港島綫灣仔以東八折往落馬洲

http://www.mtr.com.hk/chi/whatsnew/lmc_discount.html
4月1日至6月30日，港島綫灣仔站以東乘客於入閘前於客務中心領取優惠，往落馬洲可獲八折優惠！

不可於尖東/尖沙咀轉綫！(請改乘荃灣綫+觀塘綫或將軍澳綫+觀塘綫於九龍塘轉車)
頭等額外費不設折扣。

(都係今日收到MTR Club既email先知…)

[ 本帖最後由 lsc04d11 於 2012-4-26 20:32 編輯 ]

唔可以尖東轉線麻煩好多
特別係灣仔>炮台山中間果幾個站

要做優惠點解要乘客/職員咁麻煩, 唔索性用八達通就有8折? 技術問題.. 改個lookup table 應該唔難0卦

港鐵係咪有心俾優惠?

我覺得冇心，除左要去客務中心外，如果唔係封EMAIL，我都唔知有呢件事，都唔見有小明宣傳上深圳八折。
(可能該數個車站有宣傳，但唔好意思…我唔係港島人，我見唔到..)

收到EMAIL，話係友禮會會員收，看詳情，原來是所有人都可以，但見到4月1日開始…唔係啊嘛？

港島東嘅車站有廣告版宣傳, 請放心。

講返個優惠, 目標係想搶邊d 客呢? 搭左跑狗個d? 搭隧巴去紅磡轉東鐵個d?

佢可能又會話如果直接調整八達通價錢，會違反可加可減機制。

原帖由 stevenlim84 於 2012-4-27 09:14 發表
佢可能又會話如果直接調整八達通價錢，會違反可加可減機制。

關咩事@@咁都抽

上環至銅鑼灣幾個站，去落馬洲原價一樣，
如果唔係入閘前整，可能技術上張卡分唔到你係上環上車（無優惠）定銅鑼灣上車（有優惠）。

可能佢設計個優惠程式只可以carry在一次車程，所以尖東轉就唔得。
當然如果你維持唔出閘，搭東涌綫去南昌再回頭都冇人捉到你，搵自己笨之嘛。

我只係估，我唔知八達通技術係點。

原帖由 DIH 於 2012-4-27 10:58 AM 發表
上環至銅鑼灣幾個站，去落馬洲原價一樣，
如果唔係入閘前整，可能技術上張卡分唔到你係上環上車（無優惠）定銅鑼灣上車（有優惠）。

可能佢設計個優惠程式只可以carry在一次車程，所以尖東轉就唔得。
當然如果你維持唔出閘，搭東涌綫 ...

純粹以program層面分析﹐不代表mtr所選用的計費方法。

如果我無理解錯誤﹐你這句的意思是把車站分組﹐把同組的車站去某一個/組車站去判定收費。

不過﹐以program 去看﹐這會欠缺靈活性﹐而且日後改變路線版圖/收費結構要做好多野。

以現時的電子設備(即使係90年初中期﹐八仔卡的研發階段)﹐都有足夠能力去儲起整個收費表﹐以及計算車票/八仔卡的結餘能力。

所以﹐入閘機只需寫入入閘車站的資料﹐以及時間。去到出閘的時間﹐出閘機只需讀取卡上資料﹐看看入閘車站及時間﹐便可核對收費表﹐適當地扣除費用。
即係﹐係逐個車站去設定獨立計算﹐而不是把車站分組。


至於點解要乘客去客務中心才可取優惠﹐而不直接在收費表中處理。
要解釋好簡單﹐便是如果要改收費表﹐便要做好多野﹐要做一大堆測試﹐以確定修改收費表係無錯誤。萬一測試不足令到收費錯誤﹐影響係極大的。
相反﹐利用「優惠站」的形式﹐便可做少好多測試。(今次只不過係個「優惠站」放在客務中心﹐要職員幫你「拍卡」﹐形式係相同的)
出閘機只需加入讀取有沒有特別優惠的資料﹐如無的便正常收費﹐如有的又符合優惠條件便把原價減去相關金額。
要測試已經神早做完﹐隨機抽出幾個有優惠的車站test幾次便ok。因為不是新增的program程式﹐也沒有改變收費表﹐是以往附加優惠程式﹐一直有使用。

至於點解唔可在尖沙咀轉車﹐個人估計程式上係無限制的﹐只不過係想人利用東隧過海﹐減輕荃灣線壓力。
試問以住的$2機又有沒有限制你唔可以用尖東轉車?
但真係要搵勇者試下至可証實。
如果真係要在程式上限制不可以尖東轉車﹐便要做多好多野。除非之前已經有此要求﹐並且已經做好相關程式及測試﹐否則唔會無情情有此限制﹐增加程式的複雜性﹐增加錯誤(bug)及測試的次數。


即係﹐入閘機由乘客拍卡﹐會做的事情係會如下 :
1. 乘客拍卡
2. 檢查卡是否「黑名單」﹐如是黑名單便lock 卡﹐並拒絕交易
3. 檢查八仔卡結餘是否$0 或 負數﹐
3.1)如$0 或 負數使檢查有沒有自動增值﹐如沒有自動增值便拒絕交易
　　如有自動增值﹐便進行自動增值﹐跳回 step 3
4. 寫入交易紀錄(即入閘車站及時間)
5. 讀取過往的交易紀錄(即最近10次的交易紀錄)﹐並且寫入入閘機的紀錄﹐以便八仔卡公司的中央對數之用。
6. 交易完成﹐開閘放人。


出閘機要做的事情如下 :
1. 乘客拍卡
2. 讀取入閘資料
3. 核對收費表﹐得出車費金額 (包括同站出入及超時收費)
4. 讀取有沒有額外車費優惠 (即$2站﹐今次的特別優惠等)
5. 讀取有沒有轉乘優惠(主要係與尖沙咀/尖東站﹐輕鐵及西鐵)
6. 把第3點得出的收費﹐扣減4 & 5的費用﹐得出最終收費/回贈
7. 讀取八仔卡的結存﹐並扣減第6點得出的收費。
7.1 如扣減車費後﹐八仔卡結存為正數 或 $0至-$35 之間﹐便確定交易﹐寫入交易資料及新結餘到八仔卡﹐並且讀取過去的交易紀錄供中央對數之用﹐最後開閘放人。
7.2 如扣減車費後﹐八仔卡結餘 負$35.1 或以上(即負更多錢)﹐便拒絕交易(可同時加入error code代碼入八仔卡供職員輕易check問題)﹐並發出指示叫乘客去客務中心。



即是所有新增的優惠站(即$2/1.5/1 機)﹐以至好似今次無情情的個別車站優惠﹐關鍵只是把一個額外的優惠資料寫入張八仔卡﹐在出閘機可以核對優惠資料是否符合生效(即上面第4點)﹐便可以隨時提供更多的優惠。

原帖由 lsc04d11 於 2012-4-27 06:08 發表
我覺得冇心，除左要去客務中心外，如果唔係封EMAIL，我都唔知有呢件事，都唔見有小明宣傳上深圳八折。
(可能該數個車站有宣傳，但唔好意思…我唔係港島人，我見唔到..)

收到EMAIL，話係友禮會會員收，看詳情，原來是所有人都可以，但見 ...

仲要係唔去客務中心幫張八仔入fare-saver都唔會有優惠，即係話你出聲先會比特價，唔出聲就收全價……