龍 運 巴 士 司 機 不 滿 手 動 升 降 板

原帖由 Anpretext 於 2012-5-21 10:22 PM 發表
上車:動能變勢能
落車:勢能變動能

我個中一學生學緊

對於行李開斜板﹐只是給予他們一個方便﹐但絕對不是必須的。

正如在中途站上車﹐又係唔係要開板?  我看到的係沒有的。

沒有開斜板﹐難道他們拿不到行李上車?

而事實上﹐行李上車後都要放行李架的。
如果用唔到最低的一層﹐他們又係唔係會放地面通道﹐而不是放上第2層?


而他們去到其他地方﹐係唔係真的可以全程「拖」行李?
這個答案肯定不是的。
單單是機場check-in﹐落機後的行李認領﹐上落的士/私家車﹐以至旅遊巴﹐全部都無斜板﹐唔通他們便不用放行李在合適的位置?


斜板對於行李來說﹐只是一個附加品﹐非必須的。
所以﹐巴士公司把電動版改為手動版的時間﹐也應該取消要司機在總站上客﹐要為行李客開斜板的規定。

原帖由 kei_hk 於 2012-5-22 10:24 發表


對於行李開斜板﹐只是給予他們一個方便﹐但絕對不是必須的。

正如在中途站上車﹐又係唔係要開板?  我看到的係沒有的。

沒有開斜板﹐難道他們拿不到行李上車?

而事實上﹐行李上車後都要放行李架的。
如果用唔到最低的一層﹐ ...

完全同意
我都未見過城記A車會開斜版
龍運大不了響站頭出張通告
非輪椅使用者不會開斜版便可

原帖由 siupy 於 2012-5-22 12:43 PM 發表

完全同意
我都未見過城記A車會開斜版
龍運大不了響站頭出張通告
非輪椅使用者不會開斜版便可

根本連站頭乘客通告都不用出﹐出內部通告﹐同司機講不用再為行李客開斜板便可。

原帖由 kei_hk 於 2012-5-22 10:24 發表
對於行李開斜板﹐只是給予他們一個方便﹐但絕對不是必須的。

正如在中途站上車﹐又係唔係要開板?  我看到的係沒有的。

沒有開斜板﹐難道他們拿不到行李上車?

而事實上﹐行李上車後都要放行李架的。
如果用唔到最低的一層﹐ ...

你估個個好似你咁大力？
有啲人、尤其女士未必有力攞到重嘅行李上車
既然有斜板，何解唔打開？
斜板就不嬲設計係方便乘客
不論係咪傷殘，只要有需要就自然可以開
乘客真係有需要但你唔開
咁係咪大細超？
中途站唔開仲情有可原，因為可能阻塞交通，但喺機場等客上車你都唔開
咁就做唔到以客為本啦

我見唔到「行李上車後都要放行李架」同開唔開斜板有關連
即使真係要擺上上層
最起碼開左斜板後減少一個乘客整親嘅機會
你唔開，個個抬乜咁抬上車，只會拖慢上車進度
連唔駛擺行李嘅人都被拖慢上車
同埋開斜板亦可以加快上車速度
為何唔開？

原帖由 sea1986 於 2012-5-22 04:04 PM 發表

你估個個好似你咁大力？
有啲人、尤其女士未必有力攞到重嘅行李上車
既然有斜板，何解唔打開？
斜板就不嬲設計係方便乘客
不論係咪傷殘，只要有需要就自然可以開
乘客真係有需要但你唔開
咁係咪大細超？
中途站唔開仲情有可原 ...

我想問這些人唔夠力﹐他們點取行李出街?  真係由家去到巴士站的一段路﹐一級樓梯都無? 連馬路都唔駛過?

唔通去到機場CHECK IN﹐做安檢會有人代勞?  坐完飛機取行李都不用抬上扣落?

