(新聞)港鐵三線月底起將加密繁忙時間班次

咪就係...... 8:23-8:27開果班吉車，彩虹- 黃大仙 3個站已經可以同正車差唔多咁爆！

觀塘線係一個極複雜既問題，有一堆龐大東西行客源同時出現：
彩虹往油麻地（往荃灣線過海客）
九龍塘往調景嶺（新界及九龍經東隧返工客）
調景嶺往九龍灣（東隧往東九龍返工客）

我唔反對整幾班彩虹特車，
但一定要比人知有班車存在至有用，
否則我 0800 牛頭角上果班去油麻地既車，一樣爆到飛起。

以觀塘站計，東行繁忙時間大約係 0815 至 0930 出現，
當中特別係 0830 至 0915 係一個最高峰既乘客量。
（參考資料：觀塘往中環大約 30 分鐘，往港島東大約 15 分鐘，
返 9 點至 9 半既客，都會係依個時間出現）。

同樣地，以牛頭角站計，西行第二波既繁忙時間大約係 0845 至 0930 出現，
依批客主要係東隧過海去觀塘、牛頭角、九龍灣返工既人，
而依批列車，過左彩虹站之後乘客量明顯較少。

所以當處理完 0800 至 0845 批彩虹高峰客之後，
要確保有足夠列車 0830 返得切去油塘、九龍灣起載第二波高峰客源至得。

[ 本帖最後由 dennis28a 於 2012-3-14 01:23 編輯 ]

原帖由 mmlcs36 於 2012-3-14 01:51 發表

東行仲有由新界東和九龍西去觀塘區返工客

依個我就無刻意研究，
不過如果係我自己，我係新界東返觀塘，
一定唔會坐港鐵，80 及 89 系 / 74X / 277X 經已可以滿足大部份人。
對比上面三個大客源，九龍塘至觀塘東行需求明顯唔及重點過海客。

原帖由 toyl 於 2012-3-13 22:25 發表

黃埔好似仲要係寶琳果隻單月台，又係列車調頭樽頸位，
繁忙時間會唔會學台灣咁玩彩虹-黃埔 + 油麻地-調景嶺？

睇過有份文件話繁時會一班黃埔, 一班何文田為總站
但黃埔得一個月台, 真係想知板友所指既預留過海可能性有多大

原帖由 dippy 於 2012-3-14 09:35 AM 發表
黃埔同寶琳設計一樣
係兩個月台但只開一個
另一個喺下層
所以繁時其實係一半車入下層
上層就另一半
為免混亂先分開黃埔同何文田而唔開埋下層
(當然可以話係龜公司錢作怪) ...

以前看過資料﹐繁忙時間的列車﹐會梅花相隔以黃埔及何文田作為總站。

但以何文田總站的列車﹐是不會在何文田掉頭﹐而是照去黃埔下層路軌﹐再掉頭入番何文田站載客。


主因係黃埔唔夠位建1個月台2條軌﹐所以無法同時安排繁忙時間所有車都以黃埔為總站。


但是﹐下層路軌是否有乘客月台同時興建﹐真係無資料提及過。
其實﹐乘客會混亂﹐我又唔多覺係問題﹐以羅湖及紅磡站﹐乘客都要看指示牌去最先開出的月台候車﹐唔存在混亂問題的。

原帖由 kei_hk 於 2012-3-14 11:43 發表
但是﹐下層路軌是否有乘客月台同時興建﹐真係無資料提及過。
其實﹐乘客會混亂﹐我又唔多覺係問題﹐以羅湖及紅磡站﹐乘客都要看指示牌去最先開出的月台候車﹐唔存在混亂問題的。

非繁時真係一個月台都夠用，繁時黃埔又唔係話一定要兩班車先夠載，索性用單月台慳返燈油火蠟。
就算而家觀塘綫總站在彌敦道上的油麻地，都唔係太多人搭到盡。