News re 23 條立法: 田北俊﹕不排除有人曾提求助解放軍

原帖由 238X 於 2012-3-21 18:53 發表
不如你諗下，呢個咁嘅統治階級，係咪令到好多人覺得，
唔暴動革命就無辦法令到社會更加公平？

我相信挺梁嘅升斗小民好多都抱持呢種想法，
之不過佢哋無諗過，此人帶嚟嘅嘢好可能係啱啱相反。 ...

以我家人為例，我爸由一開始便已支持梁生，
認為佢有能力有毅力（然而佢對梁生的所有印象都係來自梁生近年在報章的撰文），
而且我爸本人係認為「香港唔可以亂」，不反對「暴動」時執法當局用武力清場。
我爸六十幾歲，平時性格腍善，但亦都可以話佢睇野比較表面同天真。

我媽本來就冇乜傾向，但唐生爆出僭建及玩女醜聞後就唔鍾意佢，
話如果唐生咁都選到佢都要上街。佢對梁生的狼性一面不置可否。

我個人感覺係，老一輩人成日都係話以前乜都冇，而家豐衣足食就應該知足；
香港係中國地方，由中國政府管治天經地道；
而家的共產黨已經比以前（文革、六七暴動年代）好好多，
雖然暴動時佢地同樣唔喜歡那班而家獲授勳的暴動分子；
六四事件時，佢地已經人到中年，可以話係認命，只求保障人身安全，等等。
同樣道理，佢地對利比亞、敘利亞、伊拉克、阿富汗等的人道慘況，冇意見架，事不關己己不勞心嘛。

但我自己的立場係，人應該有自決命運的權利，自由係唔可以用糧油肉菜收買，
尤其是，管治者有問題，人民有義務進言，政府有責任聆聽。
我仍然當你係我個政府，唔搞革命唔推翻你，係我畀面你，而唔係我應份的。

唔好同我講政治現實，家陣佢叫做中華「人民」共和國，
中華人民共和國憲法第一章第二條：「中華人民共和國的一切權力屬於人民」。
話佢求其做樣都好，條文係寫得清清楚楚，可是立國不久這個政府便開始一直欠人民的債，
一直剝奪人民的權利，對反對異議只懂鎮壓消音，從根本精神上違憲。

我係一個人，唔係某人的「子民」，大家都係人，
平時生活有意見不合都要三口六面講清楚，
點解一講到係政府就佢大晒、明明自己受威脅我都要收聲？
中華民國經歷一輪陣痛之後重生，莊敬自強他們做到了，
中華人民共和國卻由開始到現在都一直比封建更封建、比皇權更皇權，
而家有個臭錢就更加不可一世，這個土包子政權，憑甚麼對文明香港指手劃腳、肆意蹂躪？

要趁某人上台之前，有乜想講好講喇～

[ 本帖最後由 DIH 於 2012-3-22 09:37 編輯 ]

原帖由 DIH 於 21/3/2012 21:05 發表

這個土包子政權，憑甚麼對文明香港指手劃腳、肆意蹂躪？

呢個同世界所有地方一樣：暴力最強者說了算。

所以，唯一反制方法係令西方國家同中國敵對 (反正爭資源一定要)，
用國際間嘅威脅、競爭去刺激進步。

即使最後擦槍走火，搞到打大仗，
只要剩番落嚟嗰啲人有更加好嘅生活環境，
死咗嗰啲人嘅血就唔係白流。

[ 本帖最後由 238X 於 2012-3-21 22:42 編輯 ]

原帖由 DIH 於 2012-3-21 21:05 發表

我個人感覺係，老一輩人成日都係話以前乜都冇，而家豐衣足食就應該知足；
香港係中國地方，由中國政府管治天經地道；
而家的共產黨已經比以前（文革、六七暴動年代）好好多，
雖然暴動時佢地同樣唔喜歡那班而家獲授勳的暴動分子；
六四事件時，佢地已經人到中年，可以話係認命，只求保障人身安全，等等。
同樣道理，佢地對利比亞、敘利亞、伊拉克、阿富汗等的人道慘況，冇意見架，事不關己己不勞心嘛。

就係因為呢個原因，就算有位暴君上台，箝制打壓言論自由，搞極權統治，
佢地對策只係自己出少句聲就算，唔會察覺到打壓人權本身係有問題的。

原帖由 238X 於 2012-3-21 18:53 發表
不如你諗下，呢個咁嘅統治階級，係咪令到好多人覺得，
唔暴動革命就無辦法令到社會更加公平？

我相信挺梁嘅升斗小民好多都抱持呢種想法，
之不過佢哋無諗過，此人帶嚟嘅嘢好可能係啱啱相反。 ...

我只可以話梁振英對住一大班香港市民門面功夫做得好,
老實講唔好話佢啦, 所有政客真係會 100% 為人民服務嗎 ?
呢個問題我諗大家都心中有數, 有冇人真係會全心全意 ? (可能有, 但好難會出現起香港呢個乜都以錢行先 o既地方) ~

豬唐涉縑衰的是偕建,有外遇, 呢D係邏輯好易明的個人問題; 狼梁涉縑衰的是商業罪案, 是軒涉兩宗公家工程的利益輸送及申報問題, 呢D一般市民是不會太易明白. D人只會對一D易明的過失有極大反感和日日唱..