真係拿唔起﹐便是他們沒有量力而為﹐明知唔夠力﹐都強行載重的行李﹐是他們本身都有問題。



如果斜板係必須 (for 行李)﹐點解城巴又無此安排?
他們斜板裝在中門﹐你可以講是其中一個因素﹐但真係方便行李上落﹐點解唔給他們在中門上行李?
新車前門都有斜板(即e500)﹐他們又有沒有在總站開斜板?

我覺得同做義工原理一樣
義務 盡做 唔好傷到自己

其實我認為機場線本身比較特別, 就係拎行李的客, 如非特別情況,
都全數會係機場上/落車

所以如果係機場總站, 落斜板, 即使唔係必須, 但做左點都係以客為本的
表現 (講到必須, 就真係無話必須gei, 你派架非低地台行都ok ga)

我覺得問題重點唔係總站應唔應該落斜板, 這可以是不同公司的服務水平
問題, 而是巴士公司將電板轉做人手板的問題...

正如之前部分站友都講左, 斜板本身就一定唔係高科技野, 香港巴士公司
亦用左斜板成10幾年, 如果係要成日開 (唔好講機場線, 依家低地台巴士再
普及, 輪椅乘客只會越來越多), 點解仲要諗埋縮數, 唔去整返電板而辛苦左
車長呢...

其實好多問題都可以解決, 如驚電板壞左會開唔到車, 可以整到D板電同手兩用,
必要時可以改用手動, 平時就電動...其實呢D都係成本問題, 本身唔係好複雜的野,
但長遠就可以解決車長辛苦的問題....

原帖由 siupy 於 2012-5-22 12:43 發表

完全同意
我都未見過城記A車會開斜版
龍運大不了響站頭出張通告
非輪椅使用者不會開斜版便可

見唔到係正常, 因為佢地塊板係中門

原帖由 kei_hk 於 2012-5-22 16:18 發表
如果斜板係必須 (for 行李)﹐點解城巴又無此安排?
他們斜板裝在中門﹐你可以講是其中一個因素﹐但真係方便行李上落﹐點解唔給他們在中門上行李?
新車前門都有斜板(即e500)﹐他們又有沒有在總站開斜板?

點解唔可以話城巴無好似龍運咁開斜板方便乘客？係唔係要城巴有做到人地先可以跟住做？

我就話城巴完全唔體貼乘客，總站都唔開塊斜板方便乘客
人地龍運都有開啦

原帖由 kei_hk 於 2012-5-22 16:18 發表


我想問這些人唔夠力﹐他們點取行李出街?  真係由家去到巴士站的一段路﹐一級樓梯都無? 連馬路都唔駛過?

唔通去到機場CHECK IN﹐做安檢會有人代勞?  坐完飛機取行李都不用抬上扣落?

真係拿唔起﹐便是他們沒有量力而為﹐明知 ...

以上情況即使你慢慢做都唔會阻到其他人，但搭巴士就唔一樣，你後面係有其他人
等你上完先上，如果你慢慢上你自己都會覺得阻住後面既人，尤其係你拎住唔止一件
行李既時候。當然，你可以讓晒後面既人上車先，但同一班車隨時有唔少人拎住
行李，所以我自己拎住行李既時候都會睇下後面既情況再決定讓唔讓人後面既人
上車先。無論如何，有斜版既感覺真係好好多。

不過冇斜版都好過冇行李架既，有次搭 B3 上深圳灣轉車去深圳機場，遇著部富豪 (#41x)。
置樂上車果陣，見到車上面已經有幾個人放左行李o係落車門後面直排位及橫排位外既
行人通道，但司機都唔等我坐好就開車，結果我坐住o係車頭先。跟住一停車我立即
九秒九抽件行李入車入面。幸好之後市中心有班 B3X 上緊客，冇人上車，於是班車
再冇其他行李客，但件行李真係要一直夾住。但果日班車已經算少人，至少樓下仲未
坐滿一半，如果班車再多幾個行李客都麻煩到大家。

[ 本帖最後由 fw1321 於 2012-5-22 21:01 編輯 ]