔載人

你唔開個跳板, 本身個水手都請左係到做野架啦, 唔係話載單車就唔駛請果個人喎?

依家載單車都係利用d 剩餘的空間, 由現時唔收錢到一收收$20 就真係過份o左囉... ...

剩餘的空間？一般嚟講下層唔載客係少一個水手，若果有客有單車落船就要放多一個水手落船!
情況同現時新渡輪超國飛頂樓VIP房若果要載客都要安排一個水手上去一樣!亦因為冇必要，所以唔會開...


包晒下層一架單車收廿蚊絕對唔貴亦唔過份，恭某話嘅；單車客有guts嘅叫油麻地小輪開隻汽車船嚟載單車過海，睇吓佢哋會收幾多錢!

原帖由 LW1 於 2011-12-6 20:22 發表


剩餘的空間？一般嚟講下層唔載客係少一個水手，若果有客有單車落船就要放多一個水手落船!
情況同現時新渡輪超國飛頂樓VIP房若果要載客都要安排一個水手上去一樣!亦因為冇必要，所以唔會開...


包晒下層一架單車收廿蚊絕 ...

咁我想問... 依家天星有無特登加個人落下層?

如果無,,, 即係依家既人手係無問題啦
你話依家免費唔得, 要收錢ok! 但唔係$20 咁多囉...

原帖由 FAST 於 2011-12-6 21:06 發表

咁我想問... 依家天星有無特登加個人落下層?

如果無,,, 即係依家既人手係無問題啦
你話依家免費唔得, 要收錢ok! 但唔係$20 咁多囉...

一般乘客未必為意，下層冇載客既情況下，天星小輪駐守下層既船
員數目，係會少一個既…一般在渡輪下層不接載乘客情況下係唔需要有專責船員負責下層拉跳板
崗位!

二十蚊若果以用上本來唔會開嘅下層而因為要招呼個別單車過海而多一個伙計的話，恭某覺得完全冇問題，
其實天星小輪已經好好，睇返油麻地小輪，當年就係怕咗一班刁民，所以索性放棄一般載客業務，只做危險品車過海服務!
危險品車過海一架車最低單程收費510元(5.5噸以下）

[ 本帖最後由 LW1 於 2011-12-7 01:17 編輯 ]

其實小輪本身收費低, 計比例, 計%, 定計倍數,
就一定大數目....

但有得載係好過無得載..

與其不斷重複貴唔貴之見仁見智的討論, 我反而有興趣
知道現時單車過海之需求, 灣仔至尖沙咀線一日有多少
部單車用?

如果乘客用中環至尖沙咀線, 現時單車又是否繼續免費?

謝

[ 本帖最後由 3ASV196 於 2011-12-7 08:53 編輯 ]

忍不住出來抽下水先!

樓主個個禮拜企喺五枝旗杆出面不斷嗌咪叫人支持保留尖碼巴士總站, 抽天星水, 轉過頭又話反對天星收單車運費, 終於明白呢位巴士迷做咁多野都只係為左個巴士總站。

老實講呢廿蚊我唔覺天星可借此開源,甚至會增加開支(視乎真係有幾多單車用)

[ 本帖最後由 yoyotown 於 2011-12-7 23:00 編輯 ]

原帖由 yoyotown 於 2011-12-7 18:47 發表
忍不住出來抽下水先!

樓主個個禮拜企喺五枝旗杆出面不斷嗌咪叫人支持保留尖碼巴士總站, 抽天星水, 轉過頭又話反對天星收單車運費, 終於明白呢位巴士迷做咁多野都只係為左個巴士總站。

老實講呢廿蚊我唔覺天星可借 ...

咁我作為一個平時有踩開單車既人我話比你知
十蚊八蚊我接受到
叫我比廿蚊先過到海我情願唔過

一程廿蚊來回就四十
我話知你因乜野原因收我咁貴
反正我可以唔踩過海既大不了唔踩

獅子開大口 我唔介意一拍兩散
反正有其他船公司提供合理價錢比單車過海~

原帖由 jx6215 於 2011-12-8 07:05 AM 發表

咁我作為一個平時有踩開單車既人我話比你知
十蚊八蚊我接受到
叫我比廿蚊先過到海我情願唔過

一程廿蚊來回就四十
我話知你因乜野原因收我咁貴
反正我可以唔踩過海既大不了唔踩

獅子開大口 我唔介意一拍兩散
反正有其他船公司提供合理價錢比單車過海~

你唔用﹐天星都係win的。

以前唔收你錢﹐但係野又要做多d (即係要派人招乎你﹐灣仔線更要派多一人在下層工作)。
而家你唔用﹐天星的成本最少唔駛招乎你﹐成本也會下降。

以前唔收你錢﹐即係你用一次﹐成本便多一些。
日後收你錢﹐你唔用﹐成本唔會多﹐即係同以前一樣。你用的﹐有你單車收費﹐肯定是有多收入的﹐有賺。


而你也講出﹐帶單車過海不是必須﹐你比較收費後用唔用﹐真係你自己的事。不另收費﹐也未必令你過海次數增加。
想平過海﹐用東涌線啦。

真係想爭取較便宜的﹐不妨想想可否有團體票價﹐例如5人行會收得平一點好過。