一個聰明的政客想整低人一定公出對手一D被市民易明的過失.

但大家有學識的人, 唸心一層, 涉及重大金錢的公眾利益事件定只涉及個人問題的事件會遺害更深?!!

原帖由 DIH 於 2012-3-21 21:05 發表

以我家人為例，我爸由一開始便已支持梁生，
認為佢有能力有毅力（然而佢對梁生的所有印象都係來自梁生近年在報章的撰文），
而且我爸本人係認為「香港唔可以亂」，不反對「暴動」時執法當局用武力清場。
我爸六十幾歲，平時性格腍 ...

[ 本帖最後由 blueblue 於 2012-3-22 09:39 編輯 ]

原帖由 stevenlim84 於 2012-3-21 05:31 PM 發表
似乎今次有人偷換概念，明明是1/7之後，有人想衝擊立法會、要血洗中環的時候，行會的討論，裡面可能提及防暴隊、催淚彈和解放軍，變成用這些措施，對付1/7遊行的和平示威者，增加對狼的傷害。

現在的人，似乎意思是無論甚麼時候出動防暴隊對付自己人，是不可接受的，就算發生暴動，只要暴動的理由是所謂的正確，例如反23條，他們認為政府也不應該出動防暴隊，出動防暴隊鎮壓的，就是鐵腕統治。

好似從來無人講一有遊行便用防暴隊鎮壓

如果真係去到失控情況﹐好似近年霸佔公路﹐令交通嚴重攤緩﹐甚至出現放火燒車等暴徒行為。
如果都不出防暴隊控制場面﹐這是講不通的。

原帖由 blueblue 於 2012-3-22 09:37 發表
豬唐涉縑衰的是偕建,有外遇, 呢D係邏輯好易明的個人問題; 狼梁涉縑衰的是商業罪案, 是軒涉兩宗公家工程的利益輸送及申報問題, 呢D一般市民是不會太易明白. D人只會對一D易明的過失有極大反感和日日唱..

一個聰明的 ...

呢句就更顯得唐先生冇膊頭冇腰骨。
佢做咁多年官, 佢知唔知乜叫集體問責制？真係乜都唔關佢事？
身為政務司, 發水樓、高樓價、新界土豪恐嚇局長, 佢有責任幫忙理順,
所有決定唔係林鄭、鬍鬚曾一個決定, 係行會既集體決定。

政策唔合理又教而不善, 一係佢返工日日hea,
有提出過但政府仍然教而不善, 唔該俾少少骨氣, 學陳太當年咁辭職。
大家可以睇番佢做政務司時既講稿, 睇番佢係立法會既答問,
我唔敢話佢表現差, 因為根本冇表現, 連垃圾都不如。

我唔會相信梁振英係好人, 亦唔希望見到佢上場,
但唐先生雖蠢, 唔代表佢唔奸, 蠢人仲特別易俾背後班商賈利用。

反正都係一場爛選舉, 最後香港人注定要俾人綁住姦,
選邊個出黎都係遺禍人間。

原帖由 stevenlim84 於 2012-3-21 17:31 發表
似乎今次有人偷換概念，明明是1/7之後，有人想衝擊立法會、要血洗中環的時候，行會的討論，裡面可能提及防暴隊、催淚彈和解放軍，變成用這些措施，對付1/7遊行的和平示威者，增加對狼的傷害。

現在的人，似乎意思是無論甚麼時候出動 ...

係行會聽到, 佢唔出聲反對？
反對唔到, 良心過唔去, 點解唔辭職？一講唔撈, 就係萬世英雄、香港之光。

可惜佢冇做到, 既要留政治油水, 又要力保不失。
推老婆替死暫且不理, 公務同樣縮骨,
呢種人上場, 有乜事就推下屬去死, 推唔到咪最多道歉, 再推市民去死。

即使係發達國家都係咁，非止香港。

但有時不免覺得，會唔會係最先進嘅社會唔使再特登搵人故作更張，所以先搵廢柴上台。至少有自知之明的廢柴唔會搞亂檔攤。

另外，我覺樓上某啲反唐嘅站友誤解咗唐近日舉動嘅意圖。記住：佢爆大鑊嗰陣，係一個已經被打死嘅人，目標已經唔一樣。

[ 本帖最後由 238X 於 2012-3-22 12:24 編輯 ]

原帖由 blueblue 於 2012-3-22 09:37 發表
豬唐涉縑衰的是偕建,有外遇, 呢D係邏輯好易明的個人問題; 狼梁涉縑衰的是商業罪案, 是軒涉兩宗公家工程的利益輸送及申報問題, 呢D一般市民是不會太易明白. D人只會對一D易明的過失有極大反感和日日唱..

一個聰明的 ...

你道出了一點很多港人都沒有留意的重點。

從已知的資料看, 豬的醜聞大致都係私人問題,
外遇、僭建呢 d 係一般市民都有機會犯的錯/罪, 並沒有涉及官職的權力, 對公眾利益影響亦相對較小,
即使做了特首, 呢 d 問題的影響亦唔會加大

但係狼的西九、城大、防暴隊/催淚彈、黑金等醜聞, 全部都同官位和公權有關,
做特首就意味著他有更大權力、更可能會濫權

因此三個揀唔落的爛橙之中, 我最不想粱當選