[認真討論]如何檢討九巴專營權

原帖由 LF5502 於 2012-6-22 16:55 發表
個關鍵係做巴士無得賺
個專營權真係有寶咩 ????

小輪線無人投咪就係因為點做都蝕...

你肯定？
有冇得賺係睇你盤數點表達, 所有上市公司盤數總有D趣怪notes。
做少少手腳, 已經可以令盤數難睇。

一間公司未到急住賣shares俾人, 你都唔可以肯定地話佢冇前途冇錢賺。
市場就是這樣運作。

原帖由 KG1428 於 2012-6-22 17:20 發表
不如學澳門，把所有巴士線重新招標

由巴士公司買服務，乘客車資歸於政府。
加上汪局長的指示，不准有部份路線班次脫班。
一旦有路線脫班的話就收罰款。
夠一定金額就可以收番部份路線。

等九巴知驚。 ...

我諗大家抛大堆千奇百趣建議時, 最好先了解市場/政府係點運作。

香港政府係好迷信「大市場、小政府」,
澳門點做係澳門既事, 港府一開始做規劃市場一類霸道行為,
影響十分深遠, 唔止影響巴士業, 而係會嚇走埋其他行業既投資者。

所有路線重新招標, 未來20年都唔好諗住出現。

原帖由 LF5502 於 2012-6-22 16:55 發表
個關鍵係做巴士無得賺
個專營權真係有寶咩 ????

小輪線無人投咪就係因為點做都蝕...

小輪線唔一定蝕
一條長洲線已經可以單天保至尊
無人投主要係牌照年期太遠
只得三年，所以唔會有競爭者想加入
就算中環紅磡線其實都有人想投
不過限制太多，好似最少要用400人船
如果只開繁時，俾用細船，碼頭免租，
未必會蝕本

原帖由 siupy 於 2012-6-23 17:02 發表


小輪線唔一定蝕
一條長洲線已經可以單天保至尊
無人投主要係牌照年期太遠
只得三年，所以唔會有競爭者想加入
就算中環紅磡線其實都有人想投
不過限制太多，好似最少要用400人船
如果只開繁時，俾用細船，碼頭免租，
未必會蝕 ...

鬼叫政府唔支持港內渡輪咩?
如果CY未俾人拉下去,佢出聲重開港內渡輪,應該會吸引更多市民支持佢.

原帖由 kwyeung 於 2012-6-23 08:53 發表


我諗大家抛大堆千奇百趣建議時, 最好先了解市場/政府係點運作。

香港政府係好迷信「大市場、小政府」,
澳門點做係澳門既事, 港府一開始做規劃市場一類霸道行為,
影響十分深遠, 唔止影響巴士業, 而係會嚇走埋其他 ...

CY出場,呢個"大市場,小政府"既原則,恐怕將不再.

原帖由 053h4 於 2012-6-22 11:56 發表


當年39C 輔助城巴條98, 加左價咪又少左客

小巴靈活回車快係佢特色, 香港仔小巴可以入香港仔中心, 巴士唔可以, 咪有個獨市位可以做
唔係代表佢有服務態度真係特別好 ...

而且~香港仔d 路俾ams 同紅小塞爆曬~確實令到我呢d巴士乘客有d 火滾...

原帖由 FBI2 於 23/6/2012 17:56 發表


CY出場,呢個"大市場,小政府"既原則,恐怕將不再.

放心啦，佢未做到嘢之前，會先搞到香港天下大亂、民不聊生。

原帖由 kwyeung 於 2012-6-23 08:53 發表


香港政府係好迷信「大市場、小政府」,
澳門點做係澳門既事, 港府一開始做規劃市場一類霸道行為,
影響十分深遠, 唔止影響巴士業, 而係會嚇走埋其他行業既投資者。

其實現時政府用保鐵政策, 已經係對交通事業做緊一定程度的
規劃市場行為, 本身已經係嚇走緊巴士業外國投資者

基本上得返本地有地產背景的商家, 先可以搞交通, 尤其巴士,
如果政府進一步再干涉市場, 如連地產商公司都趕走埋, 到時
巴士就真係只可以由政府自己搞

個困局本身有d係政府自己搞成, 係交通方面, 佢又唔係真係市場晒,
但同時又希望市場自己搞掂, 結果出現現時一D矛盾同問題...

如果佢想用市場去對付返九巴(即全面公開再投標), 首先就係要再
減少交通市場干預, 但似乎一直係相反緊....而如果好似站友建議,
如收返九巴專營權, 情況只會進一步惡化, 更加無市場...

[ 本帖最後由 3ASV196 於 2012-6-24 11:04 編輯 ]

原帖由 3ASV196 於 2012-6-24 11:00 發表


其實現時政府用保鐵政策, 已經係對交通事業做緊一定程度的
規劃市場行為, 本身已經係嚇走緊巴士業外國投資者

基本上得返本地有地產背景的商家, 先可以搞交通, 尤其巴士,
如果政府進一步再干涉市場, 如連地產商公 ...

去到公共事業層面, 已經唔可能有(completely) free market呢回事。

政府保鐵大方向, 基本上咁多年都冇變,
(雖然我估計呢幾年可能有調整, 政府要係官試出題目問意見,
某程度反映係管理運輸方面已經冇哂辦法, 就快狗急跳牆)

講困局, 八、九十年代一樣有。
地鐵起荃灣線、觀塘線不是一樣直插九巴心臟, 不是一開鐵路就限制巴士？
新界路線不過旺角火車站/大角咀碼頭, 不是限制嗎？
九十年代, 運輸業搶人比今時今日更厲害, 為何那時可以請到人？

問題在於陳祖澤(或以前)年代, 佢知道有為有所不為,
識玩手段, 大事化小, 小事化無。

到而家會計佬年代, 九巴管理層真係冇乜common sense可言,
上至控制班次管理員工, 下至買車咁少事, 全部做得唔好。
前排有傳九巴拖富豪數, 搞到人地唔入標做佢生意,
如果傳聞屬實, 我真係相信九巴法律部門似回收中心多D
咁多類undertakings唔用, 竟然要同合作伙伴反面？

原帖由 kwyeung 於 2012-6-24 12:52 發表

前排有傳九巴拖富豪數, 搞到人地唔入標做佢生意,
如果傳聞屬實, 我真係相信九巴法律部門似回收中心多D
咁多類undertakings唔用, 竟然要同合作伙伴反面？

富豪邊估得到九記雪批車雪成年幾兩年？

大家都係按合約行事o者。