有關城巴新巴龍運專營權延續安排

其實大家都只係執著於最尾果句就係放架單車上去會唔會阻到其他乘客...
單車客亦並非話見車就要上
理得理多唔多人
佢地自己都要顧住架車既
太多人既車都未必會想上去
若果本身架車冇咩人既
咁又有咩所謂呢?

原帖由 Snoopy@FB8617 於 2012-4-4 17:41 發表

唔知你係想講租單車定係租載到單車既車
後者都唔平又或者要識人
前者既話要踩當然希望有得踩自己車

其實又唔係好多人會送架單車上去搭巴士既時候
唔見得又真係會好阻到人 ...

唔知雞記/全港做唔做單車客生意?

原帖由 kei_hk 於 2012-4-3 15:24 發表
如果有安裝單車架的巴士﹐唔係撞車﹐而係撞到行人﹐相信個行人會更傷。

我又未聽過美國發生過咁嘅事
會嘅話人地美加就唔會部部都撞架啦
咁多擔心

原帖由 ~誰@359~ 於 2012-4-4 00:10 發表
用到單車代步咁做乜要坐巴士？
遠得滯要坐程巴士的話，咁就根本要考慮下唔好用單車
事情就係咁簡單解決左

香港推行唔到單車交通就係咁解
儘管單車都係代步
但有啲地方就未必單車可以行或者去到
例如過海咁，單車過唔過到海??輕功水上飄?
外國巴士加裝單車架
就係因為單車唔係下下都去到任何地方
唔通廿幾miles嘅公路都要人全程踩單車?
而且單車屬於輔助交通
有啲人距離巴士站遠，咪要用單車駁腳囉
但駁完腳你叫人架單車擺邊？擺街？一陣又話人阻街或者單車位不足
攞上車？又話人做乜有單車仲要搭巴士
乜而家啲人咁難服侍?

原帖由 sea1986 於 2012-4-4 11:56 PM 發表

我又未聽過美國發生過咁嘅事
會嘅話人地美加就唔會部部都撞架啦
咁多擔心

其實﹐大家可以想想﹐單車架係一支支的﹐總會有幾支直伸向前的﹐如果真係停燈位期間推到行人﹐又真係中正這幾支﹐大家可以想想有幾傷了。

一支筆平壓在手掌痛﹐定係一支筆插手掌痛?

外國人守唔守交通規則我唔清楚﹐但係以香港的行人的守法﹐真係成條盲毛衝出馬路﹐你都咪話唔易出事。

而新聞﹐也唔會去特別去探求單車架會唔會令到傷者更傷﹐只會講有幾多人受傷﹐傷者情況係點。
所以從新聞報導中﹐無從證明會否令人傷上加傷。

但一個事實﹐便是香港有研究(上埋新聞)指車輛加裝非原裝的bumper﹐多數都係較大型的﹐對部車的保護係增加﹐但對途人的危險及受傷程度﹐更同樣地增加。

睇返立法會原文....
http://www.legco.gov.hk/yr11-12/ ... 309cb1-1157-5-c.pdf

其實所謂的新規定差唔大部分都做緊或好容易做...

單車果度我問過業內人士，其實家陣都俾上車，摺好包好同埋唔超過0.1立方米就得.....
而摺埋左的單車其實正正係接近 0.1 立方米.... 所以專營權話「容許乘客攜帶已妥善摺合及包裝、
以及不會對其他乘客構成危險的摺合式單車登車」其實同現況分別不大~

所謂「而家畀」，
究竟係打包好部單車，
我做司機睇唔到你件包裹是乜東東，
又冇權檢查詐唔知，
定真係容許(即係唔打包好架單車齋摺合好都上得巴士？)？

正如帶貓狗搭新渡輪高速船/豪華位一樣，
我見過有人夠疆掟隻狗落背心袋扮普通手提貨搭高速船添。
如果齋放入貓狗用寵物袋畀職員發現一樣唔畀你搭快船/豪華位。

原帖由 河灣西 於 2012-4-5 15:20 發表
所謂「而家畀」，
究竟係打包好部單車，
我做司機睇唔到你件包裹是乜東東，
又冇權檢查詐唔知，
定真係容許(即係唔打包好架單車齋摺合好都上得巴士？)？

正如帶貓狗搭新渡輪高速船/豪華位一樣，
我見過有人夠疆掟隻狗落背心袋扮普 ...

貓狗係條例另外講明唔得嘛，但單車無話過唔俾....

原帖由 kei_hk 於 2012-4-5 12:46 發表


其實﹐大家可以想想﹐單車架係一支支的﹐總會有幾支直伸向前的﹐如果真係停燈位期間推到行人﹐又真係中正這幾支﹐大家可以想想有幾傷了。

一支筆平壓在手掌痛﹐定係一支筆插手掌痛?

外國人守唔守交通規則我唔清楚﹐但係以香港的 ...

咁事實就係你根本冇可能拎美加去同香港比,
兩地人口密度實在分別太大 ~

不過當你講 "以香港的行人的守法﹐真係成條盲毛衝出馬路﹐你都咪話唔易出事" 呢個理由而反對裝單車架, 我反而覺得真係有點兒那個,
咩唔係每個人都應該去遵守交通規則的嗎 ?

就算容許單車都應該要有限制, 例如
- 只準在總站上落車
- 上落車優先權/次序是最尾
- 只限某些路線 e.g. 東涌及機場線, 及行駛方向無港鐵平行的指定郊區路線e.g. KMB 94, 99, 51(可在郊野公園分站上落車), 276B(可在落馬洲分站上落車),
- 徵收附加費 $10 (要投幣)

[ 本帖最後由 barking 於 2012-4-5 21:57 編輯 ]