我們未來的鐵路

原帖由 053h4 於 2012-4-25 22:04 發表


1. 你啱
2. 國內點拖, 廈深鐵路2015年都通(就算大鵬坪山華僑城, 去番福田其實都唔係話差好遠, 當然睇時間)
3. 地鐵坐幾個站去羅湖, 同樣都係坐幾個站去福田再轉高鐵出到市區
我係東門一帶都唔會再考慮坐東鐵出市區, 而家佢有個閘, 除時唔好彩拍左卡, 行到用台車都未到
等足5~6分鐘先有開車, 總車程行得快出到旺角紅磡差唔多成個鐘
我坐高鐵唔好?

我的意思係福田落馬洲果批本來都唔係搭東鐵去市區
可能搭皇巴去大西北或誇境全日通落灣仔/旺角
高鐵建成也分流不到東鐵客
我估計高鐵能夠搶到的東鐵客源
(非廣深和諧號沿途或以羅湖為目的地客源)
九龍塘以北都唔會搶到
九龍區計美孚以南約80%
；荃葵青/九龍城/九龍東都係50%
港島中西區/南區70%，東區50%

原帖由 DIH 於 2012-4-26 12:14 發表

(2)都只係適用於繁忙時間嗟，非繁時，(1)(4)都係主因。
例如我家人架私家車由沙田出發，只有去大嶼山先會揀青沙，
如果係落九龍西舊區（青山道一帶），都係行返大埔道，過海都係行獅隧紅隧。

另外，回#157
「當局有需要研究在新界東 ...

小弟家住顯田

有架錢七

返工有時會去富昌村PARK AND RIDE

其餘去大嶼山同去新界西想經昂船州大橋看風景才會選擇青沙

還有去港島薄扶林和西區會選青沙西隧，因時間差太遠

原帖由 053h4 於 2012-4-26 00:28 發表


二係主因，其他都係次要
一個二十億的連接線及配套公程可以活化成個新界交通，而家受阻誰之過？

我思考不到如何可以連接.......有何建議?

眼看差不多兩個星期沒有新文, 本人就轉貼今天(2012年5月8日)<<文匯報>> 陳文鴻發表的文章, 看看大家對他的意見如何吧.

再建香港競爭力：香港鐵路規劃未能配合與珠三角合作

--本人的一點意見: 其實內地的鐵路, 尤其是城市市內的鐵路, 發展都有一點保守, 車站設施未能有足夠的擴充. 而陳文鴻就未有留意東鐵的擴展因土地擴展而受限, 而需要發展香港西面的新鐵路才行.

原帖由 hkth 於 2012-5-8 08:01 發表
眼看差不多兩個星期沒有新文, 本人就轉貼今天(2012年5月8日) 陳文鴻發表的文章, 看看大家對他的意見如何吧.

再建香港競爭力：香港鐵路規劃未能配合與珠三角合作

--本人的一點意見: 其實內地的鐵路, 尤其是城市市內的 ...

作者係咁講屯荃鐵路會形成大循環
大循環有咩用？俾鐵路迷遊車河用？

我只想到以下作用：
1) 如果原有路線已經超負荷（capacity），形成循環可以俾第二條路d客走。呢個喺北環線就勉強講得通（東鐵超負荷），但係屯荃鐵路就唔需要（西鐵未超負荷）
2) 提供更快路線（connectivity）。喺北環線係有呢個作用（用鐵路來往新界東西唔洗經九龍），但係屯荃鐵路又快唔過西鐵

[ 本帖最後由 K仔 於 2012-5-8 09:21 編輯 ]

原帖由 hkth 於 2012-5-8 08:01 發表
眼看差不多兩個星期沒有新文, 本人就轉貼今天(2012年5月8日) 陳文鴻發表的文章, 看看大家對他的意見如何吧.

昨天《東方日報》亦有刊登陳文鴻的相關文章：
http://orientaldaily.on.cc/cnt/news/20120507/00184_011.html
其實如果落實興建北環線，至少不用依賴276系路線了。

陳文鴻提到的concern同我一樣，就係連大方向都唔講，咁我可以點畀意見？
諮詢網頁將條條線的考慮拆到手撕雞咁細，
如果我係有vision但唔識執行細節，係咪代表我的意見就會被忽略呢？
（我係諗住自己撰文回應，不受諮詢網頁束縛）
定還是，當局已經進退失據，將成個規劃責任推到市民身上，而自己係睇唔通全局呢？

港深機鐵，究竟想用咩系統？
呢樣要同大陸傾，唔係香港單方面可以決定，
咁究竟有冇傾？有冇結論？
條鐵路個目的係乜野？
除了連接港深機場外，有冇其他可能性？
如果話連接前海，點解又同本地網絡隔離？

這條港深機鐵如果只係連接兩地機場及前海，班次有限，
規劃時必須將本地線服務納入考慮以善用資源，
但由於港深機鐵規格不清，屯赤本地線唔知用東涌線延長好定西鐵延長好，
又或者係獨立成線都未定，連帶走線都規劃唔到，以及估計唔到對現有系統的影響。

似乎大家的共識係北環線值得興建，
但目的顯然唔係政府所指的服務新發展區，
而係連接東西鐵，及分流過境客：又係政府睇唔通的一點。

屯荃鐵路我都在F1講過我唔贊成，建屯荃之前應該塞爆西鐵先。
尤其是，屯荃鐵路荃灣端無論接西鐵定東涌線，都冇乜剩餘運力，
假如話駁埋沙葵，咁應該將重點放在沙葵，而唔係為了起屯荃先起條沙葵。
如果屯荃係獨立成線，就失去了增加connectivity的意義。

至於佢話東鐵擴能，係有需要既，起多一條軌，
或索性整多一對玩山線海線配對，有心做總會有方法做到；
擴建車站方面，我都不知幾想九龍塘可以加月台，但現實歸現實呀下。

東鐵擴能可能會放在第二階段諮詢，但其實個諮詢又有冇需要夾硬分開跨區線同樽頸舒緩呢？
如果一條線整條線都係樽頸，要起條跨區線做舒緩，咁放邊個階段？
又係程序凌駕願景的例子。

[ 本帖最後由 DIH 於 2012-5-8 11:06 編輯 ]

建議大家多去下嗰幾場諮詢會, 聽下地區人士對鐵路嘅睇法, 好過淨喺呢度塘水滾塘魚。
我去左上星期六屯門嗰場, 自然, 多數出席者都支持荃屯線, 不贅。
不過值得一提嘅係, 不少市民都建議加強同深圳嘅連繫, 不單是港深西線,
尤其屯門區議員嚴天生提出, 應該將北環線, 西鐵, 同屯赤線連成一線(類似某d 站友嘅建議),
以將機場直接連接到深圳東面 (大概講蓮塘口岸嘅位置), 將北環線嘅功能完全改寫,
可見在群眾之中其實智慧亦不少。

原帖由 leochill 於 2012-5-8 14:12 發表
建議大家多去下嗰幾場諮詢會, 聽下地區人士對鐵路嘅睇法, 好過淨喺呢度塘水滾塘魚。
我去左上星期六屯門嗰場, 自然, 多數出席者都支持荃屯線, 不贅。
不過值得一提嘅係, 不少市民都建議加強同深圳嘅連繫, 不單是港深 ...

呢種做法最值得擔心嘅問題，同北環線直通西鐵入市區一樣
就係共軌安排對西鐵本身班次嘅影響